CERVO .- Inauguraron en Cervo a mostra pictórica itinerante “Mulleres, pintoras, artistas, luguesas”, que nos próximos meses levará a distintos puntos da provincia a obra de 24 artistas lucenses, ás que no caso cervense se suman 5 creacións máis de outras tantas pintoras da zona. A delegada territorial da Xunta, Raquel Arias, participou no acto.
Nota de Prensa
RAQUEL ARIAS INAUGURA EN CERVO UNHA EXPOSICION ITINERANTE DE PINTORAS LUGUESAS NA QUE PARTICIPAN 29 ARTISTAS DA PROVINCIA
* A delegada territorial da Xunta destacou a importancia de valorizar e dar a coñecer o traballo das mulleres a través da arte
* A mostra visitará proximamente os concellos de Ribadeo, Sober, Quiroga e Outeiro de Rei, e en cada paso do percorrido sumará a participación de pintoras locais
Cervo, 2 de xullo de 2010.- A delegada territorial da Xunta, Raquel Arias, participou hoxe en Cervo no acto de inauguración da mostra pictórica itinerante Mulleres, pintoras, artistas, luguesas, que nos próximos meses levará a distintos puntos da provincia a obra de 24 artistas lucenses, ás que no caso cervense se suman 5 creacións máis de outras tantas pintoras da zona.
Trala apertura en Cervo, onde permanecerá ata o vindeiro día 15 de xullo, a exposición poderá visitarse en Ribadeo, Sober, Quiroga e Outeiro de Rei ao longo dos próximos meses.
Arias destacou que o obxectivo da exposición é reivindicar, a través da obra destas artistas, o traballo “omnipresente, moitas veces invisible” que realizan tantas mulleres e en ámbitos tan diversos como a empresa, a cultura e a familia.
A mostra, organizada pola Delegación Territorial da Xunta o pasado mes de marzo co gallo da celebración do Dia da Muller Traballadora, convértese agora en itinerante. “Non podemos esquecer –subliñou a delegada- que neste caso a arte non é un obxectivo en si mesma, senón o pretexto que utilizamos para a promoción da muller; para facer patente a nosa aposta pola incorporación efectiva das mulleres a todos os ámbitos de actividade en condicións de igualdade”.
A delegada lembrou “a colaboración e entusiasmo” co que as pintoras acolleron a iniciativa da Delegación Territorial da Xunta para conmemorar o 8 de marzo. “En realidade –apuntou- foron elas quen, contaxiándonos da súa paixón, nos empurraron para poñer a xirar esta mostra”.
A Delegación Territorial, contando coa colaboración da Secretaría Xeral da Igualdade, deseñou un calendario de cara ao verán para que os veciños e visitantes da nosa provincia, que son numerosos nesta época do ano, puideran disfrutar desta iniciativa. No tocante á organización, a delegada agradeceu a cooperación dos concellos participantes, “que acolleron esta iniciativa con inmellorable disposición”.
Artistas invitadas
A exposición está formada inicialmente por 24 obras –unha por artista-, aínda que se prevé ampliala con traballos de artistas locais. “Pensamos que sería positivo ir sumando novos talentos ao longo do percorrido; incluír elementos orixinais en cada unha das estacións, e ofrecer a outras mulleres a oportunidade de unirse a nós e exhibir tamén as súas obras”, explicou Raquel Arias.
No caso de Cervo, o proxecto conta coa colaboración de cinco pintoras da zona. “Estas artistas invitadas complementan a visión que queremos transmitir acerca dos camiños polos que discorre a arte que crean as mulleres en Lugo”, sinalou Arias.
Neste sentido, Raquel Arias quixo resaltar que a mostra e, sobre todo, “unha confluencia de talentos e de mulleres extraordinarias”. Os traballos de pintoras recoñecidas sitúanse ao carón da obra de mulleres que aínda están comezando a súa andaina artística: “Atopamos obras de estilo figurativo, abstracto, naïf ou hiperrealista –explicou-, alumbradas por mulleres que cultivan o gravado, a acuarela, o óleo ou a serigrafía; unha diversidade de técnicas, estilos e formatos que confiren ao conxunto unha heteroxénea que curiosamente resulta harmoniosa”.
As pintoras que participan na mostra son “lucenses de nacemento ou de adopción”, xa que algunhas naceron noutras provincias da xeografía española ou mesmo noutros países.
Apertura en Cervo
A exposición itinerante botou a andar en Cervo cun acto inaugural no que participaron tamén o alcalde, Alfonso Villares Bermúdez, e a concelleira de Muller, Pilar Armada, e que contou coa presenza de varias das artistas participantes.
A mostra permanecerá en Cervo ata o día 15 de xullo e recalará nos días posteriores no veciño municipio de Ribadeo.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
