Lugo, 8 de maio de 2015.- A Vicepresidenta Segunda, Lara Méndez, acompañada do Alcalde de Lugo, José López Orozco, inaugurou este venres o III Congreso de Cultura Dixital e Redes Sociais #INLUGO15,. O éxito de asistencia e repercusión na primeira xornada da terceira edición do #INLUGO certifica que este evento, organizado pola Deputación de Lugo, acadou xa a categoría de referente a nivel nacional.
A Vicepresidenta celebrou o éxito do evento e dos premios #INLUGO e destacou que “con máis de medio cento de candidaturas presentadas este ano nas catro categorías, e o cheo absoluto do Salón de Actos de San Marcos, podemos afirmar que o #INLUGO é xa una referencia no mundo das redes sociais e das novas tecnoloxías”. Pola súa banda, o rexedor resaltou a importancia dos coñecementos que os cidadáns lugueses poden adquirir neste congreso; e admitiu que para el sería “difícil vivir na actualidade sen a miña tablet ou o meu smartphone”.
O Salón de Actos do Pazo de San Marcos rexistrou un cheo absoluto no primeiro día de relatorios; mentres que o hashtag #inlugo15 foi trending topic en España durante boa parte da tarde, con case 3.000.000 de impresións en Twitter. Ademais, centos de persoas seguiron o congreso grazas ao streaming facilitado pola Fundación Tic. O seguimento e repercusión na rede proba que esta iniciativa chega cada ano moito máis alá da cidade da muralla.
Ignacio Escolar
O director de eldiario.es, Ignacio Escolar, abriu o primeiro ciclo de relatorios e falou do cambio que supón, para o xornalismo. o auxe dos medios dixitais. Desde a súa visión de xornalista experimentado, pero tamén como directivo e accionista do medio no que traballa, Escolar falou da crise no modelo de negocio dos xornais tradicionais, no seu modelo editorial e mesmo na súa credibilidade, por ter perdido independencia. “Cando os xornais entran en números vermellos, o primeiro que sae pola porta da redacción é a liberdade dos xornalistas”, sinalou, defendendo que os xornais dixitais ben xestionados poden ser máis independentes e rendibles que os de papel. “Os nosos subscritores pagan para que a información siga sendo libre”, engadiu.
Mesa Redonda
A continuación chegou a quenda da primeira mesa redonda da tarde ‘Marketing online en grandes marcas’, coa presenza de Núria Padrós, directora xeral de Ogilvy PR Barcelona; Diana Morales, Social Media Strategist de Movistar España; e Juan Andrés Milleiro, Head of Social Media de NH Hotel Group. Os tres relatores compartiron con exemplos reais a súa ampla experiencia no trato cos clientes a través das redes sociais, coincidindo en que a miúdo as dificultades e problemas poden converterse en oportunidades cunha boa estratexia. “Usando ben estes medios podemos conseguir que os nosos clientes estean máis contentos con nós”, asegurou Milleiro.
Tras unha breve pausa, os avogados Alejandro Touriño e Pablo Burgueño especializados en tecnoloxía e redes sociais, e membros respectivamente dos bufetes Écija e Abanlex, falaron de aspectos legais a ter en conta á hora de usar Internet e as redes sociais, nunha nova mesa redonda. Nun ton próximo e moi ameno, expuxeron numerosos casos reais de situacións como o emprego non autorizado de fotografías de terceiros, inxurias ou suplantación de identidade. Ademais, responderon ás dúbidas e preguntas do público sobre estas e outras cuestións.
A xornada rematou cun fotowalk pola cidade da man de Instagramers Lugo, un paseo durante o que os participantes poderán tomar imaxes para participar no concurso #fotoinlugo15. O III Congreso de Cultura Dixital e Redes Sociais #INLUGO continúa mañá sábado 9 de maio desde as 10:40, coa presentación de proxectos lucenses destacados na rede e un obradoiro de competencia dixital impartido por Juan García pola mañá; deixando para a tarde a entrega dos premios #INLUGO e oito microrrelatorios de temáticas variadas. O presentador do evento, o cómico Víctor Grande, pechará o acto cunha actuación de humor musical.
O lume iniciouse ás 14.51 horas e para a súa extinción mobilizáronse, polo de agora, 2 técnicos, 7 axentes, 11 brigadas, 12 motobombas, 1 pa, 5 helicópteros e 7 avións.
Os subcampións foron Benja e Álvaro. O torneo reuniu no Real Club Náutico arredor dun centenar de xogadores procedentes de Galicia, Asturias e Castela e León, consolidándose como unha das citas máis destacadas do calendario musístico da costa lucense. Desde LuMus agradecen “el apoyo del Concello de Ribadeo, del Real Club Náutico de Ribadeo, de Mapfre y del resto de colaboradores y patrocinadores que hicieron posible esta cita, que dio comienzo a primera hora de la mañana y se prolongó durante toda la jornada del sábado”.
O festival De Cabo a Cabo, organizado por Fanto Fantini cunha achega provincial de 20.000 €, puxo en valor a diversidade cultural de Burela, onde o 10% da poboación é de orixe caboverdiana. A programación espallouse por varios espazos da vila con música, intervencións artísticas e torneos deportivos, e contou coa presenza de artistas como Baiuca, DJ Danifox, DJ Kandole, Batuko Tabanka, Lilaina ou Saya. A contribución da Deputación permitiu cubrir a infraestrutura técnica e loxística, así como os custos de organización e contratación das actividades.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
