Semana difícil para Zapatero e o seu goberno, e tamén para todos os españois en xeral e do norte galego en particular, (ou case todos). Cando escribo isto, o presidente das Españas todas xa defendeu no Congreso as medidas que adoptou para acelerar a redución do déficit. Algunhas non son fáciles de explicar, para que imos enganarnos. A presión de Europa e o seu medo esaxerado a pensar que o noso país tomaba o mesmo camiño que Grecia levou ao Goberno a tomar medidas que noutro contexto xamais tomaría, penso eu. Noutro contexto. É importante subliñalo. O contexto é importante en política. Pertencemos á Unión Europea, e iso non sae de balde.
E Europa, do mesmo xeito que o resto do mundo, réxese por unha economía capitalista. Paradoxas da política, o mesmo Zapatero que impulsou os maiores avances sociais no noso país trae hoxe as tesoiras de podar pensións, soldos, sanidade…., sen dúbida, e como el mesmo admitiu no seu discurso, ao seu pesar.
Vivimos nun sistema capitalista que foi o principal causante da crise económica actual, pero ao que hai que seguir dándolle mans de pintura. Iso é máis fácil que cambiar o sistema financeiro global, pero non máis xusto.
Entrando nas medidas anunciadas por Zapatero, vexo ben a redución do salario dos funcionarios. Hoxe en día ser funcionario é un luxo que moitos quixesen para si. Tamén aprobo que esa redución de soldo sexa proporcional ao percibido e que aos membros do goberno e aos altos cargos aplíqueselles un 15%. Con todo, non comparto que se conxelen as pensións, os máis débiles non poden pagar a crise. Poño por caso a miña nai, xubilada de 80 anos, vive soia e cobra entre a sua misera pensión de autónoma e a parte da viudedade uns 700 euros o mes, miserento e inxusta a situación, pero que non é a única.
Poderían aplicarse outras medidas para reducir o déficit, como optimizar os recursos da administración pública: evitando duplicidades nos distintos niveis (local, autonómico, nacional); xestionando mellor os orzamentos, etc. Non son economista, pero é de sentido común que unha mellor xestión aforraría diñeiro.
En canto ao discurso de Rajoy e o PP sobre as medidas, resulta paradoxico que quen sempre criticou a Zapatero polas súas medidas de avance social, agora o critique por todo o contrario? Pero xa estamos afeitos a esta oposición, que lonxe de ser construtiva e traballar polo ben común do país, dedícase a intentar derrubar ao contrario custe o que custe.
Otero Regal
O campo de fútbol do Cascabeiro acolleu o pasado sábado a III Festa do Mexillón, organizada polo Celta Barreiros. Centos de persoas achegáronse a gozar dunha tarde de gastronomía e de música. En total foron servidas 670 racións entre veciñanza e visitantes, que saborearon mexillóns e lacón. Os organizadores amosasen satisfeitos da acollida: “estamos contentos pola boa resposta dos asistentes”. E tiveron palabras de agradecemento “para os Concellos de Barreiros e de Foz pola boa colaboración”.
Familias, amizades e persoas de todas as idades viviron cada xogada e cada aplauso, evidenciando que o fútbol é tamén unha oportunidade para fortalecer a convivencia e a unión da veciñanza. O municipio felicitou á Selección Española polo seu título mundial, un éxito histórico que fixo vibrar a toda a comunidade.
O acto está organizado pola Asociación de Irmandade Locudy, nunha proposta cultural que pon o foco na relación entre Galicia e Bretaña a través da figura de Castelao.
Era o único ocupante do vehículo. O 112 Galicia tivo coñecemento do accidente uns minutos despois das 10:00 horas. Segundo indicou un particular, un coche caera por un desnivel duns 20 metros no quilómetro 2 da LU-P-6104. Desde a Sala de Operacións do 112 Galicia informouse ao Servizo de Urxencias Sanitarias de Galicia-061, aos Bombeiros de Barreiros, á Garda Civil de Tráfico e á Agrupación de Voluntarios de Protección Civil de Trabada. Unha vez no punto, os servizos de emerxencias indicaron que había unha persoa falecida, único ocupante do vehículo, sen que nada se puidera facer por salvarlle a vida.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continuou o sábado coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
