Nota de Prensa
O BNG DE FOZ PRESENTA UNHA MOCIÓN EN APOIO DA MANIFESTACIÓN DO 17 DE MAIO EN DEFENSA DO IDIOMA
“Os gobernantes do PP teñen que darse conta de que se están aí é por obra e gracia do idioma galego”
Foz, 13 de maio de 2010.- A celebración do 17 de Maio, Día das Letras Galegas, presenta este ano 2010 especiais características que reafirman o carácter reivindicativo desta data. Nunca até o momento, nos case 30 anos de vixencia do actual Estatuto de Autonomía, un goberno da Xunta de Galiza se atrevera a aplicar unha política lingüística tan agresiva e regresiva, chegando á vulneración da legalidade vixente e á anulación dos dereitos democráticos no ámbito lingüístico. Esta estratexia, deseñada en base á construción dunha monumental mentira (a imposición do galego), abrangue a práctica totalidade das consellarías e departamentos do Goberno galego, e ten a ver tanto coa imposición de medidas político- administrativas que relegan ou exclúen o galego, así como con liñas discursivas e de actuación práctica que devalúan e estigmatizan o noso idioma.
Así ocorre, singularmente, no caso de ensino. As denominadas “Bases para o Decreto do Plurilingüismo” consideran na práctica ao galego como un idioma non apto para o ensino das matemáticas, da física, da química ou da tecnoloxía. Mesmo van provocar que milleiros de nenas e nenos galegos non teñan dereito durante toda a etapa infantil (até os seis anos) a manteren un mínimo contacto coa lingua galega no propio sistema educativo. Perséguese, en definitiva, o uso e o contacto co noso idioma precisamente nas franxas de idade máis sensíbeis.
Para o BNG esta obsesiva vontade é tamén comprobábel noutros ámbitos: modifícase a Lei da Función Pública para eliminar calquera proba obrigatoria en galego nos procesos selectivos de persoal, vulnérase a Lei 4/2006 no referente ao uso público do galego por parte de membros e altos cargos do Goberno, exclúese o galego das oposicións ao ensino e á sanidade, suprímense axuda á tradución ao galego (caso único no Estado español), exclúese o galego de diversas páxinas web oficiais, realízanse campañas institucionais en español (Galicia Calidade), instálase sinaléctica en español nas estradas (Xacobeo), e así sucesivamente. Mesmo chegan a “enxalzar” a figura de Uxío Novoneira, a quen este ano se lle dedica a conmemoración do Día das Letras, traducindo a súa obra ao español.
Sofre Galiza, daquela, un Goberno que lexisla e dita normativas co obxecto de reducir aínda en maior medida a presenza da lingua galega nos ámbitos máis diversos, que toma decisións concretas para residualizalo na propia administración, que vulnera e incumpre a legalidade vixente e de obrigado cumprimento, e que pretende inculcar na sociedade os peores esquemas de desprezo, de humillación, de anulación colectiva.
Por todo isto, o 17 de Maio, Día das Letras Galegas, está convocada unha manifestación dos galegos e galegas en defensa do idioma galego, polo que se lle propón ao Pleno da Corporación municipal a adopción dos seguintes acordos:
1. Apoiar a manifestación convocada pola Plataforma Queremos Galego en defensa do noso idioma que terá lugar o 17 de Maio, en Santiago de Compostela e cantas outras manifestacións se fagan en defensa do galego e da súa implantación social.
2. Programar desde o Concello de Foz ao longo do ano todo tipo de actividades de promoción do uso do galego na sociedade cara a súa normalización.
3. Rexeitar ás “Bases para o Decreto de Plurilingüismo” feitas públicas pola Consellaría de Educación e Ordenación Universitaria, e reafirmar o compromiso municipal co consenso estabelecido, no ámbito do ensino, no Plano Xeral de Normalización da Lingua Galega, aprobado de xeito unánime polo Parlamento de Galiza en setembro de 2004.
4. Manifestar a adhesión ao texto da “Iniciativa Popular pola Garantía dos Dereitos Lingüísticos”, promovida pola Plataforma Queremos Galego.
A iniciativa xurdiu co obxectivo de xuntar o alumnado que coincidira na EGB, pero axiña se ampliou a todas aquelas persoas que compartiron pupitres e amizades tamén no instituto.
O público, totalmente entregado de principio a fin, amosouno cos intensos e prolongados aplausos que acompañaron toda a actuación. Ao remate, os asistentes expresaron o seu desexo de poder gozar no futuro de novos concertos do artista, que sen dúbida volverán entusiasmar ao público.
Villares subliñou o éxito de convocatoria do evento, que reúne cada ano a numerosos participantes e afeccionados en Ribadeo, “aproveitando o atractivo da ría e do seu porto deportivo para atraer visitantes e complementar co deporte a súa ampla oferta de natureza, patrimonio e gastronomía”. A presente edición estivo dedicada á figura de Leopoldo Calvo-Sotelo, con motivo do centenario do nacemento do que fora presidente do Goberno e alcalde honorario do municipio. Ademais das regatas de vela en distintas categorías, celebráronse bautizos de buceo, charlas ou un concurso de pesca, entre outras actividades.
Na xuntanza preténdese analizar a execución das obras, o comportamento da empresa responsable, a problemática dos accesos durante as Festas de Xunqueira e solicitar ao Concello de Viveiro que faga público o proxecto definitivo.
A marcha partirá ás 12:30 horas diante do Concello, percorrerá as rúas peonís do centro e rematará novamente na casa consistorial, onde se lerá un manifesto. A plataforma chama a mobilizarse cunha mensaxe clara: cada bomba destrúe vidas e cada silencio convértenos en cómplices. Defenden que é o momento de saír á rúa para esixir o fin da violencia, o respecto aos dereitos humanos e a liberdade do pobo palestino, lembrando que a presenza das persoas manifestantes é a voz de quen hoxe non pode falar. A convocatoria péchase cun triplo chamamento: non á guerra, non ao silencio e non á indiferenza.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
