Vilalba, 27 de xuño de 2020. O candidato socialista á presidencia da Xunta, Gonzalo Caballero, o candidato socialista anunciou que na primeira semana á fronte da Xunta “pedireille ao presidente do goberno unha xuntanza para tratar a política industrial galega e buscar unha solución co compromiso de manter o emprego da planta de Alcoa” en San Cibrao. Reivindicou unha “política industrial clara, nidia, a carón do goberno de España para defender con firmeza os intereses de Galicia”.
Gonzalo Caballero incidiu en que cando a empresa, “logo de recibir millóns de euros de cartos públicos quere retirarse, temos a un goberno que lle está a dicir que ten que manter os compromisos co emprego, e que se se vai retirar debe indemnizar e devolver os fondos públicos que recibiu a cambio de manter o emprego”.
Así mesmo, chamou a “convocar un gran acordo de país” para revitalizar a economía en tempos de crise e “tamén para unha nova política económica e industrial”, logo da xestión “inexistente” logo de 11 anos de goberno de Feijóo, que “dos 20 buques que prometera con Pemex só quedaron dous e un alto directivo preso por corrupción”
Neste acto pediu o voto para o PsdeG, para “facer de muro de contención, tamén en Galicia, fronte á dereita e á ultradereita”. Así o dixo nun mitin en Vilalba, xunto coa cabeza de lista ás eleccións autonómicas, Patricia Otero, a Alcaldesa Elba Veleiro e o Presidente da Deputación e Alcalde de Monforte de Lemos, José Tomé.
Gonzalo Caballero chamou á mobilización dos socialistas galegos que nas convocatorias electorais de 2019 romperon coas sondaxes e puxeron ao PSdeG á fronte dunha maioría progresista que superou á dereita en todas as convocatorias electorais. De aí, explicou, a estratexia conservadora de “impoñer relatos que nos queren facer pequenos” para “inmobilizar ao electorado moderado progresista e socialista”.
O líder dos socialistas galegos dixo que “a historia amosa que en Galicia só hai cambio cando o lidera o PSdeG”, e por iso “o PP a quen ataca é ao PSdeG e ao líder do PSdeG, porque saben que somos alternativa real”, e “a quen lle teñen medo é ao PSdeG”. Dixo que “a dereita prefire xogar á confusión e tratar entre algodóns a outras forzas progresistas”.
A Cabeza de lista das eleccións autonómicas pola provincia de Lugo, Patricia Otero, afirmou que “o 12X temos que gañar as enquisas, porque o PSOE é o partido da confianza, da xustiza, é un verdadeiro exemplo de Goberno. Estamos preparados para traballar a reo nesta nova andaina”. Explicou que dende o primeiro momento, os Alcaldes e Alcaldesas socialistas da provincia, “estiveron a pé de pais, promovendo iniciativas para non deixar a ninguén atrás nos nosos concellos, eles son o verdadeiro exemplo desta pandemia ante o abandono do Goberno de Feijóo”.
“Temos que loitar polo noso sector primario, reactivar a economía, crear o emprego, e agora temos unha oportunidade única da man do Goberno de Pedro Sánchez. Non podemos deixar pasar este momento político, o 12X temos que apoiar a un goberno útil e progresista”, resumiu.
A Alcaldesa de Vilalba, Elba Veleiro, dixo “non é o mesmo que o goberne a dereita e a esquerda neste pais. Necesitamos un cambio en Galicia que encabezará Gonzalo Caballero, e o PsdeG ten que pilotar este novo proxecto para saír desta crise. E só hai unha receita traballo, traballo e traballo. O 12 X temos que saír a votar polo progreso deste pais”, resumiu.
O Presidente da Deputación e Alcalde de Monforte de Lemos, Jose Tomé Roca advertiu que “Galicia necesita un cambio tras 12 anos de Goberno de Feijóo. El é o único responsable do que pasou en Galicia, comezando por Alcoa. Falta a primeira proposta ou primeiro euro da Xunta nun plan industrial para Galicia e os galegos. Temos que saír a rúa e conseguir que a política volva a estar ao servizo dos cidadáns”, insistiu.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
