Nota de prensa
APROBANSE AS CATRO MOCIÓNS QUE O BNG PRESENTOU A PLENO
O Bng de Alfoz consegue que se lle aproben por unanimidade as catro mocións que presentou ó pleno ordinario celebrado o pasado venres días 25 a 21:00 horas da noite.
Dende o Bng presentamos a modo de mocións as seguintes iniciativas:
Que se remate o trazado da senda peonil realizada dende Vilaude a Reirado, e chegue ó veciño concello do Valadouro, que se realicen arranxos e melloras no parque da granda de San Pedro, se dote dunha pista con canasta e portería xa que non ten habilitado ningún espacio para que os rapaces poidan practicar deporte. Igualmente presentamos mocións para que se solucionen os anegamentos de fincas en Carballido, e para que o concello realice un plan de aforro enerxético, “dende o Bng estamos especialmente contentos con que se aprobara esta moción, pese a demagoxia inicial do pp que fai tan so seis meses en plena campaña instalaba ducias de focos innecesarios por todo o concello, ahora, finalmente accede a usar o sentido común e facer caso a reiterada petición do Bng de optimizar os recursos enerxéticos o cal supón incluso un aforro superior os 30.000 euros anuais”. Alfoz ten un coste enerxético medio anual de 100.000 euros anuais dos cales se poden aforrar en torno ó 30%.
O Bng de Alfoz está dando co seu traballo, dende que comenzou a lexislatura un claro exemplo de compromiso cos veciños, xa que dialogando, traballando e aglutinando todo o positivo que pode aportar cada grupo político da corporación está a conseguir que en beneficio dos veciños se aproben por unanimidade a meirande parte das mocións que presenta.
Dende o Bng tamén presentamos por urxencia unha moción para instar a Xunta de Galicia a que retire a actual normativa que está a implantar referente a tarxeta sanitaria e que está deixando sen cobertura a numerosas persoas, lamentablemente para o PP de Alfoz non é urxente solucionar o problemas de moitas persoas que se están quedando sen cobertura sanitaria gratuita e están a espera de que se lles solucione o problema.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
