LUGO .- A asociación ABRIGA (Asociación Brigadista Galega) fará, coa colaboración da Deputación de Lugo, un envío de material deportivo e de axuda para o pobo cubano. Para pechar os pormenores da colaboración o vicepresidente da Deputación, o nacionalista Antón Bao, e o responsable da área de cultura e Deporte, Antonio Veiga, recibiron no Pazo de San Marcos a representantes de ABRIGA e ao presidente da Coordenadora Estatal de Asociacións de Residentes Cubanos, Ernesto Quintero.
Nesta xuntanza os membros das asociacións de apoio ao pobo cubano trasladáronlle ao goberno da Deputación de Lugo a dificultade que supón atopar recursos para asumir os custos derivados do envío do material. Un envío de material que se fai por medio marítimo en contenedores. Segundo explicaba o presidente da Coordenadora Estatal de Asociacións de Residentes Cubanos, Ernesto Quintero, a través desta entidade coordinase o envío do material que recollen as máis de duascentas asociacións existentes en todo o estado. Ernesto Quintero explicou que a coordenadora que preside xestionou, no ano 2009, o envío de 10 contenedores de material de axuda. Quintero destacou, entre o material recollido, a aportación de ABRIGA dun cargamento de material deportivo valorado en máis de 240.000 euros, os 12 vehículos todoterreo cedidos polo Principado de Asturias e as camas de un hospital que xa foron enviadas neste ano 2009.
Antón Bao, explicou que a Deputación colaborará no envío do cargamento de material deportivo que ABRIGA recolleu na provincia de Lugo. Este cargamento está valorado en máis de 240.000 euros e, unha vez chegue a Cuba, destinarase a escolas e clubes deportivos para mellorar as condicións da práctica deportiva nos centros de formación da illa. En referencia á campaña de recollida que ABRIGA desenvolveu e que deu como fruto a captación de case 40 millóns, das antigas pesetas, en material deportivo Antón Bao sinalou que “as institucións non poden pechar os ollos a unha realidade social como é a solidaridade do pobo galego co pobo cubano e por iso imos a complementar a acción solidaria dos lucenses contribuíndo ao envío de todo este material recollido na provincia de Lugo”. Para os responsables do goberno da Deputación esta contribución é unha mostra máis da solidariedade que sempre existiu entres o pobos galego e cubano e servirá para aliviar as consecuencias do persistente bloqueo que están a sufrir os habitantes da illa.
Recollida de Bicicletas
A Asociación de Brigadistas Galega (ABRIGA) iniciou, en Lugo, unha campaña de recollida de bicicletas usadas para enviar a Cuba. ABRIGA recolle bicis en bo estado e materiais que poden ser reciclados (bombíns, cámaras, rodas…). A campaña rematará no vindeiro mes de xullo. A iniciativa é a continuación do traballo que ABRIGA ven desenvolvendo dende que naceu en Lugo no 2006. No ano 2008 ABRIGA xa promoveu unha campaña de recollida de material deportivo, informático e escolar na que reuniu ao redor de 4,5 toneladas.
A concelleira de Cultura, Ana Cartelle, destacou que “es un privilegio para Ortigueira contar con una formación de la talla de Qvinta Essençia”, e subliñou que o concerto ofrece “una oportunidad única para disfrutar de una música que en su día fue la vanguardia de las cortes europeas”. O recital propón unha viaxe pola lírica e a música do Renacemento, con obras de Guerrero, Morales ou Vázquez e textos de Garcilaso, Boscán ou Lope de Vega.
O evento celebrarase este sábado 25, de abril, na capital lucense. Durante a xornada matinal, o alumnado asistirá a clases impartidas por profesionais de distintas disciplinas, tanto do ámbito da danza clásica como da moderna. Pola tarde, ás 19:30 horas, o grupo da EMMeD subirá ao escenario do Auditorio Gustavo Freire xunto aos demais centros convidados, nunha actuación que servirá como peche desta xornada de convivencia e intercambio artístico.
Un home perdeu a vida este xoves tras sufrir un accidente cunha res no lugar de Carelle Grande, na parroquia do Burgo (Muras). O suceso tivo lugar sobre as 19 horas, cando un familiar deu a voz de alarma ao 112 Galicia e explicou que o implicado fora aplastado polo animal. De inmediato, activouse un operativo no que participaron Urxencias Sanitarias de Galicia-061, que desprazaron ao punto o helicóptero medicalizado con base en Santiago, e a Garda Civil. Unha vez alí, os profesionais sanitarios só puideron confirmar o falecemento do home.
Con motivo desta conmemoración, o Concello anima á veciñanza a participar no Certame do Día do Libro, unha iniciativa pensada para fomentar a creatividade en todas as idades. Categorías do certame: Infantil (3-6 anos): creación dun marcapáxinas orixinal. Primaria (7-11 anos): continuación dunha historia proposta. Adultos (12+ anos): relato, anécdota familiar ou continuación da historia proposta. Data límite: 30 de abril. Envío por correo: prensa@concellodecervo.com. Envío por WhatsApp: 683 315 939
A directora, Ana Traseira, e o brand manager, Carlos García, representaron ao centro lucense, que presentou a experiencia “A comunicación: unha nova ponte cara Lugo”, recoñecida co Accésit do Consello Social da UNED 2025. O proxecto destaca pola súa aposta pola innovación, a proximidade e a mellora continua na relación coa contorna. A UNED de Lugo agradeceu a oportunidade de participar nun espazo que reforza a colaboración e contribúe a construír unha universidade máis conectada, accesible e comprometida.
Varios grupos participan en obradoiros de cestería na Devesa e de manualidades en Rinlo, Cinxe e As Anzas. A Área de Benestar Social, Saúde e Familia quere “potenciar deste xeito a convivencia e encher de propostas os locais sociais do noso concello e de entretemento ás persoas que viven nas parroquias de Ribadeo”.
Fixoo no marco do Campionato Galego de Coctelería celebrado no Hostal dos Reis Católicos.
