CERVO .- O Concello de Cervo dispón de 50 novos colectores de lixo para residuos orgánicos e xestiona máis colectores para recollida selectiva de papel, vidro e de envases lixeiros. O investimento total desta nova dotación de material ronda os 12.000 euros e cada un destes colectores ten una capacidade de 800 litros.
Nota de Prensa
O CONCELLO DE CERVO DISPÓN DE 50 NOVOS COLECTORES PARA MATERIA ORGÁNICA
Cervo, 14 de abril de 2010.- O Concello de Cervo ven de recibir da Secretaría Xeral de Calidade e Avaliación Ambiental da Consellería de Medio Ambiente da Xunta de Galicia 50 novos colectores de lixo para residuos orgánicos. O investimento total desta nova dotación de material ronda os 12.000 euros e cada un destes colectores ten una capacidade de 800 litros.
Segundo indicou o alcalde de Cervo, Alfonso Villares, esta era unha petición que o Concello levaba facendo dende hai tempo aos responsables da Consellería de Medio Ambiente “e por fin tivemos unha resposta afirmativa” sinalou.
Os novos colectores irán destinados a substituír aos que actualmente ten o Concello en peor estado e a cubrir zonas do municipio nas que os actuais recipientes para colocar as bolsas de lixo nos son suficientes.
O alcalde cervense dixo que esta nova incorporación de material vai servir tamén para poder cubrir o déficit de colectores que viña sufrindo o Concello en determinadas épocas coma o verán, “cando a nosa poboación aumenta coa chegada de visitantes e pensamos que con estes novos colectores poderemos solucionar os posibles problemas que se nos poidan presentar neste sentido” recoñeceu Villares
Ao marxe destes colectores, o Concello de Cervo está tamén facendo xestións diante dos responsables de Medio Ambiente de cara a conseguir máis colectores de recollida selectiva de papel, vidro e de envases lixeiros. “Na nosa intención está mellorar, potenciar e promover a recollida selectiva de lixo. actualmente no nosos concello existen colectores específicos para a recollida de aceites, pilas, envases lixeiros, papel e vidro, ademais claro está dos colectores de materia orgánica e neste senso quero sinalar que dende o Concello estamos a elaborar un estudo para valorar as necesidades que teñen nesta materia os distintos núcleos e parroquias do municipio e tentar así corrixir as posibles eivas e mellorar a calidade do servizo” indicou o alcalde.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
