LOURENZÁ .- Presentaron en Lourenzá o evento lúdico cultural “A Lenda do Conde Santo” que se representará o 29 de agosto. Como acto previo á cea de época e á recreación da lenda terá lugar ás 19,30 horas a Presentación do libro: Osorio Gutiérrez, o “Conde Santo” de Vilanova de Lourenzá. A presentación do acto acudiu o alcalde de Lourenzá, Vidal Martínez Sierra, o xefe territorial da Consellería de Cultura e Turismo, José Carlos Rodríguez Andina e concelleira de Cultura, Guadalupe Flórez.
Nota de Prensa
Hoxe venres día 21 tivo lugar a presentación do evento lúdico- cultural: “A Lenda do Conde Santo”.
No acto estiveron presentes o alcalde de Lourenzá – D. Vidal Martínez Sierra, o xefe territorial da Conselleria de Cultura e Turismo – D. José Carlos Rodríguez Andina e a Concelleira de Cultura – Dª Guadalupe Flórez.
Seguindo coa idea orixinaria de dar a coñecer a figura do Conde Santo que alcanzou este título por vontade popular, esta segunda edición a organización quixo facer un maior fincapé nos actos da tarde-noite do vindeiro sábado 29 de agosto no marco incomparable dos claustros do Mosteiro San Salvador.
* Como acto previo á cea de época e á recreación da lenda terá lugar ás 19,30 horas a Presentación do libro: Osorio Gutiérrez, o “Conde Santo” de Vilanova de Lourenzá, a cargo do historiador D. Carlos Andrés González Paz no Salón de Actos da Casa da Cultura.
* Posteriormente ás 20,30 horas apertura dos claustros do Mosteiro San Salvador para os asistentes á cea os cales disfrutarán dun tentempé na taberna que se instalará no pozo santo sendo agasallados cun obsequio conmemorativo (neste caso trátase dunha copa de cerámica gravada).
* A partires das 22,00 horas dará comezo a CEA POPULAR inspirada na época do noso fundado, D. Osorio Gutiérrez acompañada de animación de rúa e música.
* Ás 24,00 horasterá lugar a RECREACIÓN da LENDA a cargo da compañía TEATRO DA GAVELA
Esta Actuación estará aberta ao público en xeral
As tarxetas para participar na Cea de Época cea xa están á venda podendo retirarse nas oficinas do Concello de Lourenzá; o prezo do menú é de 25 euros por persoa e constará de: empanada, caldo de verduras, cordeiro e porquiño ao espeto, queixo e marmelo, café, licores, auga e viño rematando cunha queimada, podendo disfrutar da cea con menaxe de madeira acorde coa época do Medievo. Aqueles menores que acompañen aos adultos asistentes á cea disporán dun servizo de ludoteca e unha cea infantil de forma gratuita.
Dende a organización animamos aos asistentes a participar da mesma con vestimentas de época, podendo alugarse os traxes nas instalacións da Casa da Xuventude en horario de tarde (16,30 – 19,00 horas).
O evento está organizado polo Concello de Lourenzá e patrocinado pola Dirección Xeral de Promoción e Difusión da Cultura e Vicepresidencia Primeira – Cultura da Deputación de Lugo
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
