Nota de prensa:
MAÑÁ COMEZA EN RIBADEO A MOSTRA DE TEATRO AFECCIONADO DANIEL CORTEZÓN. AS REPRESENTACIÓNS SERÁN GRATUITAS E TERÁN POR ESCENARIO O CINE TEATRO.
Ribadeo, 16 de setembro de 2010. Mañá comeza en Ribadeo a Mostra de Teatro Afeccionado Daniel Cortezón. As representacións serán gratuitas e terán por escenario o Cine Teatro.
A concelleira de Cultura, Mariluz Álvarez Lastra, convida “a todos os veciños e visitantes a que acudan á VIII Mostra de Teatro Afeccionado Daniel Cortezón. Unha cita que naceu hai oito anos da man da persoa a que quixemos homenaxear no seu momento por ser un escritor relevante no teatro e pola colaboración que tivo coa Concellaría de Cultura e co pobo de Ribadeo. Quizáis este ano sexa moi especial porque será o primeiro no que non estará con nós Daniel Cortezón, celébrase ese aniversario do seu falecemento, aínda que as datas non coinciden, e a cita ten un significado moi especial. Este ano queremos homenaxear aínda máis a súa figura e darlle as grazas por todo o que contribuiu ao teatro e a colaboración expresa co Concello”.
A edil nacionalista subliñou que “as representacións serán no Cine Teatro de Ribadeo e as entradas son gratuitas. A mostra empeza mañá e remata o domingo. Inauguramos a mostra o venres ás 20:30 horas co grupo de teatro do instituto Vilar Ponte de Viveiro, dirixido por María Lozano. Porán en escea Aventuras e desventuras do Camiño de Santiago. O sábado haberá unha obra para os máis pequenos e para o público familiar. Ás 17:30 horas a compañía de Narón Aturuxo de Melpómene porá en escea As tres mosqueteiras en procura de D’Artagnan e logo remataremos o domingo cunha compañía de Santiago Tangatutanga que recibiu numerosos premios tanto á mellor dirección como á mellor posta en escea por esta representación. A obra que traen a Ribadeo é un crítica humorística denominada Aberto por folga, cabaré laboral”.
Mariluz Álvarez Lastra dixo que “os que acudan ao Cine Teatro disfrutarán desta mostra na que veremos un nivel excepcional do teatro afeccionado”.
ÚLTIMA HORA
- A romaría de Monte Castelo celebrarase en Burela os días 24, 25 e 26 de xullo cun programa cheo de actividades para todos os públicos
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais. - Excursión da Escola Infantil Municipal de Cervo a Marcelle Natureza
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades. - A Presidenta da Deputación, Carmela López, xunto ao Alcalde de Foz e Deputado provincial, Francisco Cajoto, asistiu este mércores na Praza Conde de Fontao de Foz á misa cantada polo coro Mar Aberto na honra á Virxe do Carme, patroa dos mariñeiros
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia. - O Centro de Interpretación do Alto Miño, na Pastoriza, acolle a exposición Fauna esencial
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural. - O delegado territorial da Xunta en Lugo, Alfonso Villares, asistiu aos actos de conmemoración da Virxe do Carme que se celebran en San Cibrao, organizados polo concello de Cervo coa colaboración de diversos colectivos culturais e sociais do municipio
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura. - O Concello de Ribadeo permitiralles aos locais hostaleiros a colocación de televisións nas súas terrazas para ver a final do Mundial de Fútbol, que terá lugar este domingo, 19 de xullo, ás 21:00 horas
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme. - O Festival Aires do Masma celebra a súa XXV edición, cumprindo cuarto século de divulgación da cultura galega a través da música e do baile tradicional
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
2021 Crónica 3 A Mariña - Implementado por GaliciaDigital