Nota de prensa:
O BNG valora positivamente o seguimento da Folga Xeral na Mariña así como nas manifestacións convocadas na comarca
Os paros afectaron aos principais centros de traballo que tamén tiveron incidencia en servizos públicos salientando os centros de ensino onde o estudantado secundou masivamente os paros
Os nacionalistas secundaron a manifestación da CIG que contou coa presenza de tódolos alcaldes nacionalistas da comarca
A Mariña, 30 de setembro de 2010. O BNG valorou positivamente o resultado da folga xeral do día de onte na comarca da Mariña onde cabe salientar a súa incidencia nos principais centros de traballo e nos servizos públicos, especialmente no ensino onde o paro foi secundado masivamente polo estudantado. Tamén consideraron altamente postiva a participación nas mobilizacións sociais convocadas na comarca, nomeadamente a convocada pola CIG en Foz que contaron coa presenza de tódolos alcaldes nacionalistas da comarca. Para os nacionalistas a xornada de onte debe dar inicio a cambios sociais que reclamen cambios no modelo económico que eviten facer pagar a factura dunha crise que non provocaron ás clases traballadoras e menos favorecidas, evitando a precarización laboral e o desmantelamento dun sistema de benestar no que tanto o PSOE como o PP coinciden e se complementan nas súas responsabilidades de goberno no Estado e na Xunta de Galiza.
Resultados positivos de seguimento nos principais centros de emprego da comarca e nos servizos públicos a pesar dos excesivos servizos mínimos fixados no Hospital das Costa e cun seguimento masivo nos centros de ensino polo paro do estudantado.
Para os nacionalistas mariñaos só compre unha valoración positiva da xornada de folga rexistrada onte na comarca, o seguimento foi moi importante nos principais centros de traballo da comarca, Alcoa, lonxas de Celeiro e Burela, Irmandiños e no sector servizos con paros que afectaron a grandes superficies comerciais e outros centros de emprego do sector servizos onde o traballo está mais precarizado. Hai que salientar tamén os paros xeneralizados no sector do pequeno comercio de diferentes localidades da comarca, como Burela, Foz, Ribadeo ou San Cibrao, conscientes de que a perda de poder adquisitivo da maioría social ten repercusións directas nas súas ventas.
Por outra banda, os servizos públicos, con especial incidencia no Ensino tiveron unha paralise casi total na comarca, onde o estudantado, especialmente o de ensino medio secundou masivamente a xornada de folga. O BNG tamén fixo mención aos excesivos servizos mínimos fixados na sanidade, que aínda así tiveron a participación na folga dunha importante porcentaxe de profesionais sanitarios.
Alta participación nas dúas manifestacións convocadas na comarca.
Os nacionalistas destacaron tamén a alta participación nas dúas mobilizacións sociais convocadas na comarca e destacaron a presenza de tódolos alcaldes nacionalistas e membros de corporacións locais na convocada na tarde de onte pola CIG en Foz, así como do Deputado Provincial e Responsábel de Cultura e Deportes da Deputación de Lugo, Antonio Veiga Outeiro.
PSOE e PP complementan as súas políticas no Estado e en Galiza desmontando un sistema de benestar letal para as capas menos podentes da sociedade.
Para o BNG a xornada de onte debe dar inicio a un cambio social que permita mudar as políticas neoliberais practicadas tanto polo goberno do Estado como polo Goberno Galego que se complementan na posta en práctica dun modelo que ademais de facer pagar os pratos rotos dunha crise que non provocaron nas clases traballadoras e menos acomodadas coa precarización do mercado laboral e os recortes nas prestacións sociais, executa no desmantelamento dos servizos públicos practicado polo goberno de Feijoo no campo sanitario, educativo e social.
A representación terá lugar este sábado día 18, ás 19:30 horas, no local social da Asociación de Veciños de Marzán, un dos destinos habituais nas xiras anuais da compañía. O Centiño mantén así a tradición de visitar este espazo, onde agarda compartir co público unha tarde divertida e chea de humor. A agrupación teatral continúa así coa difusión da súa nova obra, que segue a percorrer diferentes escenarios da comarca.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o vindeiro domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este mediodía o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
Durante a xornada Lionel compartirá a súa experiencia no mundo da escrita, dando a coñecer os seus procesos creativos e as temáticas que caracterizan os seus libros. O acto incluirá un coloquio participativo cos asistentes do club onde poderán preguntar e intercambiar opinións co autor sobre o libro lido “A raíña das velutinas”.
O sábado terá lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
As persoas interesadas poden anotarse ata o 24 de abril na Casa do Concello (Cervo) ou na Casa da Cultura (San Cibrao). A actividade está dirixida a persoas pensionistas empadroadas no municipio. Trátase dunha xornada pensada para compartir, celebrar e desfrutar en comunidade.
