A Biblioteca Pública de Foz ven a organizar, dende hai algúns anos, co gallo de celebrarse o San Valentín, ou Día dos Namorados (14 de febreiro), un concurso de poemas co fin, supoñemos, de estimular a creatividade poética; e ningún tema mellor que o do amor (“el amor fue el inventor de los poemas”, dixo Lope de Vega), para que afloren as posibles aptitudes persoais para a lírica.
A definición mais axeitada da poesía acaso sexa aquela que se corresponde coa “arte de expresar a beleza e o sentimento estético por medio da palabra, en verso ou en prosa”, aínda que Bécquer expresouna de xeito mais romántico: “¿Qué es poesía, dices /mientras clavas en mi pupila tu pupila azul? / ¿Qué es `poesía? ¿Y tú me lo preguntas? / Poesía eres tú!”.
Antigamente a poesía foi escrita para ser cantada; e unha característica da mesma é o ritmo e a musicalidade: por iso, ámbalas dúas – música e poesía –marchan tan unidas que a segunda represéntase por unha lira, que é instrumento musical. Para lograr esta cadencia nas composicións escríbese respectando a métrica, a rima e o ritmo, de aí que se coide especialmente a selección das palabras, o son e a medida; unha arte que ven cultivándose dende os afastados tempos do Mester de Clerecía.
O concurso de poemas que promove a Biblioteca Pública ten un sinalado éxito e nel participan xentes de toda a provincia, de ámbolos sexos e mesmo dun amplo abano de idades.
Como curiosidade sinalemos que, no seu conxunto, a participación feminina ven sendo moi superior á masculina, como adoita suceder en toda actividade de tipo intelectual, social ou artística. É significativo, sen embargo, que a diferencia de sexos en participantes de idades superiores aos cincuenta anos é moi inferior á que se produce entre as xentes en idades mozas: as femias superan, con moito, a participación do sexo contrario. Descoñecemos as razóns desta abstención masculina entre a mocidade, e preguntamos ¿será que na sociedade actual, tan convulsa, en boa medida depredadora dos valores tradicionais, o amor está deixando de ser cousa de homes? Meigas fóra!
Suso Fernández
O grupo teatral O Centiño de San Martiño (Foz) actuou este sábado en Marzán, convidado pola asociación veciñal Torques de Marzán. O local quedou pequeno ante a resposta do público: 73 persoas, un récord de asistencia para unha obra de teatro na parroquia. A comedia provocou constantes risas e un ambiente moi participativo. A iniciativa volve demostrar o valor de levar actividade cultural e teatro afeccionado ás parroquias e barrios, achegando propostas escénicas a lugares afastados dos grandes circuítos. O Centiño continuará a xira de “O Autobús” nas vindeiras semanas: Sábado 25 de abril: Vilaronte (Foz). Sábado 2 de maio: Casa da Cultura de Trabada
A xornada contou con degustación gratuíta de viños elaborados por adegas da contorna, unha cata comentada e un mercado de produtos gastronómicos locais, permitindo aos asistentes coñecer de primeira man a riqueza do produto de proximidade. O pregón desta edición correu a cargo de Alejandro Gándara, quen presentou o seu proxecto audiovisual 360 curvas, unha obra que reflexiona sobre a distancia entre A Fonsagrada e Lugo e sobre o conflito social e político asociado á perda da súa condición de cabeceira de comarca, no marco da loita contra a despoboación.
Dezaoito locais hostaleiros de Ribadeo, Rinlo e Vilaframil ofrecerán diversas preparacións ata o domingo: en escabeche, en salpicón, en empanada, ao allo, á prancha, en albóndega, etc… Todas as propostas poden consultarse nas redes sociais de Acisa Ribadeo, que agradece “unha vez máis o apoio da OPP do Porto de Burela, que nos doou 90 quilos de cabala para estas xornadas, produto que entregamos de xeito gratuíto aos locais participantes. Achegámoslles así unha parte do peixe que empregarán nesta nova cita gastronómica na que tamén colabora o Concello de Ribadeo”. Ata o porto, ao restaurante Marinero, se achegaron este venres o director territorial da Consellería de Mar, Alexandre Piñeiro, as concelleiras ribadenses Montse Seijo, Elena Sierra e Begoña Sanjurjo, a presidenta de Acisa, Carmen Cruzado, o xerente do colectivo empresarial, Jesús Pérez, e o técnico de Acisa, Jorge Fernández, que puideron degustar as elaboracións realizadas por este establecemento hostaleiro.
O sábado tivo lugar no Casino o III Showcooking, con cociña en directo e maridaxe de viños. O público poderá votar os seus pinchos favoritos e participar no sorteo dunha noite no hotel Marqués de Riscal. A entrega de premios será o luns 20 ás 19:00 h. O Concello e Destino Navia animan a veciños e visitantes a gozar desta cita gastronómica.
Haberá degustación diaria de ostras na carpa do porto. Concertos, showcookings, visitas guiadas e actividades mariñeiras. Lancha pola ría, exposición de maquetas e concurso fotográfico #somoslasostra2026, ademais propostas especiais en Acueo, La Casilla e Restaurante Peñalba.
A etapa, cun percorrido duns 150 quilómetros, partiu arredor das 11:30 horas e rematou en Barreiros, atravesando concellos como Xermade, Muras, Viveiro ou Foz. A proba reúne a equipos do ciclismo profesional internacional e sitúa a provincia de Lugo como escenario dunha das citas deportivas máis destacadas do calendario. O Goberno colabora no desenvolvemento da carreira a través das Forzas e Corpos de Seguridade do Estado, que velan polo correcto desenvolvemento da proba e pola seguridade de participantes e afeccionados.
A cita contará con charlas, obradoiros, concurso de fotografía e unha ampla zona expositiva. A feira será de acceso gratuíto e está pensada para gozar en familia.
