Nota de prensa
Aberto o centro de asesoramento empresarial da Deputación, Innova Empresa
– Este servizo, na sede do INLUDES e creado no marco do proxecto Innova-TE, nace coa vocación de crear emprego, acadar empresas máis competitivas e impulsar iniciativas emprendedoras mediante o uso das novas tecnoloxías
– Trátase do primeiro centro da provincia en ofrecer un asesoramento integral a empresarios, emprendedores e artesáns
– Unha das súas primeiras actuacións foi elaborar a Guía TIC que estende o uso das novas tecnoloxías entre o empresariado e publicita gratis ás firmas do sector
A Deputación de Lugo inaugurou este luns na sede do INLUDES o seu centro de asesoramento empresarial, Innova Empresa, nun acto presidido polo titular do organismo provincial, José Ramón Gómez Besteiro, ó que asistiron o Alcalde de Lugo, José López Orozco, e empresarios e personalidades da provincia. Innova Empresa é un servizo pioneiro en Lugo que nace no marco do proxecto tecnolóxico Innova-TE coa vocación de fomentar a creación de emprego, mellorar a competitividade e produtividade das empresas e impulsar iniciativas emprendedoras mediante o uso das novas tecnoloxías. É o primeiro centro da provincia en ofrecer un asesoramento integral a emprendedores, empresarios e artesáns, de maneira que estes poderán contar con apoio personalizado durante todo o proceso para a posta en marcha de calquera proxecto.
A carteira de servizos de Innova Empresa divídese en: asesoramento tecnolóxico a empresas e Pemes, asesoramento para a creación de empresas (axudas públicas, financiación, fiscalidade, contratación laboral…), información sobre os instrumentos e os programas de financiación pública de I+D+i e asesoramento para artesáns. O horario de atención presencial e por teléfono (982.250.010) é de 8:00 a 15:00 horas, de luns a venres. Tamén se pode contactar a través de correo electrónico, na dirección: innova-empresa@deputacionlugo.org
Ten unha páxina web (www.innova-empresa.es), activada tamén hoxe, na que se ofrece ó usuario información sobre innovación e tecnoloxía, iniciativas emprendedoras, axudas e formación, e experiencias de empresarios que incorporaron con éxito as novas tecnoloxías ós seus modelos de negocio tradicionais. Destaca a posibilidade de acceder a través deste portal ó escaparate de empresas TIC da provincia e de que as persoas interesadas en montar o seu propio negocio poidan facer un test para coñecer cal é realmente a súa capacidade emprendedora.
O Centro de Asesoramento Empresarial ten solicitado ante o Ministerio de Industria, Turismo e Comercio a creación nas súas dependencias dun Punto de Asesoramento e Inicio de Tramitación (PAIT), un servizo que permite realizar os trámites de constitución e posta en marcha de sociedades limitadas e autónomos de maneira telemática. A través desta oficina, poderase poñer en marcha un proxecto empresarial en 48 horas.
Coa apertura de Innova Empresa, a Deputación facilita un profundo coñecemento das empresas lucenses, mide o peso real do tecido empresarial e permite aliñar con maior facilidade a oferta das TIC coa demanda dos demais sectores. Favorece por outra banda a concienciación do empresariado lucense de que as novas tecnoloxías e a innovación son un elemento diferenciador e clave para mellorar a competitividade e produtividade a medio prazo.
A Guía TIC
A elaboración da Guía TIC foi unha das primeiras actuacións de Innova Empresa. Esta publicación dixital, tamén dispoñible no portal do centro de asesoramento, está destinada a fomentar e facilitar o uso das novas tecnoloxías entre os empresarios e serve de pulo ás firmas do sector ó poder ofrecer e promocionar nela os seus produtos e servizos.
Por unha banda, a guía informa de maneira clara e sinxela sobre os beneficios que supón a implantación das TIC e os pasos básicos a seguir para facelo. A Guía TIC inclúe por outro lado unha relación de empresas tecnolóxicas da provincia de Lugo –froito dun intenso traballo de campo-, que palía o descoñecemento actual existente e serve de escaparate para que ofrezan todos os seus produtos e servizos. Polo momento están incluídas 88, aínda que todas as que desexen adherirse poderán facelo. No acto de hoxe repartíronse exemplares da publicación entre os asistentes, pero aqueles interesados en facerse con unha, só teñen que dirixirse ó centro.
Máis de 100 empresas tecnolóxicas en Lugo
Na actualidade existen na provincia lucense máis de 100 empresas relacionadas coas novas tecnoloxías. As 88 primeiras que colaboraron na elaboración da Guía TIC dan emprego a máis de 530 persoas e a súa facturación global ronda os 55 millóns de euros, o que supón o 0,84% do PIB da provincia. A gran maioría, un 76%, concéntranse no Concello de Lugo. A súa actividade está relacionada na gran parte dos casos co hardware (asistencia técnica e mantemento, venda de equipos, etc.), con Internet e os seus contidos, e coa consultoría tecnolóxica.
A posta en marcha do Centro de Asesoramento Empresarial forma parte do Innova-TE que impulsa a Deputación, o programa para a implantación da Administración Electrónica máis ambicioso de Galicia, pois prevé ter listo o proceso neste 2011, financiado nun 70% con fondos Feder e nun 30% polo INLUDES. Este proxecto permitirá acabar coa fenda dixital existente ata o de agora en Lugo e sensibilizar ós cidadáns da importancia do uso das TIC, ademais de mellorar os canles de atención do organismo provincial e dos Concellos á cidadanía e poñer as novas tecnoloxías ó servizo do empresariado, potenciando o seu uso de cara ó fomento da capacidade empresarial e a xeración de emprego.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
