LUGO .- A xunta de goberno da Deputación aprobou un convenio co Nupel para que o equipo de Sergio Vallejo promocionará os Camiños da provincia de cara ao Xacobeo a través do cal o coche e o material deportivo dos campións de rally de España levarán a marca Km0
Nota de Prensa
A Deputación e o equipo de Sergio Vallejo promocionan os Camiños da provincia de cara ao Xacobeo
– A Xunta de Goberno aproba un convenio co Nupel sen coste a través do cal o coche e o material deportivo dos campións de rally de España levarán a marca Km0
-Antonio Gato anuncia que o organismo provincial participará no Pleno do Concello de Castro de Rei onde se instará a Núñez Feijóo a facerse cargo do Hospital de San Rafael tal e como prometera hai máis dun ano durante unha visita a esta localidade
-O Deputado subliña que nun día se doblou o operativo despregado para atender as posibles incidencias nas estradas debido ao temporal de neve
A Xunta de Goberno deste venres aprobou un convenio entre a Deputación e o equipo do campión de rally de España co que se promocionará a provincia de cara a celebración do Xacobeo. Deste xeito, o coche e o material deportivo dos irmáns Vallejo levarán a marca Km0 dando a coñecer o ambicioso programa do organismo provincial. O voceiro provincial socialista, Antonio Gato Soengas, salientou que “trátase dun acordo sen coste algún, co que a Deputación dá un paso máis no impulso de Lugo nun ano cheo de oportunidades económicas debido á visita de miles de persoas ao ser Ano Santo”.
O Deputado provincial lembrou que o organismo provincial foi a primeira institución cunha programación estable e previa ao Xacobeo, e destacou que “conscientes de que Lugo é porta cara Santiago ao contar con máis de 800 quilómetros de peregrinación, seguimos, coa axuda do Nupel, levando máis lexos se cabe o nome da nosa provincia”.
O programación de Km0, xunto as modalidades de Km0 a Compostela e Km0 Xtreme, contou durante o 2009 coa participación de 11.000 persoas. Na actualidade xa está cuberto o cupo de praza ata mediados do mes de maio, de tal xeito que en xuño, cando remate a segunda fase, os amigos de Km0 serán xa 22.000.
Entre outros asuntos da orde do día, a Xunta de Goberno tamén acordou un convenio co Concello de Meira dotado de 23.600 euros para a execución dun proxecto de separación de augas limpas do colector de saneamento en varios puntos desta vila.
Pleno Castro de Rei
Gato Soengas anunciou que este sábado a Deputación participará no Pleno do Concello de Castro de Rei no que se aprobará unha proposta para instar ao Presidente da Xunta a facerse cargo do Hospital de San Rafael tal e como se comprometera durante unha visita a esta localidade hai máis dun ano. O titular da área de Cooperación cos Concellos incidou que “Feijóo non cumpre coa palabra dada nin cos veciños de Lugo demostrando que non lle importa a nosa provincia”.
O Deputado lembrou que o titular do Goberno Autonómico ten pendente un encontro co Presidente da Deputación dende o 20 de novembro, data que fixou Núñez Feijóo para tratar, entre outros asuntos, a transferencia dos Hospitais San José e San Rafael. Gato Soengas salientou que “xa pasaron máis de dous meses e Feijóo segue sen dar a cara enviando aos seus escudeiros”.
Neste senso, o voceiro provincial socialista destacou que este luns será finalmente o Conselleiro de Presidencia, Alfonso Rueda, quen manteña un encontro en San Caetano con Gómez Besteiro para abordar o Consorcio de Bombeiros. Gato Soengas explicou que esta cita prodúcese despois do envío de duas cartas e varias chamadas á Xunta por parte da Deputación reclamando a prometida cita co Presidente da Xunta. “Nos fixemos os deberes. Todos os parques de bombeiros están dotados da equitación necesaria para a súa apertura en espera dunha resposta da Xunta, responsable do 50% deste proxecto”.
Da mesma forma, Gato Soengas destacou que a Deputación tamén espera coñecer a postura da Xunta sobre o Centro de Recría da Granxa Gayoso Castro, unha iniciativa dotada de 11 millóns de euros, que triplicará a capacidade dos 14 centros de recría existentes na Comunidade, e que aforrará cartos aos gandeiros. “A Deputación, malia o silencia da Xunta, fará si ou sí este proxecto”, incidou.
Ao respecto do Plan Extratéxico, o primero estudo que ofrece unha visión real e global de Lugo, o Deputado destacou que xa se lle ofreceu ao Goberno galego en dúas ocasións: no encontro entre Gómez Besteiro e Núñez Feijóo, e a través dunha carta. “Trátase dun Plan complementario ao Plan Impulsa que aforraría cartos. Isto é austeridade, e non a redución de servizos aos veciños” salientou.
Actuacións pola neve
No transcurso da rolda de prensa posterior á Xunta de Goberno, Antonio Gato fixo balance da situación das estradas da provincia, e deu conta das actuacións levadas a cabo pola Deputación. “Dende o xoves dobramos o número de operarios que están a traballar nas vías de Lugo superando os 100 operarios, desprazando preto de 80 vehículos especiais, e repartindo máis de 130 toneladas de sal”, destacou.
O organismo provincial está a retirar neve e a distribuir sal nos vias de todos os Concellos lucenses. Da mesma forma, advírtese da necesidade do uso de cadeas nos municipios de Valadouro, Alfoz, Lourenzá, Abadín, Mondoñedo, A Pontenova, A Fonsagrada, Navia de Suarna, Becerreá, Cervantes, As Nogais, Pedrafita, e Courel.
Durante a mañá do venres, a circulación estivo pechada no Ourel onde se desprazaron 5 operarios, e outros 5 vehículos para restablecer o tráfico. Ademais, houbo dificultades na CP 1611 entre Guitiriz e Begonte, e só se producíu un accidente de carácter leve na CP 4102 en Pantón.
Antonio Gato subliñou que a Deputación segue en alerta ante a posibilidade de novos incidentes para o que se conta cun dispositivo formado por 160 vehículos e 110 operarios.
A principal será o regreso das carrozas dos pobos o domingo 27, recuperando unha tradición histórica. O venres abrirase coa charanga e verbena; o sábado haberá sesión vermú, verbena e fogos; o domingo, música dos sesenta e setenta, desfile de carrozas e festa dos oitenta; o luns, actividades para a infancia e reparto do bollo; e o martes, misa solemne, procesión e verbena final. O Concello de El Franco destaca o labor da Sociedade de Fiestas e o valor de recuperar tradicións e avanzar cara a unhas festas máis inclusivas.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
