Burela, 11 de xaneiro, 2020. O Pescados Rubén Burela FS estreou o ano en Vista Alegre demostrando oficio e sacrificio ante un dos grandes, o CA Osasuna Magna (2-2), que recalaba na Mariña co cartel de favorito. Os de Juanma Marrube supliron a escaseza de efectivos cun paso adiante de todos os xogadores, sendo máis equipo ca nunca. Chegando ao descanso conseguiron dar a volta á iniciativa dos visitantes para comezar a segunda parte con vantaxe de 2-1. Fixeron de todo os mariñáns para ampliar a vantaxe no reinicio pero perdoaron demasiado e o Magna aproveitou para aferrarse a 1 punto (merecido?) a medio minuto da bucina.
.
Nos primeiros compases Mata intentouno de lonxe e segundos despois protagonizou o primeiro gran perigo, esperando Álex Diz, ao segundo pau. Que pena!!!! Aínda non se cumprira o minuto e medio de xogo. No seu debut ligueiro en Vista Alegre, M. Kaluza freou a primeira embestida do Magna, nun disparo cruzado de Juninho. Viviron as súas mellores ocasións os de Juanma Marrube tras o ecuador do primeiro acto; intentouno o máxico 10 no 11, de lonxe, cunha man providencial de Asier por arriba, e no 12 Pope, desartellado polo pau, e de novo Matamoros fronte ao meta visitante. M. Kaluza converteuse no gran protagonista no seguinte minuto, neutralizando as intencións do Osasuna a balón parado e por partida dobre. Os de Imanol Arregui conseguiron subir o 0-1 no 15, nun pase á área laranxa que resolveu Dani Saldise fronte ao polaco. A falta de 1”57” para o descanso a Bomboneira estalou co empate dos galegos, nun espectacular pase de M. Kaluza a Mata, que sentenciou de cabeza. Tan só 52 segundos despois os de Juanma Marrube conseguiron tomar a iniciativa no electrónico nunha contra de Pope que culminou Lucho nunha gran galopada.
O perigo tivo brillo local no regreso ao parqué. Álex Diz, de vaselina, e Joselito, contra o pau, levantaron á Bancada Laranxa no 23; o 2 mariñán volveu poñer a proba a Asier no 24 cun mísil. Estábao merecendo o Pescados Rubén. Volveu á carga o conxunto galego rozando o 30, con Matamoros, de falta, e Álex Diz, en vaselina. Non houbo fortuna pero M. Kaluza estivo moi atento no 31, fronte a Mancuso, para manter a renda. Volveu errar nunha de ouro o Burela para ampliar vantaxe, no 34, cunha galopada de Lucho que non puido finalizar Diz ao segundo pau. Entón apostou Imanol Arregui por xogo de cinco. Kaluza volveu frear a Mancuso e Eric Martel. O empate de Osasuna, demasiado premio, chegou a falta de 31 segundos para a bucina final, aproveitando unha transición, que superou a liña de meta con Álex Diz. Pelexaron os locais ata a extenuación, aínda dispuxo Matamoros de ocasións pero era demasiado tarde.
Ficha técnica
Pescados Rubén Burela FS: M. Kaluza, Joselito, Lucho, Matamoros, Álex Diz, cinco inicial; tamén xogaron Pope, Luisma, Pitero
CA Osasuna Magna: Asier, Juninho, Mancuso, R. Martil, Rafa Usín, cinco inicial; tamén xogaron Eric Martel, Araça, Dani Saldise, Chamas, Íñigo,
Goles: 0-1, minuto 15, Dani Saldise; 1-1, minuto 19, Matamoros; 2-1, minuto 19, Lucho; 2-2, minuto 40, Álex Diz (pp)
Árbitros: González Moreta // Sánchez Chamorro (Castela e León). Por Burela amarela a Matamoros (minuto 13). Por Magna amarela a Roberto Martil (minuto 23), Mancuso (minuto 33)
Incidencias: Partido correspondente á xornada 17 de Primeira División disputado en Vista Alegre ante máis de 800 persoas.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
