NOTA DE PRENSA
Veiga denuncia que o voto do PP no Parlamento retrasa en catro anos a entrada en funcionamento da VAC
Alcaldes e Concelleiros reúnense hoxe en San Sadurniño para debater sobre a VAC Barreiros-Ferrol
O BNG afirma que o PP desautoriza a Barreiro
A oposición do Partido Popular no Pleno do Parlamento de Galiza a votar a favor dunha proposición non de lei do Bloque Nacionalista Galego vai significar un retraso na entrada en funcionamento da VAC Barreiros-Ferrol de catro anos. A iniciativa nacionalista non pretendía outra cousa que respectar o prazo de execución das obras que viña recollidos nos orzamentos de 2009, que fixaba un cronograma que poñía data de remate as obras en 2013 e que consignaba as partidas suficientes para que o vial estivera listo nesta data. “É unha auténtica tomadura de pelo que o PP fai un ano se estivese manifestando en Vicedo porque entendía que a data de remate se alongaba en demasía no tempo e que agora non teñan problema algún en retrasa-la catro anos máis. Sería bo que o PP explicase as razóns deste cambio de postura. Tampouco estaría de máis que os populares lle explicasen aos veciños da Mariña que queren dicir cando falan de que por primeira vez esta obra conta cun cronograma, posto que á vista do dito parece que non saben moi ben que significa este termo, agás que nos queiran indicar que Cascos e Cuíña enganaron aos veciños da Mariña en 2001” afirmou Veiga.
O Bloque Nacionalista Galego considera que o sentido de voto dos deputados populares no Hórreo deixa en evidencia a moitos concelleiros, alcaldes e dirixentes populares da Mariña, Ortegal e Ferrol na medida en que a proposición non de lei que rexeitaron é idéntica na letra a iniciativa aprobada en forma de moción por unanimidade na Deputación de Lugo.”O PP non está só faltando as expectativas de moitos veciños das Comarcas afectadas coa súa decisión senón que está emendando o sentido de voto de moitos dos seus Alcaldes e cargos institucionais. Tanto é así que o PP Galego co seu voto no Parlamento está desautorizando o propio Presidente provincial do PP de Lugo, Xosé Manuel Barreiro, que no Pleno da deputación votou a favor desta iniciativa. Outra vez repitese o conto do PP que xoga cun duplo discurso defendo unha cousa na Comarca e defendendo outra distinta en Compostela. Aos populares da Mariña cando cruzan a Xesta ou a Gañidoira parece que lles cambian as ideas. Os mariñaos non nos merecemos uns representantes públicos que estean instalados no oportunismo político”,indicou Veiga.
Veiga que participará hoxe, coa totalidade dos cargos electos do nacionalismo na Mariña nunha xuntanza en San Sadurniño ao que acudiran concelleiros e alcaldes do BNG e do PSOE da Mariña, Ortegal e Ferrolterra, anunciou que a falta de vontade política do PP en rectificar a planificación viaria do norte galego, necesariamente vai converter nun problema social a execución deste vial. “Non podemos consentir unha planificación viaria que prime unhas zonas de Galiza, discriminando ao norte galego. O PP trasladando para 2017 o remate dos tramos de Espasante, Cariño, Maañón,Vicedo e Viveiro pretende situar a estes Concellos na cola de Galiza. Mesmamente deixando sen rematar estes tramos, o que están e deixando sen utilidade o conxunto da VAC. Non deixa de ser curioso tamén que deixen para o final os tramos de máis dificultade técnica, segundo explicou o Conselleiro Hernández, non será que xa está buscando outra escusa para adiar aínda máis no tempo a obra “ preguntouse Veiga.
O Responsábel Comarcal do BNG, non quixo adiantarse sobre os resultados da xuntanza de San Sadurniño, se ben afirmou que “non debe haber ningún problema para definir unha posición, posto que todos, agás a Consellaría e os Parlamentarios do PP, coincidiamos en que esta obra ten que estar rematada en 2013 e que a Xunta ten que consignar cando menos os fondos recollidos no orzamento de 2009 para a mesma. Tanto é así que estamos convencidos que tamén haberá Alcaldes do PP que se sumen a esta mesa de representantes institucionais en coherencia co que veñen de votar estes días nos seus respectivos Concellos”.O Portavoz Nacionalista indicou que é o momento de poñer os intereses da Comarca por riba das estratexias de partido e nese sentido lamentou que o Goberno Galego lle obrigase ao PP de Lugo a saírse do consenso sobre esta reivindicación, consenso que quedou reflectido no Pleno da Deputación.” É obvio que esta actuación non é unha prioridade para o Goberno Galego, pero este proceder evidencia tamén a falta de peso do PP de Lugo e en particular da Comarca na Xunta de Galiza.” , rematou Veiga.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
Ao longo desta semana, máis de 40 científicas, divulgadoras, xornalistas e activistas participan nunha campaña simultánea en todo o Estado para achegar á cidadanía as consecuencias que os recentes ataques a Irán poden ter na vida cotiá. No marco desta iniciativa, celebrarase en Ribadeo un acto informativo o venres 17, na Escola Municipal de Música, ás 19:00 horas. Toda a información sobre o No Normal Tour está dispoñible en: 
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
O acto está organizado pola A.C. Francisco Lanza e contará coa participación de Dores Fernández Abel, en representación da entidade, xunto co autor da obra. Duarte Correa xa visitara Ribadeo no ano 2022 para ofrecer unha charla sobre a situación política internacional, centrada daquela na guerra de Ucraína. Nesta nova ocasión, o público poderá volver seguir a súa capacidade de análise e síntese, que lle permitirá ofrecer unha visión actualizada dun contexto xeopolítico en constante transformación.
