LUGO .- A xunta de goberno da Deputación acordou a adxudicación provisional da obra de afirmado e terminación do treito entre os puntos quilométricos 2,600 e 5,400 da estrada Burela-Vilaestrofe-Rua, no termo municipal de Cervo, por 368.000 euros, cunha mellora de 48.750 euros. O prazo de execución é de tres meses.
NOTA DE PRENSA
A Deputación inviste máis de 2 millóns de euros na mellora de 3 estradas da Montaña e da Mariña
A institución provincial financiará con fondos propios o acondicionamento dun total de 20,5 quilómetros de vías
A Deputación investirá máis de dous millóns de euros (2.019.095 €) na mellora de tres estradas provincias na zona da Montaña e da Mariña que suman un total de 20,5 quilómetros. A Xunta de Goberno deste venres aprobou a contratación dunha destas obras e a adxudicación provinsional das outras dúas. O voceiro do grupo provincial socialista, Antonio Gato Soengas, subliñou que “estes proxectos son financiados ó 100% con fondos propios, o que reflicte o importante esforzo inversor que está a realizar o organismo provincial na mellora da rede viaria provincial”.
No primeiro caso, o goberno provincial acordou a contratación das obras de mellora dun treito de 9,436 quilómetros da estrada “De Gulfrei por Meizarán a Lamas” ó seu paso polos termos municipais de Becerreá, As Nogais e Triacastela. O presuposto é de 900.000 euros.
“As obras incluirán o ancheamento da estrada nun metro, co que pasará de 4,5 a 5,5 metros de ancho. Non fará falta expropiar porque se aproveitarán os arcéns, co que se axilizará sensiblemente todo o proceso. Ademais, botarase unha dobre capa de aglomerado en quente, colocaranse ollos de gato e sinalizarase horizontal e verticalmente”, apuntou Gato Soengas.
Por outra banda, aduxdicouse provisionalmente a obra de ancheamento e mellora dun treito de 8,370 quilómetros da estrada de Pedrafita ó Portelo, nos termos municipais de Pedrafita e Cervantes. A adxudicación provisional foi por 638.500 euros, cunha mellora de 64.655 euros. O prazo de execución é de 4 meses.
O terceiro asunto aprobado pola Xunta de Goberno relacionado con obras en vías provinciais, foi a adxudicación provisional da obra de afirmado e terminación do treito entre os puntos quilométricos 2,600 e 5,400 da estrada Burela-Vilaestrofe-Rua, no termo municipal de Cervo, por 368.000 euros, cunha mellora de 48.750 euros. O prazo de execución é de tres meses.
Segundo Gato Soengas, “con esta actuación completarase o proxecto aprobado polo anterior equipo de goberno que, como noutros casos, só incluía o presuposto para a explanación e as obras de fábrica, co que a estrada queda en terra ,e agora hai que asfaltala e deixala en condicións axeitadas para a circulación do tráfico”.
A Xunta de Goberno tamén aprobou unha adenda ó convenio de colaboración entre o Concello de Castro de Rei e a Deputación para a posta a disposción de 25.000 metros cadrados durante 20 anos. A parcela, pertencente á finca da Granxa Gayoso-Castro, destinarase a instalacións deportivas (pista polideportiva, campo de fútbol de adestramento para categorías inferiores e pista de aeromodelismo).
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
