ALERTA DA DIRECCIÓN XERAL DE INTERIOR E EMERXENCIAS DE GALICIA DUN EPISODIO DE FENÓMENOS METEOROLÓXICOS ADVERSOS PARA GALICIA
DATA DE ENVIO: 03/10/2010
NIVEL DE ALERTA: VERMELLO
TIPOLOXÍA: CHOIVA
• ESTE AVISO CONSIDÉRASE VÁLIDO ATA A MODIFICACIÓN NO NIVEL DE
ALERTA.
Ampliación da alerta laranxa emitida no día de onte (02/10/2010) por choiva
A Axencia Estatal de Metereoloxía (AEMET), informa no seu boletín emitido ás 11,48 hora
oficial do día 03/10/2010 dun episodio de meteoroloxía adversa por choiva (risco
importante), que será de ata 130 mm en 12 horas, nas zonas Noroeste, Miño e Sur de
Ourense, e Interior de Pontevedra.
Asimesmo amplíase ao nivel de alerta laranxa para as zonas da Montaña e Sur de Lugo, así
como no resto das zonas das provincias de Ourense e Pontevedra, non afectadas pola alerta
vermella. Na zona Centro da Provincia de Lugo a precipitación acumulada en 12 h será de 80
mm.
Esta situación está prevista entre as 11,00 e as 20,00 do día de hoxe.
Continúan sendo válidos os datos correspondentes á alerta laranxa emitida onte día
02/10/2010, respecto ao vento e a choiva, non recollidos nesta ampliación.
.
POLO QUE A DIRECCIÓN XERAL DE EMERXENCIAS E INTERIOR COMUNÍCALLES
EN PREVISIÓN DESTES FEITOS:
Adopten as medidas preventivas necesarias ante as citadas predicións
meteorolóxicas e no seu caso ALERTEN ou MOBILICEN ós medios e recursos
dispoñibles.
SE CHEGAN A DARSE AS PREDICIÓNS, PRODUCÍNDOSE SITUACIÓNS DE EMERXENCIA OU
URXENCIA DEBERÁ INFORMAR A ESTE CENTRO DE ATENCIÓN DE EMERXENCIAS 112 GALICIA.
• No caso de precisar información máis puntual ou detallada, chame ao CENTRO DE ATENCIÓN DE EMERXENCIAS
112 GALICIA, ou consulte a páxina web da AEMET: www.aemet.es., do CAE 112: www.112galicia.org e de
Meteogalicia: www.meteogalicia.es
REFERENCIA 1/1
ALERTA DA DIRECCIÓN XERAL DE EMERXENCIAS E INTERIOR DUN EPISODIO DE FENÓMENOS METEOROLÓXICOS ADVERSOS PARA GALICIA
DATA DE ENVIO: 02/10/2010
NIVEL DE ALERTA: LARANXA
TIPOLOXÍA: CHOIVA, VENTO
• ESTE AVISO CONSIDÉRASE VÁLIDO ATA A MODIFICACIÓN NO NIVEL DE ALERTA.
A Axencia Estatal de Meteoroloxía (AEMET), a través da Delegación Territorial en Galicia, informa no seu boletín
emitido ás 10:09 hora oficial do día 02/10/2010 dun episodio de meteoroloxía adversa por choiva e vento , para
Galicia, de nivel laranxa (risco importante):
Choiva: Espérase que a partir das 00:00 hora oficial do 03/10/2010 e ata as 16:00 hora oficial do 03/10/2010,
precipitación acumulada nunha hora de 30 mm, e precipitación acumulada en 12 horas de 90 mm, nas provincias da Coruña (Oeste e Suroeste) e Pontevedra.
Ventos: Espérase que a partir das 12:00 hora oficial do 03/10/2010 e ata as 22:00 hora oficial do 03/10/2010, rachas máximas de 100 km/h, na provincia da Coruña e Pontevedra.
Tamén espérase que a partir das 16:00 hora oficial do 03/10/2010 e ata as 22:00 hora oficial do 03/10/2010, rachas máximas de 100 km/h, na provincia de Lugo (A Mariña).
POLO QUE A DIRECCIÓN XERAL DE EMERXENCIAS E INTERIOR COMUNÍCALLES EN PREVISIÓN DESTES FEITOS:
Adopten as medidas preventivas necesarias ante as citadas predicións
meteorolóxicas e no seu caso ALERTEN ou MOBILICEN ós medios e recursos
dispoñibles
SE CHEGAN A DARSE AS PREDICIÓNS, PRODUCÍNDOSE SITUACIÓNS DE EMERXENCIA OU
URXENCIA DEBERÁ INFORMAR A ESTE CENTRO DE ATENCIÓN DE EMERXENCIAS 112 GALICIA.
• No caso de precisar información máis puntual ou detallada, chame ao CENTRO DE ATENCIÓN DE EMERXENCIAS
112 GALICIA, ou consulte a páxina web da AEMET: www.aemet.es., do CAE 112: www.112galicia.org e de
Meteogalicia: www.meteogalicia.es
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
Villares gabou o traballo realizado e subliñou que “a implicación do tecido social e dos veciños e veciñas é clave para transmitir as tradicións que forman parte da nosa identidade e reforzar os vínculos da comunidade”. Na xornada principal deste xoves destacou a ofrenda floral na honra dos mariñeiros falecidos. O venres e o sábado celebraranse o Festival Folklórico Internacional e o Festival Folklórico Infantil respectivamente, organizados polo Grupo Mistura.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
