NOTA DE PRENSA:
GUILLERME DEMANDA NA MARIÑA UN PLAN DE ACTUACIÓN CONCRETO TRAS OS DESPERFECTOS DO TEMPORAL “QUE NON SEXA SIMPLEMENTE UN ANUNCIO DE ACTUACIÓNS QUE LOGO NON SE EFECTIVIZAN”
“Presentamos xa iniciativas, tanto no Parlamento galego como no Congreso dos Deputados, instando aos respectivos gobernos a tomar medidas para paliar os problemas ocasionados en infraestruturas e en propiedades particulares”
Santiago de Compostela, 16 Xuño 10. O portavoz nacional, Guillerme Vázquez, visitou esta mañá as zonas afectadas polo temporal na Mariña lucense. Alí, afirmou, en declaracións aos medios, que “en consonancia co que temos presentado no Parlamento galego e no Congreso dos Deputados, demandamos un plan de actuación concreto, que non sexa simplemente un anuncio de actuacións que logo non se efectivizan”.
Na visita a Ponte de Arante, en Ribadeo, que aínda permanece pechada ao tráfico a causa do derrubo ocasionado pola enchente do río, estivo acompañado do alcalde de Ribadeo, Fernando Suárez Barcia, e do responsábel comarcal, Antonio Veiga, entre outros.
Con posterioridade, Guillerme Vázquez mantivo un encontro con veciños e veciñas afectados polas inundacións, na praza do Souto, en San Miguel de Reinante, Barreiros, quen lle transmitiron ao portavoz nacional a súa situación derivada das enchentes que provocaron importantes danos materiais e cuantiosas perdas económicas en propiedades privadas, comercios, colleitas e explotacións agrogandeiras, entre outros.
“É realmente digno de destacar o papel que o alcalde de Ribadeo xogou para resolver os problemas creados aos veciños e ao concello”, sinalou Guillerme Vázquez.
Así, demandou diversos elementos de actuación, “tanto a Administración autonómica como a Administración central teñen que poñer medios e axudas para corrixir problemas causados polas riadas destinada a moitos dos prexudicados”. “Os concellos teñen necesidade para resolver moitos dos problemas que hai, e son necesarias axudas extramunicipais porque, do contrario, non se poderán facer cargo dos problemas que existen”, explicou.
“Demandamos que as administracións se impliquen achegando medios económicos, non só materiais, na resolución dos danos causados, nas propiedades públicas e nas particulares”, afirmou. “Nós demandamos apoio aos concellos e, neste caso, ao Concello de Ribadeo, para que poida actuar consecuentemente na resolución dos problemas”, engadiu.
Plans de limpeza dos ríos e construción de infraestruturas
“O estado no que se atopan estes ríos tivo bastante que ver cos problemas causados”, dixo, cómpre que “os cauces dos ríos estean en boas condicións e elaborar plans de limpeza para que os leitos poidan dar curso ás augas”.
Sobre a construción de infraestruturas, sinalou que “moitas veces non teñen en conta a natureza en si mesma, onde se está procedendo nalgúns casos a variar os cursos naturais dos ríos ou regatos e logo acaban provocando problemas, neste concello e noutros moitos lugares”. “Dunha vez por todas as administracións que as executan e os técnicos responsábeis terán que ter en conta que a natureza ten as súas características”, engadiu.
“Presentamos xa iniciativas, tanto no Parlamento galego como no Congreso dos Deputados, instando aos respectivos gobernos a tomar medidas para paliar os problemas ocasionados en infraestruturas e en propiedades particulares”, explicou.
Demandas do BNG no Parlamento de Galiza
Pola súa parte, os deputados Carlos Aymerich e Fernando Blanco presentaron tamén unha proposición non de lei no pleno do Parlamento de Galiza, para instar ao Goberno da Xunta a reparar os danos de titularidade autonómica que foron afectados por estas inundacións.
Solicitan, ademais, abrir liñas de axuda extraordinarias tanto para os concellos afectados, a fin de que poidan facer fronte aos gastos derivados para dar resposta a esta situación de emerxencia, como para os particulares e negocios que sufriron danos nas súas propiedades ou actividades económicas como consecuencia das inundacións.
Instan tamén a facilitar unha partida extraordinaria a cargo do ente “Augas de Galiza” a fin de proceder á limpeza dos ríos da zona afectada así como a concertar obras de mellora da rede de saneamento cos concellos afectados.
Demandas do BNG no Congreso dos Deputados
O deputado Francisco Jorquera presentou unha proposición non de lei no Congreso dos Deputados, na que insta ao Goberno a proceder a reparar, coa máxima urxencia, as infraestruturas e bens de titularidade estatal que se viron afectados polo temporal.
Na iniciativa solicita tamén habilitar un fondo especial para os concellos afectados da comarca da Mariña, para que poidan facerlle fronte aos elevados custes polos destrozos provocados polo temporal. Ademais, insta a mellorar a rede de canalización das augas pluviais nas áreas lindeiras cos tramos da A-8 e a proceder, a través da Confederación Hidrográfica do Cantábrico, á limpeza e restauración do río Eo e dos seus afluentes.
A institución provincial colabora con ambas citas, organizadas pola Asociación Cultural Amigos da Liga Santaballesa, cunha achega económica de 4.000€. García Porto recalcou que “estes eventos son un exemplo de como a historia da emigración pode converterse nun atractivo turístico de calidade, capaz de atraer visitantes e de reforzar o orgullo de pertenza da veciñanza”.
O evento incluirá espicha, queimada, brujo con conjuro e sesión DJ. O prezo é de 50 euros por persoa, con reserva previa no 611 185 336 e prazas limitadas. A organización lembra que “el 12 de agosto cuando caiga la noche la celebración continúa en Los Olivos… la noche culminará con una queimada elaborada por el Brujo Gonzalo, seguida de una sesión DJ para poner el broche final a una jornada inolvidable”.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
