Nota de Prensa
O BNG CONSIDERA QUE O PP NON APORTA SOLUCIÓNS AO CONFLICTO URBANÍSTICO QUE ELES MESMOS CREARON EN BARREIROS E QUE VEU PROVOCADO POLO DESCONTROL E O CAOS FOMENTADO POLO GOBERNO LOCAL POPULAR.
Barreiros, 8 se setembro de 2010. O BNG de Barreiros considera que o PP non aporta solucións ao conflicto urbanístico que eles mesmos crearon e que veu provocado polo descontrol e o caos que o goberno local popular fomentou.
Para a asamblea local do Bloque Nacionalista Galego “a grave situación urbanística do concello de Barreiros só tén un responsable: o seu alcalde e o goberno local do Partido Popular que fomentaron coa súa irresponsabilidade na xestión urbanistica a actual situación, complicada e de difícil solución, pois o que en marzo deste ano se nos anunciaba como panacea: o famoso convenio para a financiación e execución dos proxectos de urbanización, abastecemento e saneamento nos núcleos de San Cosme, San Pedro, San Miguel e Santiago de Reinante, parece ser que agora xa non é tal panacea”.
Os nacionalistas din que “ese convenio que asinaron Xunta e Deputación e que avalaron todos os grupos políticos agás o BNG, parece ser que agora se ve empañado por decisións xudiciais que arquivan provisionalmente algúns procesos xudiciais abertos. Ousexa, que aínda no hipotético caso de que a elaboración do Plan Sectorial recollido no convenio fose inminente, non se poderían reanudar os traballos nas urbanizacións cos procesos arquivados até dentro de dous anos. Polo tanto, o Plan Sectorial non soluciona os problemas como pretende facer crer Alfonso Fuente”.
Para os nacionalistas resulta “patética a nova postura do alcalde anunciando que en breve cargará contra o conselleiro se en dous meses non lle tén listo o Plan Sectorial, así como resulta patético tamén que agora lance veladas amenazas aos promotores esixíndolles a súa aportación económica ao Convenio, despois de terlles esixido, segundo recolle o convenio renunciar a calquera tipo de reclamación de responsabilidade patrimonial, tanto fronte a Xunta coma ao propio Concello”.
Desde o BNG engaden que “tendo en conta que o PP non puxo ningunha solución viable a curto ou medio prazo enriba da mesa consideramos que o anuncio por parte do alcalde do arquivo de oito contenciosos coma unha victoria na súa errada xestión urbanística, non é máis ca un brindis ao sol, e poderíaselle aplicar aquel dito de van de victoria en victoria até a derrota final”.
Durante a súa estancia na capital, tiveron a oportunidade de coñecer o Senado, onde foron recibidos, entre outros representantes, polo senador lucense José Manuel Balseiro, veciño de San Cibrao e pola deputada no Congreso, Cristina Abades, que traballou durante anos na Casa do Concello. Balseiro deulles a benvida á Cámara e acompañounos nun percorrido polas súas principais dependencias, explicándolles o funcionamento da institución e o labor que desenvolven os senadores. O parlamentario agradeceu á asociación Terra-Mar a organización desta iniciativa, que contribúe a achegar as institucións aos cidadáns e a fortalecer os vínculos entre a Mariña e a representación que exerce a provincia de Lugo no Senado.
Ademais, a medida responde a razóns de seguridade e operatividade, xa que a presenza de público nestas xornadas impide que os camións de recollida poidan acceder e circular con garantías por esta zona. Durante eses cinco días, os contedores permanecerán instalados nos seus emprazamentos habituais para que a veciñanza e os visitantes poidan depositar neles os residuos. Ademais, o servizo de limpeza reforzará as tarefas nos puntos vinculados á celebración do festival. O Concello solicita a colaboración da cidadanía para manter os espazos públicos nas mellores condicións posibles.
"Este éxito é froito do teu esforzo, dedicación e constancia, e é un orgullo para todo o noso concello. Desexámosche moitos máis éxitos deportivos e que sigas representando a Cervo e ao Club Deportivo San Ciprián con tanta ilusión e talento", salientan desde o consistorio.
A mostra reúne imaxes tomadas en Galicia, Cataluña, Aragón, Andalucía, Senegal e Escocia, ofrecendo un percorrido pola biodiversidade e polos vínculos entre distintos ecosistemas. O fotógrafo, naturalista especializado en ornitoloxía, invita a contemplar a natureza cunha mirada pausada e consciente a través de 50 especies de fauna. Permanecerá aberta ata o 29 de xullo.
Con este xesto simbólico, expresou a súa solidariedade co pobo venezolano, trasladando o seu apoio ás familias das persoas falecidas, feridas e afectadas por unha traxedia que continúa deixando un elevado número de vítimas e miles de damnificados.
O obxectivo é facilitar que os mozos e mozas que o desexen poidan facer uso destas instalacións. A medida permitirá empregar o campo para a práctica deportiva e para a organización de partidos informais durante o período estival. Desde o Concello de Viveiro sublíñase a importancia de ofrecer espazos deportivos accesibles durante as vacacións de verán e de favorecer hábitos de lecer activo entre a mocidade.
A alcaldesa, Dolores García Caramés, visitouna no seu domicilio para felicitala e entregarlle un ramo de flores en nome de toda a veciñanza. Nada en Sargadelos e veciña de Cervo, foi a máis nova de dez irmáns e desde moi nova traballou no campo e coidou dos animais, sempre cun gran espírito de esforzo. Nai, avoa e bisavoa, a súa familia destaca a súa alegría, enerxía e bo humor. Moi activa ao longo da súa vida, gozaba de viaxar, da praia, de conducir e de participar nas actividades municipais, ademais de cultivar a súa paixón por cantar. Coqueta, sorrinte e cun espírito novo, Benedicta é hoxe un exemplo de vitalidade para todo o municipio.
