VISTA ALEGRE RECIBE O BARCELONA, COAS AUSENCIAS DE IQUE E PURAO
Vista Alegre recibe mañá o FC Barcelona B Alusport na tentativa laranxa de regresar aos postos de privilexio da fase de ascenso, coas ausencias de Ique, que cumprirá un partido de sanción tras a expulsión ante o Sala 5 Martorell, e Purao, cunha rotura de menisco que o obrigará a manter repouso durante uns días por prescrición médica. A vixésimo oitava xornada de Segunda dará comezo en Burela ás 21.00 horas.
O Burela FS Pescados Rubén intentará amortecer a mala fortuna finalizadora que o sábado pasado lle impediu facerse coa vitoria fronte ao Martorell (1-1) ante o conxunto catalán, que chegará á bisbarra mariñá nunha boísima cuarta praza (42 puntos), aínda que sen opción a disputar o play off pola súa condición de filial.
A falta de tres xornadas para o remate ligueiro e 35 puntos no seu poder, o cadro laranxa depende de si mesmo para coarse entre os mellores. Fronte ao Barcelona, o Burela FS verase obrigado a despregar o potencial e coraxe da bomboneira para volver canto antes á zona nobre, nunha fenda case imperceptible de 1 só punto. UMA Antequera, que visita o líder granadino, e UA Ceutí, que viaxa a Hospitalet, son o obxectivo máis inmediato, defendendo a novena e décima praza, con 36 puntos.
Julio Delgado poderá contar de novo cos xuvenís Antón e Keko, presentes xa ante o Sala 5, ademais de Carlos e Souca.
Primeira División Feminina. A vixésimo sexta xornada de Primeira, entre o Burela FS Pescados Rubén e o Lacturale Orvina, disputarase o martes 1 de maio. Vista Alegre acollerá a cita ás 12.00 horas.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
Trátase de dous MG ZS Hybrid+ Comfort, equipados coa tecnoloxía híbrida autorrecargable Hybrid+, que permite combinar eficiencia e un menor consumo no uso habitual. Segundo os datos do fabricante para este modelo, presenta unhas emisións de entre 113 e 115 g/km de CO₂ e un consumo de combustible de entre 5 e 5,1 litros aos 100 quilómetros, segundo o ciclo WLTP. A adquisición supuxo un investimento de 51.848,50 euros, IVE incluído, financiado a través do Fondo de Compensación Ambiental correspondente ao ano 2026.
