LUGO .- A Vicepresidencia da Deputación, a través da Área de Cultura e Deporte, estase a pór en contacto cos concellos das distintas comarcas lucenses para avaliar, de forma conxunta, os danos materiais ocasionados polo temporal que azoutou a península nestes últimos días. Deste xeito, os concellos afectados terán que redactar e enviar unha memoria onde se indiquen de forma pormenorizada os estragos sufridos nas estruturas deportivas e culturais da zona. Ademais dun orzamento aproximado, dos custos de execución das obras de reparación.
Nunha primeira rolda de contacto, realizada dende a Área de Cultura e Deporte unha “avaliación de urxencia” na que os danos referentes ás estruturas dos polideportivos e dos campos de fútbol foron unha constante. Os muros derrubados, os teitos levantados e os peches das instalacións deportivas totalmente dobrados son os estragos máis habituais.
Unha vez avaliadas as consecuencias nas infraestruturas deportivas e culturais da provincia a Área de Cultura e Deporte da Deputación pretende apoiar a todos os concellos e, especialmente, a aqueles que contan con menos recursos económicos no suposto de teren que abordar estas reparacións. Así, unha vez avaliados en profundidade todos os estragos a través das memorias presentadas e de varias visitas aos lugares sinalados, a Área de Cultura e Deporte asignará unha cantidade, aínda sen cuantificar, para axudarlles aos concellos a afrontar os custos derivados da reparación e/ou reconstrución dos seus espazos deportivos e culturais.
Os estragos na mariña lucense
A maior parte dos danos orixinados polo temporal rexistráronse na zona da mariña lucense. Así, as gradas da parte sur do campo de fútbol da Marosa, en Burela, quedaron totalmente inutilizables. No mesmo concello, as fortes rachas de vento levantaron tamén varias uralitas do polideportivo Os Castros. Outras localidades coma Viveiro, Ribadeo e Lourenzá, deron conta durante a primeira rolda de contacto, de varios danos no pavillón deportivo, na piscina municipal e no campo de fútbol respectivamente.
Unha comedia orientada para público adulto dirixida por Cándio Pazó. Hora: 20.30. Sipnose: 1880, Curros Enríquez é denunciado polo bispo de Ourense por uns poemas do seu libro Aires da miña terra, un dos piares do Rexurdimento Galego. A pesar da opinión contraria do fiscal, un xuíz dá curso á denuncia e o célebre escritor é procesado e condenado.
A xornada comezou cun aperitivo no bar O Colorado, onde os socios se reuniron para o tradicional brinde previo ao xantar. O encontro continuou no Restaurante Asturias nun ambiente de fraternidade, gozando dun cocido digno de exaltación e dunha longa sobremesa. Durante a velada, os asistentes compartiron lembranzas e falaron das actividades que a asociación prepara para o futuro, nun ano no que Os Cacholeiros se achegan ao seu 35º aniversario. A entidade aproveita esta celebración para reivindicar unha vez máis os pratos tradicionais, elaborados con produtos locais e de tempada, e o labor dos establecementos hostaleiros do concello e da comarca.
A cita terá lugar ás 14.30 horas no Restaurante Louzao, en Area. A actividade, promovida polo Centro de Información á Muller e pola Delegación Municipal da Muller do Concello de Viveiro, está concibida como un encontro de convivencia e participación arredor do 8M. O prezo do xantar é de 50 euros. O Concello de Viveiro publicará nos vindeiros días a programación completa organizada con motivo do 8M.
A presidenta da Deputación, Carmela López, e outros cargos do PSdeG destacaron o valor do grelo como produto emblemático e subliñaron que iniciativas como esta impulsan a economía local, apoian ao sector produtor e reforzan a identidade do rural lucense.
O distintivo, concedido por ADEAC, recoñece a excelencia ambiental e a xestión sostible do territorio.En 2026 o programa acada cifras récord, con máis de 1.200 km de sendeiros en 154 municipios. A senda franquía destaca pola súa calidade paisaxística e ambiental, ao unir Castello e Porcía a través de acantilados, praias e espazos de alto valor ecolóxico. Este recoñecemento reforza o compromiso de El Franco cun modelo que combina conservación, educación ambiental e turismo sostible, situando o concello na rede estatal de itinerarios de excelencia. A entrega oficial das bandeiras será o 6 de marzo no Castelo de Cullera.
Sinalaron que conta cunha Indicación Xeográfica Protexida con case 70 hectáreas cultivadas, 194 produtores e máis de 215.000 kg certificados en 2025, cun valor superior aos 430.000 euros. Tamén subliñaron que forma parte dos 36 selos de calidade de Galicia e que festas como esta dinamizan o rural e favorecen a venda directa entre produtores e consumidores.
O Restaurante Oviedo-2 será o encargado de elaborar o caldo, o compango e as filloas de sobremesa. O acto incluirá tamén lectura de poemas e música, coa participación de Eli García-Bouso, que interpretará algunhas pezas inspiradas en Rosalía de Castro. O prezo do xantar será de 15 euros para socios/as e 20 euros para non socios/as. As persoas interesadas poden inscribirse enviando un correo a agrupacionfranciscolanza@gmail.com ou mediante unha mensaxe de WhatsApp ao 699 809 606.
