Nota de prensa
Este sábado, 12 de febreiro presentouse na Casa da Cultura Poeta Manuel María o Entroido de Foz 2011. Para este acto estiveron presentes, o alcalde, José María García Rivera, a nova concelleira, Elsa Otero, a que será coroada raíña do entroido 2011, Sara Alonso, e unha das súas damas, Irene Fernández.
O Alcalde comezou destacando que esta é a XXX edición do Entroido con desfiles, e recordou á primeira comisión, cando media hora antes de comezar o desfile non había ninguén e á hora de saír xuntouse gran cantidade de persoas para algarabía de todos/as.
O pistoletazo de saída do entroido darase o vindeiro sábado, 19 de febreiro, na cea de coroación da raíña, na que a raíña e damas do entroido 2010 cederán o seu trono a Sara Alonso, Irene Fernández e Andrea Fernández. Esta cea, que se celebrará no restaurante Leyton, estará amenizada polo Trío Sesión. Durante a mesma entregarase a revista do Entroido onde comparsas, grupos, … e outras persoas relatan historias sobre o entroido, e onde diferentes empresas colaboran para facer que o entroido de Foz siga no máis alto.
A partir deste mesmo día, 19 de febreiro, e ata o 11 de marzo, a comparsa Sin Xeito ensinará diferentes traxes e complementos nunha exposición que se poderá visitar no Cenima.
O venres, 4 de marzo a partir das 20:45h. na Sala Bahía terá lugar o pregón do entroido e a partir das 21h. no mesmo escenario o humor fará acto de presenza a través do Concurso de Coplas, cada ano con máis participación. Haberá premios nas categorías de individuais-parellas e grupos.
O día grande do entroido, o sábado 5 de marzo, comezará co fogonazo. Durante todo o día a charanga Os Galácticos inundará de espírito de entroido as rúas da vila.
Ás 17h. a raíña e as súas damas encabezarán o Gran Desfile de Entroido, cargado de novas comparsas, grupos,… Sairán do peirao e chegarán ao Campo da Cabana, onde unha chocolatada os/as estará agardando para repoñer forzas e axudarlles a combater o frío.
A partir das 23h. na Sala Bahía o Trío Sesión e Dominó amenizarán o Gran Baile, onde a partir da 1 da madrugada se entregarán os premios do desfile.
O domingo, 6 de marzo, dedica a súa tarde aos/ás máis pequenos, co Baile Infantil, a partir das 17h. na Sala Bahía, amenizado por Diamantes-Chechu e Salva e coa actuación especial de Viravolta Títeres representando O cego dos monifates. A partir das 19:30h. entregaranse os premios infantís do desfile.
Cambiando de escenario, e achegándonos ao bar Ambigú do Centro Social, a partir das 21:30h. a ironía e o sarcasmo chegará da man da Asociación Pomba do Arco, co TOUPORROUTOU.
O luns, 7 de marzo, a partir das 22h. na Sala Bahía celebraremos o tradicional Baile de Entroido, amenizado polos Satélites e Diamantes-Chechu e Salva. Como sempre, realizarase o baile do farolillo, para saber que parella aguanta máis tempo bailando sen que se apague.
O martes, 8 de marzo, os nenos e nenas teñen Baile Infantil, organizado pola Asociación de Amas de Casa Virxe do Carme de Foz. Será a partir das 17h. na Sala Bahía e Diamantes-Chechu e Salva, serán os encargados de poñer a música.
Para finalizar o entroido, celebraremos o venres, 11 de marzo, a Queima do Entroido, saíndo a comitiva ás 23h. do Campo da Cabana para chegar á Sala Bahía, onde a orquestra Ismael amenizará un Gran Baile, que terá entrada gratuíta, co obxectivo de facilitar a todas as persoas o fin de festa, despois dos gastos destas festas.
O Alcalde quixo para finalizar agradecer á Asociación de Amas de Casa Virxe do Carme de Foz, á Asociación Pomba do Arco, á Asociación de Comerciantes (ACIA), Primera Calidad e ás Sin Xeito a súa colaboración, así como á costureira Marisa, á perruquería Isabel López, á maquilladora Zaira, ao deseñador Ramón Otero, as Floristerías La Gardenia e Fabeiro, Xoiería Iria Rodríguez e Almacenes Pura.
A cita, consolidada como un referente do verán cultural no municipio, reuniu na Praza dos Campos á formación anfitriona do encontro, a Agrupación La Sidrina, de Lugones (Asturias) e o Grupo Folklórico Estampas de México. A programación continúa o sábado, a partir das 19.00 horas, coa celebración do Festival Folklórico Infantil. Villares puxo en valor o labor que o grupo Mistura desenvolve durante todo o ano na conservación e difusión do patrimonio cultural galego, así como a importancia de iniciativas coma este festival “para manter vivas as tradicións e dinamizar a vida social e cultural dos nosos concellos”.
A organización, a cargo da Asociación R.C.M. Amigos de Monte Castelo, abrirá a venda de parcelas os días 21 e 22, en horario de 18:30 a 20:30, primeiro para confirmar as reservas do ano anterior e despois para repartir as libres. O venres terá lugar a misa na igrexa de Vila do Medio ás 20:00 e, xa pola noite, a actuación do grupo Pekados e o DJ Balbi. O sábado comezará coa sesión vermú a cargo de SP The Sound Project, seguida do concurso de disfraces, xogos infantís, tardeo con DJ Pepu, bingo musical con Marisa Prisa e unha verbena con Pantera Rosa e Gin Toni’s. O domingo celebrarase a misa e procesión en honra á Nosa Señora das Marabillas ás 13:00, e a sesión vermú correrá a cargo do dúo Épok. A romaría conta coa colaboración do Concello de Burela, ABSA e Ledicia, ademais de numerosos establecementos locais.
As familias, o equipo docente, e o alumnado da Escola Infantil Municipal desfrutaron esta semana dunha xornada de convivencia e aprendizaxe neste parque. Ao longo do día, ademais de visitar a reserva e coñecer de preto numerosas especies animais, compartiron un agradable picnic nas instalacións do parque e tiveron acceso tanto á zona exclusiva da reserva como ao resto do recinto. A xornada rematou cunha actividade moi especial: un pequeno teatro participativo sobre a prevención dos incendios forestais, no que os nenos e nenas aprenderon a importancia de coidar os nosos montes e de evitar condutas que poidan provocar lumes, como abandonar obxectos de vidro na natureza. Un día cheo de experiencias, convivencia e aprendizaxes que reforzan o compromiso coa educación ambiental desde as primeiras idades.
A eucaristía, un dos actos centrais das festas patronais de Foz, continuou coa tradicional procesión e coa ofrenda floral en memoria das persoas falecidas no mar. A mandataria provincial formou parte da comitiva xunto a numerosos veciños e veciñas, visitantes, membros da corporación municipal e a pregoeira desta edición, María Nelle Castro Neira, focense moi vinculada ás festas desde a infancia.
Trátase dunha mostra de 28 fotografías de gran formato do naturalista Ezequiel Martínez que reivindica a diversidade e a conservación da fauna salvaxe. A iniciativa, organizada polo Concello da Pastoriza en colaboración con ABANCA e Afundación dentro do proxecto Corrente cultural, poderá visitarse de balde ata o 26 de agosto. As imaxes, acompañadas de textos divulgativos elaborados por especialistas de Naturnova, amosan especies emblemáticas como o oso pardo, a cegoña, o cervo ou a aguia imperial, convidando a reflexionar sobre a importancia de protexer o patrimonio natural.
O Concello de Ribadeo atende así a petición realizada pola Asociación Provincial de Empresarios de Hostelería e Turismo de Lugo, que solicitou permisividade neste sentido aos 67 Concellos da provincia de Lugo. Ademais o Concello autorizou a instalación dunha pantalla na praza de Porcillán. A petición foi realizada pola Asociación Cultural Festas do Carme.
Nesta ocasión contará, ademais de cos anfitrións A Subela, como grupo convidado ao Grupo Folclórico e Etnográfico do Cimeiro, procedente de Soure, en Portugal, que participa dentro dun intercambio cultural. A organización destaca que será unha edición especialmente significativa e anima ao público a non perdela. Terá lugar o 18 de xullo, ás 21:00 horas, na Praza Conde de Fontao, de Foz.
