NOTA DE PRENSA:
Blanco esixe ao Goberno Galego diñeiro e medios e non xestos
O BNG solicita que se habiliten liñas de axuda para facer fronte aos danos do temporal.
O Bloque Nacionalista Galego esixiu a Xunta de Galiza que habilite unha liña de axudas dirixida a paliar os efectos que na Comarca da Mariña están a provocar as intensas choivas que afectaron á nosa zona na ao longo da xornada de onte e do dia de hoxe e que provocaron importantes danos tanto en infraestruturas públicas, como propiedades privadas, negocios particulares, plantacións e explotacións agro gandeiras.
O Parlamentario Nacionalista, Fernando Blanco ,que percorreu diferentes Concellos da Mariña acompañado de cargos orgánicos e institucionais do BNG, afirmou “que diante dunha situación de emerxencia como esta non é o momento de esixir responsabilidades senón de buscar solucións e nese sentido a administración autonómica debe asumir as súas competencias neste caso”. O nacionalista demandou “que a Xunta solicite dos Concellos unha valoración de danos nas infraestruturas públicas así como que se abra un período para que os negocios e explotación agro gandeiras afectados polas inundacións poidan achegar as perdas que se puideran producir”. Na mesma liña instou a unha resposta interdepartamental por parte da administración autonómica “que debe comprometer ao conxunto das Consellarías para facer fronte a situación creada”.
Blanco que fixo moito fincapé que a día de hoxe non se pode facer unha valoración con precisión sobre o afección do temporal de choiva dado que este continúa e tamén porque non existen dados dos danos que este puido provocar en moitas vivendas privadas, nomeadamente naquelas que son de segunda residencia e xa que logo nesta época permanecen desocupadas, denunciou que os problemas cada día maiores que xera a caída de choiva na comarca teñen a ver moito co intensivo proceso urbanizador que viviron determinados lugares da Mariña sen que isto se vise acompañado da dotación dos servizos urbanísticos. “É obvio que se altera a conformación natural do territorio e despois isto non se acompaña das infraestruturas de saneamento necesarias que os riscos diante dunha situación destas aumentan exponencialmente” sentenciou Veiga.
Os nacionalistas denunciaron que a situación da rede de saneamento é en termos xerais no conxunto da Comarca e que mesmo algo tal elemental como a separación das augas pluviais e fecais só esta implementada nalgunhas áreas dalgúns Concellos. “Isto que mesmamente é obrigatorio por lei é unha excepción”, afirmou Veiga que demandou “maior compromiso orzamentario da Xunta de Galiza para que os Concellos poidan completar a mellora das redes de saneamento”. A súa vez o BNG tampouco considera casual o forte impacto que as inundacións están a ter nas zonas próximas a Autovía tanto algo que esta moi ligado que durante as obras da mesma desapareceron os cursos normais dos caudais da auga sen que fosen substituídos por outros.
Neste sentido Antonio Veiga denunciou que a pesar dese suposto gabinete de crise con sede no Concello de Barreiros, Concellos tiveron que botar mao de medios propios sen que a administración autonómica cumprise co papel que ten encomendado por lei de coordinar situacións como esta. Na mesma liña criticou que as previsións metereolóxicas volvesen a fallar e que este temporal de choiva tivese que ser respondido sen quen se contasen con medios extraordinarios para facer fronte a unha situación que sen dúbida algunha é extraordinaria.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
