Recuperar o mellor do noso pasado para facelo presente hoxe é un obxectivo no que, ao longo das últimas lexislaturas, vén traballando de xeito intenso e decidido o Goberno municipal de Cervo. Así o demostran as actuacións desenvolvidas no paseo marítimo de San Ciprián, recuperando as antigas fábricas de salgadura ou os investimentos no conxunto histórico-artístico de Sargadelos.
Temos a oportunidade de celebrar unha boa nova despois de coñecerse que a Xunta financiará o 100% do investimento necesario –supera o millón de euros- para que San Ciprián conte cunha gran praza pública, un espazo libre, para o ocio e esparexemento … xusto no centro do pobo, recobrando o lugar que no pasado ocupou a privilexiada área dos Campos.
Coa apertura da multinacional do aluminio o noso pobo mudou substancialmente o seu aspecto como consecuencia da necesidade de novas vivendas para os veciños que chegaban, e servizos complementarios que levaron a construción de varios centros educativos, un deles o Mestre Rivera Casás que implicou a desaparición deste espazo libre dos Campos.
Hoxe a realidade é ben diferente, as instalacións están en desuso e con cada ano que pasa resulta máis evidente a necesidade dun gran espazo público, dunha gran praza, dun emprazamento neurálxico para as nosas principais festas ou para o mercado semanal, e que ademais disporá novos espazos verdes, zonas para o xogo infantil e para a práctica deportiva.
Os mesmos que hoxe negan este proxecto era os que pretendían enganar afirmando que alí queríamos construír edificios, e os que sempre se negaron a algo tan positivo como é que hoxe convivan nun mesmo centro as nenas e nenos de San Ciprián, formando unha soa comunidade educativa, sen divisións, sen diferencias, sen enfrontamentos. Ademais habilitar alí o centro de día ou o gardería non é factible, porque os edificios non valen e habería que demolelos e construír novos coas características que agora demandan este tipo de instalacións.
A nova praza do Campos é un proxecto do pobo e para o pobo, que non suporá ningún tipo de custe para as arcas municipais e que resposta a unha demanda social amplamente consolidada. O actual Goberno da Xunta de Galicia cumpre así, unha vez máis, unha histórica reivindicación dos veciños desta vila e do conxunto do concello. San Ciprián recupera un espazo público relevante, que foi un punto de encontro para os veciños no pasado e, afortunadamente, o volverá a ser no futuro.
José Manuel Balseiro Orol
Tenente de alcalde e edil de Urbanismo Concello de Cervo
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
A saída será ás 10:00 desde El Bao, con autobuses ás 9:00 desde Navia, e a chegada arredor das 16:30 seguida dunha festa na dársena. As inscricións estarán abertas do 31 de maio ao 12 de xuño na Casa do Deporte ou en liña por 7 €. O Concello anima a participar nesta cita que combina natureza, deporte e convivencia.
