RIBADEO (FNC) .- Actuación do conxunto Iulius XIII no Auditorio Municipal de Ribadeo o sábado 24 de xullo no marco do Festival Via Stellae, que organiza a S.A. de Xestión do Plan Xacobeo e a Consellería de Cultura e Turismo da Xunta de Galicia. O concerto, que comezará ás 21:00, conta coa colaboración do Concello de Ribadeo. Este concerto está enmarcado na programación deseñada para a Camiño Norte que consta de 6 concertos nas localidades de Ribadeo, Foz, Mondoñedo, Vilalba, Guitiriz e Sobrado.
“Cando España é a inspiración” é o título do programa que a agrupación de cámara Iulius XIII ofrecerá en Ribadeo. Ao longo dos séculos, España espertou en artistas e compositores europeos a máis variada inpiración, e neste programa faise un variado repaso á música que durante a segunda metade do século XIX e primeira do XX excribiron autores das máis variadas procedencias baseándose na idea sonora que eles percibían da realidade musical española. Así inclúense obras dun pianista checo-austríaco de orixe xudea (Alfred Grünfeld), dos franceses Georges Bizet e Maurice Ravel, do polaco Moritz Moszkowski e do xeroxiano Vazha Azarashvili.
O concerto estará protagonizado polo Ensamble Iulius XIII, unha agrupación de cámara aberta, variable na cantidade dos seus membros en función a interpretar, nada hai catro anos por iniciativa do clarinetista Alfredo Gómez e a pianista Liudmila Shevyakova. Acompañarán aos dous fundadores do grupo neste concerto a frautista Carmen Ferreiro e o acordeonista Vadzim Yukhnevich.
Como en todos os concertos do Festival Via Stellae nas diferentes localidades dos Camiños de Santiago a entrada é libre ata completar o aforo do local.
Festival Via Stellae
V Festival de Compostela e os seus Camiños
Organizan:
S.A. de Xestión do Plan Xacobeo (Consellería de Cultura e Turismo)
Concello de Ribadeo
sábado 24 xullo
RIBADEO
Auditorio Municipal
21:00
ENSAMBLE IULIUS XIII
CARMEN Mª FERREIRO SOTO frauta (artista invitada)
ALFREDO GÓMEZ SIEIRO clarinete
VADZIM YUKHNEVICH acordeón
LIUDMILA SHEVYAKOVA piano
Cando España é a inspiración
obras de Gründfel, Ravel, Moszkowski, Bizet/Webster, Azarashvili
Catro edicións de grande éxito, cun entusiasta recoñecemento da prensa especializada e o respaldo do público, preceden esta quinta edición do Festival Via Stellae, a deste especial ano Xacobeo 2010. O centro do festival é de novo Santiago de Compostela como meta do Camiño, pero o Via Stellae aumenta as súas actividades por máis de cincoenta vilas e cidades galegas situadas nas dez rutas de peregrinación que conducen a Compostela (incluindo este ano como novidade o Camiño Portugués pola costa e o Camiño de Inverno). Recoñecido como unha referencia a nivel nacional e mesmo europeo, unha das cualidades máis sobranceiras do Via Stellae é a categoría dos intérpretes que enchen o seu atrainte cartel de 125 concertos.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
