Nota de prensa
O CONCELLO ENVIOU 70 REQUERIMENTOS A VECIÑOS DE RIBADEO PARA QUE PROCEDAN A LIMPAR AS SÚAS FINCAS E 35 A PROPIETARIOS DE INMOBLES PARA CORREXIR DETERMINADAS SITUACIÓNS PERIGOSAS. FERNANDO SUÁREZ FAI UN BALANCE POSITIVO PORQUE A MAIORÍA DOS DECRETOS FORON ATENDIDOS, PERO ADVIRTE DA IMPOSICIÓN DE SANCIÓNS ECONÓMICAS AOS QUE DESOIGAN AS NOTIFICACIÓNS.
Ribadeo, 7 de marzo de 2011. O Concello enviou nos últimos meses 70 requerimentos a veciños de Ribadeo para que procedan a limpar as súas leiras e solares e 35 máis a propietarios de inmobles para correxir determinadas situacións perigosas. O alcalde, Fernando Suárez, fai unha valoración positiva porque a maioría deses decretos foron atendidos.
O rexedor lembrou que “nos últimos meses enviáronse uns 70 decretos requerindo o seu amaño aos propietarios de solares, prados e leiras tanto na vila como nas parroquias, que estaban nun estado de abandono lamentable e que eran foco de queixas por numerosos veciños e asociacións. Arredor dun 80% fixeron caso no sentido de que xa procederon a desbrozar e a limpar estas parcelas ou ben están niso e ao 20% restante ben porque se negan ou porque non se aclara quen é a propiedade da parcela estamos a enviar unhas novas remesas de requerimentos que acabarán en sanción económica. Disgústanos facer isto, pero é a única maneira de que ao final se nos faga caso. Primeiramente debo apelar ao sentidiño da maioría dos propietarios, vivan en Ribadeo ou fora de aquí”.
Suárez Barcia tamén se referiu “a esta campaña xa iniciada hai tempo sobre o casco vello. Enviamos arredor de 35 requerimentos para correxir determinadas situacións perigosas de inmobles. O 70% os amañaron ou están trámites para conseguir as oportunas licenzas de obra e hai un 30% de propietarios que fixeron caso omiso ás nosas notificacións, co cal se están vendo diante dunhas sancións económicas que a administración local, sen dúbida algunha, porá a todos os propietarios que desoigan estes requerimentos que teñen que ver coa seguridade pública, coa salubridade e co ornato”.
Para o alcalde de Ribadeo “hai probas nos últimos meses máis que evidentes de cousas que se foron amañando e que levaban moitos anos sen amañar e isto sérvenos para seguir traballando nesta liña. De feito nos vindeiros días sairá unha nova remesa de requerimentos a propietarios que non nos están a facer caso, porque a fin de contas o patrimonio do casco vello en primeiro lugar é dos seus propietarios, pero desde o punto de vista xeral é patrimonio de todos. Que unha vila ou que un casco vello estea ben conservado é o esforzo de todos e o resultado de ter unha vila bonita favorece ao turismo e á calidade de vida. Si me refiro ao casco vello tamén o fago a estas parcelas con silvas e con toxos que chegan a dous metros de alto, que ocasionan a aparición de alimañas e que supoñen perigo de incendio. Todos os que viven en Ribadeo queren estar vivindo con todos os arredores amañados e desbrozados, etc, etc… Seguiremos traballando desde o Concello cos diferentes técnicos municipais para lograr de Ribadeo un lugar máis agradable e confortable e máis fermoso para vivir”.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
