Cervo, 21 de marzo de 2016.- O vindeiro 2 de abril terá lugar en San Cibrao o XIII Encontro de Palilleiras con 600 participantes. O evento foi presentado este luns nun acto que contou coa presenza do alcalde, Alfonso Villares, e a concelleira de Igualdade, Pilar Armada.
O rexedor municipal salientou que “xa é unha xuntanza de palilleiras que adquiriu unha sona que vai máis alá das fronteiras non só da nosa provincia senón tamén de Galicia. Son moitas as persoas que veñen, mulleres sobre todo, a palillar de Galicia pero tamén moitas doutros lugares, basicamente da veciña Asturias e tamén da zona de León”.
Alfonso Villares engadiu que “este encontro de palilleiras reforza moito a oferta de cultura e artesanía que ofrece o Concello de Cervo ao longo do ano, sobre todo neste evento no que son máis de seiscentas mulleres palillando as que continuamente durante estes últimos anos se veñen achegando ata o noso concello. Sen dúbida ningunha é unha forma de promoción do concello, da nosa zona e dunha arte milenaria que ven xeración tras xeración e que nós aquí, desde o concello de Cervo, queremos mostrar a todas as persoas que se acheguen a este XIII Encontro de Palilleiras que vai ter lugar o vindeiro 2 abril”.
Este encontro de palilleiras desenvolverase no Pavillón da Veiga e nunha carpa anexa haberá un total de trinta e cinco postos de venda de diversos produtos. Este ano, como novidade, haberá durante todo o día unha exhibición do proceso do liño a cargo de mulleres de San Bartolomeu de Insua (Vilalba).
Exposición de labores feitas por mulleres
Villares anunciou tamén que “hoxe fixemos a inauguración da exposición que leva por título Coas nosas mans e mostra labores feitas polas nosas mulleres de tódalas asociacións que temos no concello de Cervo: CIT de San Ciprián, a Asociación de Amas de Casa Alborada, As Espalladoras, alumnas de Mari Luz Méndez, Asociación de Veciños Cervo-Sargadelos e Mulleres de San Ciprián. Todas estas asociacións formadas por mulleres están a levar adiante ao longo de todo o ano distintas actividades e labores que é tamén arte feita das mans das nosas mulleres no seu tempo libre. Eu creo que todas aquelas persoas que se acheguen a ver estes traballos tamén gozarán ao ver o que son capaces de facer unhas mans sobre todo coa laboriosidade que o fan as nosas mulleres. Esta mostra está aberta desde hoxe e ata o vindeiro 2 de abril na sala de exposicións da Casa da Cultura de San Ciprián”.
O Pazo de San Marcos acolleu a conferencia final, de Manuel Andrade Baliño, e a entrega de premios ás alumnas e alumnos que obtiveron mellores valoracións nas probas que realizaron, o xoves, individuais, na Facultade de Formación do Profesorado de Lugo, e o venres, por equipos, en Mondoñedo. A final do certame, cunha axenda complentaria que achegou ás rapazas e rapaces ao patrimonio e á cultura, celebrouse por primeira vez en Lugo da man da Asociación Galega de Profesorado de Matemáticas (Agapema) e coa colaboración da área de Cultura da Vicepresidencia da Deputación.
Por este motivo, o Concello recomenda ás persoas, colectivos e entidades que precisen facer uso dalgunha instalación municipal ou solicitar material que presenten as súas peticións coa antelación necesaria. A medida permitirá organizar adecuadamente a atención das solicitudes e a planificación dos recursos municipais.
Dentro desta programación, o martes 30 de xuño ás 11:00 celebrarase na Casa da Cultura unha charla divulgativa impartida pola astrofísica Lucía González Cuesta, aberta a toda a veciñanza. A iniciativa enmárcase no programa provincial que busca ofrecer información rigorosa e garantir unha observación segura. Durante a xornada repartiranse folletos e gafas homologadas. A alcaldesa, Marta Rouco, destaca o carácter histórico do eclipse e anima a participar para vivilo con seguridade. O Concello lembra que só deben empregarse gafas específicas para mirar ao sol e continuará colaborando en actividades divulgativas e sociais arredor deste acontecemento único.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A convocatoria foi realizada polo Concello para amosar a solidariedade de Ribadeo con esta catástrofe natural.
No evento participarán todas as seccións da escola, que amosarán o traballo desenvolvido ao longo do ano. A entidade adianta tamén que está a ultimar os preparativos da XL Feira do Bonito, da que ofrecerá máis información proximamente.
Renova o seu compromiso co club despois de facerse cargo do equipo a mediados da campaña pasada. O técnico pontenovés afrontará este novo ciclo con traballo, compromiso e ilusión para seguir liderando a nave celeste.
