Lugo, 01 de agosto de 2019. A Consellería de Medio Ambiente, Territorio e Vivenda apoiou economicamente e colaborou co Concello de Trabada no proxecto que fixo posible a rehabilitación da antiga vivenda dos mestres, emprazada na parroquia de Sante, e a súa posta a disposición de familias con baixos recursos para uso residencial. Este é precisamente un dos inmobles que o concello cederá ás familias con fillos menores que estean dispostas a empadroarse no municipio.
O proxecto foi u
n dos beneficiarios da orde de axudas que con este obxecto convoca a Xunta de Galicia e que supuxo unha achega de máis de 26.300 euros -o 90% do orzamento total protexido- para a execución dos traballos de rehabilitación integral do inmoble: albanelaría, electricidade, fontanería e saneamento, dotación dunha calefacción, carpintería interior e compra de distintos accesorios, incluídos os sanitarios.
O delegado territorial da Xunta en Lugo, José Manuel Balseiro, acompañado da alcaldesa da localidade e integrantes da corporación municipal, visitaron a vivenda e comprobaron o bo resultado dunha obra que ofrece unha segunda vida a inmobles que se atopaban en desuso ou directamente en situación de abandono.
Balseiro explicou que a iniciativa responde á filosofía defendida polo Goberno galego, concorrente en moitas das liñas de axuda que a Xunta ten dispoñibles para os concellos, e dirixida a revitalizar o rural, recuperando estes inmobles e destinándoos a un novo uso residencial que contribúe tamén ao asentamento de poboación.
Esta orde de axudas non só está destinada a antigas vivendas de mestres senón tamén a outros edificios de titularidade municipal e casas de oficios. A convocatoria deste ano, xa pechada, conta cunha dotación de preto de 2 millóns de euros para facilitar aos municipios pequenos, e que contan con veciños inscritos no Rexistro de Demandantes de Vivenda de Galicia, a creación dun parque público de vivenda municipal destinada ao alugueiro.
A modo de conclusión Balseiro salientou que con estes apoios acádase un triplo obxectivo: social, polo que supón para dar facilidades de acceso á vivenda; potenciación e desenvolvemento do rural, porque esta liña de axudas vai destinada a concellos de menos de 20.000 habitantes, para fixar poboación no rural; e económica e ambiental, porque a rehabilitación é unha iniciativa máis sostible ademais de ter a capacidade de xerar máis emprego por millón de euros.
A iniciativa busca poñer en valor a diversidade cultural do municipio a través da gastronomía, convidando ás persoas de diferentes países a elaborar pratos típicos que se ofrecerán de forma gratuíta ao público. O Concello asumirá o custo dos ingredientes e asignará a cada participante un posto identificado co seu país de orixe. As inscricións poden realizarse ata o 29 de xullo enviando un correo a feiras@vilalba.es. Rouco chamou á participación para seguir construíndo unha Vilalba aberta e integradora, nunha feira que quere consolidarse como espazo de convivencia e dinamización da feira tradicional.
Ata o 4 de agosto poderán realizarse as renovacións, mantendo as tarifas aprobadas en asemblea: 200 € e 250 € para adultos, e acceso gratuíto para menores grazas ao convenio coa Fundación Imdecum, con opción voluntaria de abono infantil por 40 € con reserva de asento. A partir do 5 de agosto activaranse as novas altas. Os abonos poderán tramitarse a través de CLUBER ou presencialmente na oficina do club, con horario de mañá e tarde en xullo e só de mañá en agosto.
A Presidenta Carmela López destacou o valor deste produto emblemático da Mariña e o traballo do sector pesqueiro. Rocío Rivera e Herminia Pernas puxeron en valor a tradición mariñeira de Burela e o papel dos mariñeiros da Moncloa. O público degustou 450 tapas elaboradas con bonito nunha xornada que serviu de escaparate desta cita gastronómica e de convite a visitar Burela a próxima fin de semana.
As crianzas desfrutaron dunha refrescante xornada con inchables e xogos acuáticos na contorna do complexo deportivo da Veiga.
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
