Viveiro, 24, outubro, 2019. «A indecisión tremenda da alcaldesa, María Loureiro (PSOE), prexudica seriamente aos veciños de Viveiro, porque provoca retrasos moi graves na execución das obras que precisa o concello». Así o sinala o voceiro do grupo municipal popular, Óscar Rodríguez, que considera que a alcaldesa coa súa crítica aos orzamentos da Xunta para 2020 «xa non engana a ninguén, porque todos os veciños saben que o retraso en temas fundamentais para o municipio son consecuencia da indecisión de quen ten a máxima responsabilidade no goberno local».
Rodríguez recorda que no proxecto de orzamentos autonómicos para o próximo exercicio figuran inversións no termo municipal que totalizan 8.473.784 euros, máis outras intervencións das que tamén sairán directamente beneficiados os veciños que suman máis de 840.000 euros. «O de Viveiro recibe inversións considerablemente cuantiosas. Por iso resulta tan disparatada a crítica que fai a alcaldesa; as súas queixas neste caso non deixan de ser puro teatro, un xeito de facer política barata».
Os concelleiros populares desarman, por medio do voceiro do grupo, as críticas de Loureiro ao suposto electoralismo das partidas para Viveiro incluídas nos orzamentos da Xunta. «Chamar fume electoral a case nove millóns de euros é, como mínimo, unha irresponsabilidade», di Óscar Rodríguez. Tamén sinala: «Nunha cousa ten razón a alcaldesa: os veciños están moi cansos, si, pero moi cansos de que a indecisión da alcaldesa retrase a execución de proxectos que son moi necesarios para o municipio». Engade: «As queixas da alcaldesa son queixas que poden facerlle a ela directamente os veciños, porque se non se executaron obras que figuraron en anteriores orzamentos da Xunta foi porque o Concello non fixo o que tiña que facer, ou o fixo tarde». Nesta liña, destacou que o goberno municipal presidido por Loureiro tivo o proxecto para Xunqueira seis meses riba da mesa sen resposta.
Os populares opinan que «con críticas como a que fixo aos orzamentos, a alcaldesa vai perdendo credibilidade entre os veciños, pero parece que só ela non se da conta de cal é a realidade».
Óscar Rodríguez manifestou tamén: «Os veciños poden comprobar persoalmente, cada día, que a Xunta de Galicia é a Administración que máis inviste en Viveiro, por iso resulta tan sorprendente e fora de lugar á crítica da alcaldesa ao orzamentos autonómicos para 2020».
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
