A Deputación executou 1.800 obras nos Concellos coas últimas convocatorias do Plan de Comunidades Veciñais
– Martíñez salientou que a institución investiu 9 millóns de euros nestas actuacións que foron realizadas nos 67 Concellos da provincia, “sen facer distincións por cores políticas”
– Os 295 colectivos beneficiados das axudas de 2011 teñen de prazo ata o 30 de setembro para entregar a documentación requirida e xustificar as actuacións levadas a cabo
– A Xunta de Goberno aproba o último trámite para aforrar 73.000 euros a Mondoñedo asumindo obras municipais que comezarán “de xeito inmediato”, e concede máis de 42.500 euros a Viveiro para novas actuacións
O voceiro provincial socialista, Manuel Martínez, fixo balance este venres das obras levadas a cabo pola Deputación coas últimas convocatorias do Plan de Comunidades Veciñais. Martínez salientou que, nos últimos 4 anos, a institución provincial adicou 9 millóns de euros na execución de 1.800 obras nos 67 Concellos lucenses, é dicir, “non se fixeron distincións por cores políticas, feito que nos diferencia da anterior corporación provincial”.
O tamén Deputado de Xestión Territorial avanzou que o 100% das subvencións concedidas en 2008 e 2009 están aboadas, ó igual co 90% das do ano anterior, á espera de recibir a documentación requirida dos colectivos beneficiados que pediron prórroga para culminalas. Ó respecto das 295 axudas de 2011 dotadas de 2,3 millóns de euros que tamén están a ser aboadas, Martínez destacou que segue aberto o prazo de xustificación polo que as asociacións (outras 295) poden remitir á institución a documentación que recolle as bases ata o 30 de setembro.
O esforzo inversor que realiza o organismo provincial co Plan de Comunidades Veciñais materializase en pequenas obras municipais tales como abastecementos de auga potable, saneamentos e pavimentacións, rede de sumidoiros, alumeados públicos ou acondicionamentos de camiño rurais, que os Concellos non poden asumir debido á crise. Estas subvencións, que non supera nos 12.000 euros, representan o 75% do total, de xeito que o 25% restante é aportado polos colectivos veciñais.
Precisamente, a Xunta de Goberno deste venres aprobou a conta xustificativa da obra “renovación e redimensionado da rede de abastecemento no núcleo de Zoñán”, na parroquia dos Remedios, en Mondoñedo. Trátase dunha actuación dotada de 16.000 euros, dos que 12.000 euros foron concedidos pola institución. Tamén se acordou revogar unha subvención para mellorar un camiño rural en Carreteira, en Vilalba, logo de transcorrer 2 anos e non ser xustificada. A maiores, aprobouse a renuncia da axuda para o acondicionamento dun local social presentada polo colectivo beneficiado “por non poder xustificar a súa realización”.
Obras na Mariña
O voceiro provincial socialista adiantou que de xeito inmediato, a comezos da semana que vén, a institución comezará a executar novas actuacións no Concello de Mondoñedo. Trátanse de obras de mellora nos accesos ás localidades de San María Maior a Curros, Coto-Seivane-Cemiterio, Prados e Campos, Sopena, Escola e Carmen, Fernando Castro-Vilalba-Seminario-Buenos Aires e Argomoso. Para elo, a Xunta de Goberno resolveu o último trámite pendente: a aprobación dos plans de seguridade e saúde.
Martínez subliñou que o Concello mindoniense solicitou axuda á Deputación para levar a cabo estas actuacións de carácter municipal, ó que a institución respostou asumindo os 72.823 euros para a súa execución, aforrando este custe ás arcas locais e beneficiando ós centos de veciños que demandaban estas obras ó seren usuarios habituais de ditos accesos.
Tamén para a Mariña, neste caso para o Concello de Viveiro, a Xunta de Goberno aprobou a concesión de 42.527 euros que se adicarán á pavimentación, rede eléctrica e pluviais en Covas. Este orzamento procede dos remanentes do convenio de 1 millón de euros, enmarcado no Plan Extraordinario de Obra Pública, coa que a Deputación executou 21 obras municipais no municipio viveirense. “Agora, froito das boas xestión realizadas, facemos posible a realización doutra nova actuación en beneficio dos nosos veciños”.
A clientela aproveita esta cita para facerse con artigos de tempada a prezos moi interesantes. É a segunda vez neste mes de agosto que se celebra o Comercio na Rúa en Ribadeo. Para a organización desta campaña Acisa conta coa colaboración do Concello de Ribadeo, Comercio Galego e Xunta de Galicia.
Con motivo desta data tan especial, o alcalde Demetrio Salgueiro, xunto ás concelleiras Tamara Soto e Mª Dolores Meitín, visitouna para felicitala persoalmente e compartir con ela unha celebración tan emotiva. O Concello destacou a alegría e o orgullo que supón chegar ao século de vida e trasladoulle os seus parabéns, desexándolle saúde, felicidade e moitos máis anos rodeada dos seus seres queridos.
Dende as 10 da mañá máis de 170 vehículos ocuparán o aparcamento de Coto ata as 13:30, cando partirán en caravana cara Arealonga. Alí permanecerán ata as 17:00, momento no que iniciarán a ruta pola estrada das praias, regresando ás 18:30 para a entrega de premios e a clausura, prevista para as 20:30. A cita reunirá máis de 300 participantes, con presenza de persoas chegadas de Pamplona, Bilbao e doutros puntos do Estado. O evento, organizado por retroclasicos_barreiros e co apoio do Concello, continúa a atraer amantes dos vehículos clásicos e a dar visibilidade á beleza de Barreiros.
No acto intervirán o autor e Xoan Ramón Fernández Pacios, cronista oficial de Foz. A actividade está organizada pola Federación de Librarías de Galicia en colaboración co Concello de Foz.
Villares visitou a exposición fotográfica dedicada a Calvo-Sotelo, instalada na praza de Pancho Maseda, que forma parte do programa conmemorativo do centenario. A mostra reúne unha selección de imaxes seleccionadas pola propia familia do expresidente para achegar á cidadanía diferentes momentos da súa traxectoria persoal e política. A conmemoración, que se estende ao longo de todo 2026, busca poñer en valor a figura de Calvo-Sotelo e a súa relación con Ribadeo, onde deixou unha importante pegada vinculada, entre outras cuestións, ao impulso de infraestruturas.
Durante case dúas horas desenvolveuse unha conversa aberta arredor do mundo do espírito e do contido da obra, nun encontro ao que asistiu un grupo numeroso de persoas dispostas non só a escoitar, senón tamén a dialogar e compartir reflexións. Tras a intervención inicial de Pepe Peinó como responsable do proxecto, tomou a palabra o escritor Lionel Rexes, quen achegou novas perspectivas antes de abrir o debate ao público. As opinións, argumentos e matices sobre relixión, espiritualidade, Deus e os valores que sustentan a convivencia foron enchendo o espazo nun ambiente participativo e respectuoso, no que as diferenzas quedaron en segundo plano fronte á forza do diálogo, a solidariedade e o afecto.
O alcalde, Dani Vega, fixo un balance moi positivo: “foi un concerto moi especial nun marco espectacular, como é a igrexa parroquial de Ribadeo, e no que o gaiteiro Carlos Núñez encandilou aos asistentes co seu repertorio. Todos os asistentes disfrutámolo moito”. Xunto a Carlos Núñez estiveron o rexedor e as concelleiras de Cultura, Turismo e Seguridade, Begoña Sanjurjo, Marta Saiz e Montse Seijo.
