Nota de prensa
A Deputación aforra 150.000 euros ó Concello de Mondoñedo asumindo custes de obras municipais
– Trátanse dos traballos de recuperación da Ponte do Pasatempo e da construción do aparcadoiro de Alcántara que lle correspondía financiar nun 45% ó Concello
– O Presidente e o Alcalde asinaron un convenio mediante o cal a Deputación achega 91.000 euros para que o municipio cumpra co Plan de Rehabilitación
O Presidente da Deputación, José Ramón Gómez Besteiro, e o Alcalde de Mondoñedo, Manuel Orlando González Cruz, asinaron este sábado un convenio mediante o cal o organismo provincial achega a este municipio 91.151 euros. Trátase da cantidade que lle correspondería aboar ó Concello polas obras de recuperación do entorno da Ponte do Pasatempo pero que, debido ós problemas de liquidez da entidade local, non pode facer fronte. Ante esta situación, a Deputación asume este custe aforrando cartos ás arcas municipais.
Gómez Besteiro salientou que “na Ponte do Pasatempo vemos que no bo non pasou o tempo, xa que a rehabilitación foi excelente. A Deputación financiou, pero isto non sería posible sen un Concello que liderara este proxecto e que soubo buscar cartos para superar os seus problemas de liquidez”.
As obras no contorno da Ponte do Pasatempo enmárcanse dentro do Plan de Rehabilitación da zona monumental deste municipio financiado polo Goberno de España, Xunta de Galicia e Concello de Mondoñedo. O seu custe total é de 150.000 euros. Desta cantidade, o Executivo Central aporta o 30%, o Goberno galego o 25% e, grazas a sinatura deste convenio, o 45% restante que lles correspondía ó Concello achegao a Deputación.
A este respecto, o rexedor municipal subliñou que “agradezo á Deputación que financiase a parte do Concello porque senón isto sería totalmente imposible. Estamos moi agradecidos”. Neste senso, apuntou que “ademais do valor histórico, aquí foi onde se detivo a muller de Pardo de Cela; a nosa motivación turística, xa que son moitas as persoas que visitan esta zona”.
O Plan de Rehabilitación tamén contemplou a construción do aparcadoiro subterráneo de Alcántara, afincado detrás dos antigos xulgados e do instituto da Alameda. Estes traballos ascenderon ós 103.000 euros financiados nun 30% polo Goberno de España, nun 25% pola Xunta e nun 45% pola Deputación ó asumir, tamén neste caso, os 45.000 euros que debía achegar o Concello.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
