CERVO.- O PSOE cualifica de “impertinente” a intervención do Alcalde de Cervo no acto de inauguración do novo centro de saúde de San Cibrao, por considerar que non tivo en conta a todas as administracións que axudaron a facer realidade a obra e por incidir en que fora somente iniciativa do goberno do PP na Xunta hai catro anos e consideran que deberan gardarse as formas de protocolo nun acto institucional.
NOTA DE PRENSA REMITIDA
OS SOCIALISTAS DE CERVO CALIFICAN DE “MOI IMPERTINENTE A INTERVENCIÓN DO ALCALDE, NA INAUGURACIÓN DO NOVO CENTRO DE SAUDE DE SAN CIBRAO REALIZADA POLA CONSELLERÍA DE SANIDADE”
-Os Socialistas de Cervo consideramos que “na desafortunada intervención do Alcalde non representou para nada o sentir da inmensa maioría dos veciños da nosa vila, e que unicamente o fixo o dos hooligans do PP”
-O Alcalde de Cervo co seu comportamento estase a converter ca súa sectaria actitude nun problema, para que outras Administracións invistan no noso Concello
– Aínda que os responsables do PP puxeron a primeira pedra do Centro de Saúde nos 16 anos que gobernaron, foi un Goberno presidido por Emilio Pérez Touriño o que o fixo posible poñendo tódalas demais
Cervo, 16 de xullo do 2008. A Agrupación local de Cervo do PSdeG-PSOE cualifica de “moi impertinente a intervención do Alcalde, na inauguración no novo Centro de Saúde de San Cibrao realizado pola Consellería de Sanidade”.
Dende o PSOE de Cervo queremos manifestar “que o Alcalde non só falseou a realidade atribuíndolle ao PP a consecución do Centro Sanitario, senón que chegou a criticar visitas da Conselleira adicadas a realización de charlas informativas sobre a Sanidade Galega no Concello de Cervo”.
Os Socialistas de Cervo consideramos que “na desafortunada intervención do Alcalde non representou para nada o sentir da inmensa maioría dos veciños da nosa vila, e que unicamente o fixo o dos hooligans do PP”.
Un centro punteiro
O PSOE de Cervo quere lembrarlle ao Alcalde “que aínda que os responsables do PP puxeron a primeira pedra do Centro de Saúde nos 16 anos que gobernaron, foi un Goberno presidido por Emilio Pérez Touriño o que o fixo posible poñendo tódalas demais. Para convertelo nun Centro de Saúde punteiro con tódolos equipamentos materiais e humanos necesarios para garantir aos cidadáns da nosa vila unha Sanidade de calidade e acorde cos tempos que vivimos. Algo que os Gobernos do PP na Xunta non lles deu tempo de realizar nos 16 que gobernaron”.
A Agrupación Socialista de Cervo “felicitase non só pola apertura deste Centro Sanitario, senón tamén polas melloras que se teñen producido no centro de saúde de Cervo, onde a Consellería acaba de investir mais de 60.000 euros de fondos propios a diferenza do que pasaba cando había Gobernos do PP na Xunta, xa que era o propio Concello, naquel entonces cun Goberno Socialista, o que tiña que costear as melloras e mantemento do Centro”.
Criticas nun acto institucional
Os Socialistas de Cervo consideran “lamentable que o Alcalde utilizara un acto institucional para criticar visitas da Conselleira ao Concello, con motivo da realización de charlas sobre cambios que se están producindo no Sistema Sanitario Galego. O que se pode entender como unha mostra clara de que o Alcalde só busca a confrontación institucional en favor de intereses partidarios que nada teñen que ver cos veciños da nosa vila, xa que sempre amosamos respecto e apoio hacia os responsables políticos da Xunta, e valoramos o seu compromiso cos investimentos que realizan na nosa vila co obxectivo de mellorar a calidade de vida dos cidadáns. Algo que parece que ao actual rexedor de Cervo lle molesta profundamente polo cal vai converténdose cada día un pouco mais nun problema para Cervo e os seus habitantes”.
Cervo a 16 de xullo de 2008
Grupo Municipal Socialista
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
No acto impuxéronlles o birrete e entregáronlles diploma e orla. Despois cantaron unha canción para as familias asistentes. Houbo moitos aplausos e algunhas lágrimas de emoción.
