NOTA DE PRENSA
O BNG de Ribadeo quere comunicar aos veciños e veciñas do noso concello unha serie de valoracións en torno a Lei de Augas para que poida sacar as súas propias conclusións:
1. A Lei de Augas aprobouse no Parlamento Galego, cos únicos votos do PP, o 26 de outubro de 2010. Tras ser publicada no DOG, entrou en vigor o 18 de decembro do mesmo ano. Agora ben: a Xunta dispón de seis meses para aprobar o regulamento de dita lei. Curiosamente, ata despois das eleccións municipais non vai comezar a cobrar esta nova taxa.
2. Empéñase o PP en negar a evidencia: o actual canon de saneamento vai ser substituído polo canon da auga e créase un novo coeficiente de vertido. Logo haberá que pagar por máis cousas ca antes.
3. Ademais, dicir que agora, con esta nova lei, as familias numerosas van ter deducións para a súa vivenda habitual, é unha media verdade (a peor das mentiras): desde o ano 2000 xa teñen esa dedución.
4. Polo que se refire a aqueles que se abastezan de pozos e ás comunidades de usuarios legalmente constituídas que non teñan rede de saneamento pública é certo que se lles aplicará unha bonificación do 80%, pero, ollo!, só no caso das vivendas que non teñan nin abastecemento de auga nin saneamento público.
5. Insistir de xeito recorrente en que o rural está exento deste novo imposto da auga é totalmente falso: non hai un só artigo da Lei 9/2010 de Augas de Galiza onde se afirme tal cousa.
6. Cabe preguntarse para que fai o PP unha Lei de Augas se despois case todo o mundo, segundo eles, vai estar exento de pagar as taxas que se establecen con dita Lei?
7. Botando balóns fóra, tamén afirma o PP que isto xa o debería ter feito o anterior goberno bipartito que, segundo o señor Manuel Valín, eludiu as súas responsabilidades. Aclárense no PP: agora gobernan a Xunta e teñen que actuar, decidir, gobernar. Despois de dous anos, os datos económicos negativos seguen a aumentar, e aínda andan vostedes portándose como se estiveran na oposición. Gobernan ben pouco; máis que nada fanlle oposición á oposición e a aquelas institucións que non xestionan. Así nos vai: o señor Feijoo que di que non ten competencia ningunha para loitar contra o paro, pero sempre atopa tempo para ir aos faladoiros madrileños a facerlle oposición aos demais. Aspirará tamén o señor Valín a gobernar o Concello de Ribadeo para despois facerlle oposición a aquelas institucións de goberno que non dirixan?
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
