O goberno de Cervo lémbralle ao asesor do BNG na Deputación que o decreto de Servizos Sociais é unha herdanza do bipartito
Cervo, 1 de maio de 2012-O goberno local de Cervo manifestou que as críticas do asesor do BNG na Deputación, Xosé Antón Estúa son “unha burla á intelixencia”, en palabras da edil de Servizos Sociais, Tania González. A concelleira asegurou que “resulta incrible que o asesor do BNG na Deputación critique o decreto de Servizos Sociais comunitarios” cando dito decreto “desenvolve unha lei aprobada na época do goberno bipartito na Xunta”, o cal para a edil só pode significar “ou ben que o señor Estúa só ten memoria para o que lle interesa, ou que el é o rei da hipocrisía”.
Ademais Gozález lembroulle ao asesor do BNG na Deputación a parte de responsabilidade que lles corresponde aos nacionalistas “pola situación económica que vive o Estado”. A edil de Servizos Sociais recomendoulle a Estúa que “faga memoria e lembre todos os anos nos que o BNG apoiou os orzamentos de Zapatero, unhas contas que nos levaron a unha conxuntura nefasta e da que só se pode saír con reformas”. A edil lamentou que “sempre fala o que máis ten que calar”.
Tania González tamén cualificou de “contraditoria” a postura do asesor nacionalista sobre o papel das deputacións. “Semella que o señor Estúa non entendeu que á Deputación compételle apoiar economicamente a prestación dos servizos sociais de Galicia, tal e como establece o decreto 99/2012, decreto para o que os nacionalistas asentaron as bases durante o bipartito” asegura González. “Sempre están cuestionando a utilidade das deputacións”, engade a edil, “pero agora é o momento de que cumpran co seu deber e fagan o investimento que lles corresponde” engade a concelleira, “e agardamos que na súa colaboración e achega aos servizos sociais poñan o mesmo empeño e afán que lle dedican ao programa Km0, que nos últimos anos se converteu na bandeira da Deputación” remata a edil.
Foz será o protagonista do programa Voces de Lugo, de RadioVoz, que se emitirá en directo de 12 a 14 horas desde a cafetería Marexada para toda a provincia. Félix Jorquera charlará co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fará un balance do verán, analizará os proxectos para os vindeiros meses e tamén o momento polo que atravesa o deporte local.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
