Nota de prensa
O BNG DE FOZ CRITICA A POLEMICA ENTRE PP E PSOE SOBRE O DRAGADO DA RÍA DE ELECTORALISMO
“Esta polémicas so prexudican a imaxe de Foz e os seus intereses” afirma Basanta
Foz a 23 de decembro de 2010.- O BNG de Foz cualifica a polémica suscitada entre o PP e o PSOE locais á raíz do dragado da Ría de puro electoralismo e de irresponsabilidade posto que antepoñen unha loita partidaria aos intereses do pobo.
Tanto o PP como o PSOE están utilizando unha obra tan necesaria para o porto de Foz para lanzarse continuas acusacións e para querer aparecer como os defensores do pobo, cando todas estes enfrontamentos o que fan é dar unha imaxe penosa dos dous partidos, máis preocupados en quedar ben que en unir esforzos para que a obra de dragado se realice canto antes. Porque non hai que esquecer que esta obra foi unha promesa repetida ata a saciedade tanto polo PP como polo PSOE.
Neste sentido, pedímoslle ao alcalde de Foz que se preocupe de que o dragado da Ría se faga que en buscar motivos para que non se faga. Porque entre outras cousas, tanto se a area é transportada en camións como se se deposita en altamar, as condicións do seu transporte deberán cumprir con todas as garantías. É se é o caso que o transporte en camións ocasiona algún deterioro nas vías públicas, tamén existe normativa para esixir a súa reparación ou unha compensación económica polo danos producidos. De todas formas chama a atención que ao alcalde lle preocupe isto agora cando en Foz durante moito tempo sufrimos o continuo tránsito de camións por motivo das obras de construcción (incluso en pleno verán) sen que o alcalde movera un dedo para que se cumprisen as ordenanzas en canto a limpeza e reparación das vías públicas, como tampouco o alcalde nunca lles reclamou nada ás empresas forestais que coa maquinaria e os camións causan todo tipo de estragos nas pistas forestais e nas estradas das parroquias. A maiores, só basta contemplar o mal estado actual das vías urbanas e de parroquias para comprobar o pouco que lle preocupa ao alcalde o seu estado. “Agora entroulle ao alcalde o súbito arroubo da defensa do público cando as vías públicas do Concello están no estado que están e cando nunca o alcalde esixiu reparacións nin responsabilidades a quen as deteriora.”, ironizou Basanta.
Desde o BNG, pedímoslle tanto ao PP como ao PSOE un pouco de cordura neste tema, porque ao final o que importa é o dragado da Ría, faga quen o faga, e non a disputa partidaria de dous candidatos que por outra parte xa teñen demostrado o seu pouco peso político dentro dos seus partidos e que non van a decidir nada.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
