O PP considera que o concello debe volver a conceder subvencións nominativas ás asociacións.
Os populares aseguran que o gasto diverso sen control político é abrumador.
O PP reuniuse coa Sociedade Cultural Ledicia.
O Partido Popular (PP) de Burela reuniuse onte venres coa Sociedade Cultural Ledicia co fin de intercambiar pareceres sobre a situación das asociacións culturais na localidade, coñecer os proxectos da asociación e tamén cales son as súas inquedanzas. A reunión, que fi considera cordial e positiva polos populares, enmárcase na serie de conversas que o PP mantén habitualmente cos colectivos bureleses.
Nesta reunión houbo unha coincidencia importante que afecta a todo o tecido asociativo: a crise económica incide directamente sobre a actividade das asociacións.
Por eso, o PP considera lamentable que se leven dous anos sen subvencións nominativas directas para as asociacións culturais, xa que esto imposibilita en boa medida facerlle fronte ó gasto corrente e de mantemento que teñen as asociacións. O PP considera que esa, e non outra, é a forma máis transparente de que o concello colabore economicamente cos colectivos de todo tipo.
Pola contra, nestes momentos, e logo de dous anos sen subvencións nominativas, a política de colaboración económica é absolutamente opaca, chegando, por exemplo, a pagárselle gastos de autobús a algún colectivo e a outros non. De feito, non se lle pagou un autobús a un equipo das categorías inferiores da S. D. Burela para poder ver á selección española de fútbol en A Coruña, viaxe que coincidía cun partido na comarca coruñesa da S. D. Burela.
Outra cuestión que preocupa ó PP é o disparatado incremento do gasto corrente sen ningún tipo de control político. Este tipo de gasto só serve para a autopropaganda do concelleiro ou concelleira de turno, e nada máis, non tén ningún tipo de reporte significativo para o conxunto da sociedade burelesa.
O PP continuará nos próximos días a súa rolda de conversas cos colectivos culturais e sociais bureleses.
Será o sábado 26 de setembro de 20:00–22:30 no Palacio Santa Emilia de Mondoñedo. Entrada: 34,90 €, inclúe viño seleccionado e aperitivo.
Ás 16 horas deste mércores, o 112 Galicia tivo constancia dunha saída de vía a través do sistema de aviso e-Call do vehículo accidentado. Ocorreu no quilómetro 6 da LU-861, á altura de Santaballa. O propio implicado explicou nese momento que precisaba axuda para saír do vehículo. Nada máis ter constancia, os xestores do 112 Galicia solicitaron a acción de Urxencias Sanitarias de Galicia-061, Garda Civil de Tráfico, Bombeiros de Vilalba e servizos de mantemento da estrada. Os bombeiros axudaron a retirar á persoa do vehículo, mais non foi necesario excarcerar.
O centro conta con espazos para forza, cardio, adestramento funcional e alta intensidade, ademais de propostas acuáticas, ciclo indoor, pilates e programas Les Mills. Dispón tamén dunha área de relax con baño de vapor, duchas especiais e hidromasaxe. O director, Javier Canel, destaca que o obxectivo é ofrecer alternativas para que cada persoa atope o tipo de exercicio que mellor se adapte ás súas necesidades. En setembro, o centro ofrece unha proba gratuíta de tres días e matrícula de balde para novas inscricións.
A partir das 12:00 horas poranse á venda 10.000 abonos ao prezo mínimo garantido, dispoñibles exclusivamente na web oficial do festival. Os prezos serán de 195 € para o abono normal e 295 € para o Pandemonium, con opción de incluír camiseta. A organización recomenda acceder puntualmente á cola virtual e lembra que as entradas deben adquirirse só por canles oficiais para evitar falsificacións. O Resurrection Fest volverá reunir miles de asistentes en Viveiro nunha das grandes citas musicais do verán.
O programa inclúe unha actuación vermú de A Requinta de Lampai ás 14:00, un obradoiro de baile tradicional ás 17:30, os cantos de taberna polos bares a partir das 20:00, pinchos para os grupos participantes ás 22:30 e unha foliada aberta ás 23:30. Os grupos interesados poden inscribirse no 605582624.
A xornada incluirá feira de artesanía desde as 11:30, inauguración ás 12:30 e xantar popular ás 14:45, con tickets dispoñibles ata o 9 de setembro. Haberá showcookings, degustacións, pasarrúas, xogos tradicionais, concentración de Vespas e demostracións de oficios. A organización espera repetir o éxito da última edición, na que se serviron uns 800 pratos.
O delegado territorial da Xunta en Lugo participou este martes nos actos programados con motivo da festividade da Patroa de Ribadeo, Santa María do Campo.
