Ribadeo, 24 de setembro de 2026. A Biblioteca Pública Municipal El Viejo Pancho de Ribadeo foi distinguida co Premio María Moliner de Animación á Lectura 2026 polo proxecto A biblioteca en acción: ler, crear e compartir, un programa que aposta por unha biblioteca activa, aberta e participativa, entendida como un espazo de encontro, acceso á cultura e promoción da lectura.
O proxecto desenvolveuse de forma continuada, a través dun conxunto de actividades dirixidas a diferentes idades e colectivos. Entre as propostas desenvolvidas incluíronse clubs de lectura, actividades de animación á lectura para público infantil e xuvenil, obradoiros, presentacións de libros, encontros con autores e autoras e outras actividades culturais, buscando fomentar a participación e achegar a biblioteca á cidadanía.
Neste sentido, o proxecto procurou tamén reforzar a relación da biblioteca cos centros educativos, entidades culturais e sociais e outros axentes da comunidade, ampliando os públicos e creando novas oportunidades de participación.
A concelleira de Cultura, Begoña Sanjurjo, salientou que “A biblioteca en acción: ler, crear e compartir representa unha forma de entender a biblioteca como un espazo vivo, no que ler, crear, compartir e participar” e destacou “a importancia de desenvolver actividades ao longo de todo o ano e non unicamente de maneira puntual”.
Para a edil de Cultura “o premio recoñece o traballo continuado da Biblioteca Municipal e a súa capacidade para achegar a cultura á sociedade”. Sanjurjo engadiu que “recibir este recoñecemento do Ministerio por terceiro ano consecutivo amosa que imos polo bo camiño e incentívanos a seguir adiante”.
A dotación económica do premio, 2.777,77 euros, será destinada á adquisición de novos fondos bibliográficos, permitindo ampliar e actualizar a colección da Biblioteca Municipal El Viejo Pancho e poñendo novos recursos á disposición da cidadanía.
Desde a Biblioteca e o Concello de Ribadeo queren agradecer a colaboración de todos os sectores que fan posible este tipo de programación: centros educativos, entidades culturais e sociais, autores e autoras, participantes nos clubs de lectura e, especialmente, de todas as persoas usuarias da biblioteca que participan nas actividades e contribúen a manter vivo este espazo.
Foz será o protagonista do programa Voces de Lugo, de RadioVoz, que se emitirá en directo de 12 a 14 horas desde a cafetería Marexada para toda a provincia. Félix Jorquera charlará co alcalde, Fran Cajoto; coa concelleira de Cultura e Facenda, Inés López; con Pura García, que é directiva de Acia Foz-CCA; con Carmen Alonso, presidenta do Celtas de Foz; e coa dona da cafetería Marexada, Palmira Andrade. Con eles fará un balance do verán, analizará os proxectos para os vindeiros meses e tamén o momento polo que atravesa o deporte local.
Trátase dunha viaxe para dúas persoas con estancia de catro noites nun hotel de catro estrelas en réxime de todo incluído, voos e equipaxe. O sorteo tivo lugar o pasado mes de xuño.
A cita previa pode solicitarse a través do teléfono 981.928.080 ou da web 
En concreto, o sinistro ocorreu na N-634, en Vilaframil. Neste caso, un dos vehículos implicados envorcou e o único ocupante quedou atrapado, polo que necesitou axuda dos Bombeiros de Barreiros para poder saír do coche. Cando foi liberada, a persoa recibiu os primeiros coidados dun equipo de Urxencias Sanitarias de Galicia-061 desprazado no lugar dos feitos. En relación ao outro condutor implicado no accidente, cómpre destacar que tamén era o único ocupante, resultou ileso e estaba liberado e accesible.
A medida tamén fai que as familias perdan a gratuidad do comedor escolar, asumindo un gasto novo. O Concello reclama recuperar a parada mentres non exista unha alternativa segura e manter tanto o transporte como o comedor gratuíto, pedindo unha solución urxente que non prexudique ás familias de Mántaras.
Un total de 32 participantes déronse encontro nesta segunda edición, demostrando o seu nivel e desfrutando dunha mañá de competición e compañeirismo. Os gañadores das diferentes categorías foron: Antón Pernas (Sub 8), David Bustabad (Sub 10), Xulio Pernas (Sub 12), Deivid Pérez (Sub 14), Manuel Castro (Sub 16) e Breixo Alvite (Sub 18). A alcaldesa de Cervo, Dolores García Caramés, entregou os trofeos e medallas aos vencedores. O Concello felicita a todas as persoas participantes polo seu esforzo e por contribuír ao crecemento do xadrez no municipio, reafirmando a súa aposta polo deporte, pola participación e por ofrecer novas oportunidades para gozar e aprender.
A proba , organizada polo Club Ciclista Viveiro, reuniu máis de 130 ciclistas e coroou as campioas galegas de todas as categorías femininas -desde infantil ata master-, e aos campions galegos de infantil e cadete. A Praza da Galeguidade acolleu a saída e meta da competición, que se desenvolveu nun circuíto estático de 18,9 quilómetros pasando polo Porto da Gañidoira, a 699 metros de altura.
