O presuposto do plan increméntase nesta edición nun 33%
O PROGRAMA RE-EMPRENDE DE ECONOMÍA E INDUSTRIA ESTIMULA A CREACIÓN E A CONSOLIDACIÓN DE NOVAS EMPRESAS CON AXUDAS POR 2 MILLÓNS DE EUROS
Javier Guerra destaca que o obxectivo é favorecer a actividade empresarial apoiando a posta en marcha de proxectos innovadores impulsados por empresarios ou autónomos con actitude emprendedora
Dentro dos planes Impulsa, o programa garante axudas mínimas do 25% para os proxectos de Lugo, Ourense, Ferrolterra e Costa da Morte, dez puntos máis que no resto
A creación de emprego para colectivos de difícil inserción laboral, a localización e as actividades encadradas en sectores prioritarios determinan a intensidade dos apoios
A través do Igape, nesta lexislatura xa se concederon máis de 6 millóns de euros para apoiar investimentos de máis de 37 millóns promovidos por microempresas, emprendedores ou pemes de recente creación
Santiago, 18 de xuño de 2012.-O conselleiro de Economía e Industria, Javier Guerra, presentou hoxe unha nova convocatoria do Re-Emprende, un programa a través do cal a Consellería destina 2 millóns de euros a apoiar a posta en marcha de proxectos de nova creación ou a consolidación no seu primeiro ano de funcionamento de empresas promovidas por emprendedores ou autónomos.
O conselleiro destacou que o obxectivo do re-Emprende, cuxa convocatoria se publica hoxe no Diario Oficial de Galicia, é favorecer a actividade empresarial e a creación de emprego apoiando a posta en marcha de proxectos innovadores impulsados por empresarios e, como novidade este ano, por autónomos con actitude emprendedora. Poderán optar a estas axudas proxectos con investimentos comprendidos desde 35.000 ata 500.000 euros, e as solicitudes deberán presentarse ata o 15 de novembro. Con respecto á anterior convocatoria, a dotación orzamentaria anual medra nun 33% e rebaixase o investimento de 50.000 a 35.000 con obxectivo de abarcar un maior número de proxectos.
Tal e como manifestou Javier Guerra, co re-Emprende 2012 “a Xunta reafirma o seu compromiso cos emprendedores”, que suma a este programa outros apoios existentes neste ámbito, como as axudas financeiras ou os préstamos participativos. O conselleiro de Economía e Industria lembrou que, nesta lexislatura, e sen contar a nova convocatoria, leva destinado case seis millóns de euros para apoiar case un milleiro de proxectos promovidos por microempresas, emprendedores ou pemes de recente creación que impulsaron investimentos que superaron os 37 millóns de euros.
Á hora de fixar a porcentaxe do apoio valoraranse factores como a creación de emprego, especialmente de colectivos de difícil inserción laboral; a localización en territorios con plans de especial dinamización, o valor engadido asociado á actividade escollida e que a actividade estea enmarcada dentro dos sectores considerados prioritarios, como a automoción, a madeira, a transformación agroalimentaria, téxtil-moda, aeronáutica, náutica deportiva, química, biotecnoloxía, fabricación de equipos medioambientais ou de enerxías renovables, ou TIC.
As axudas concedidas dentro deste programa parten dun mínimo do 15% do investimento apoiable e poden chegar ata o 50%, no caso das pequenas empresas. Ademais, tal e como destacou o conselleiro, e dentro do compromiso do actual Goberno coa dinamización empresarial dos territorios amparados por plans especiais como son os Impulsa Lugo, Impulsa Ourense, Plan Ferrol, Eume e Ortegal e Plan Revive Costa da Morte, garántese nestas zonas unha axuda mínima do 25%.
Javier Guerra destacou que, co re-Emprende refórzase tamén a visión integral dos servizos e apoios da Xunta de Galicia aos emprendedores, que existen tanto nas fases de xestación e maduración das ideas como nas etapas de posta en marcha e consolidación, crecemento e internacionalización dos proxectos emprendedores. Entre outros aspectos, lembrou que a Xunta puxo 23 millóns de euros a disposición das emprendedores e das pemes máis innovadoras, a través de fondos como i2C, re-Emprende, xesInnova ou xesPosibilita.
Baixo o título Memoria de mariñáns. Unha crónica da emigración da Mariña, o xornalista e investigador Martín Fernández Vizoso ofrecerá unha intervención centrada nas historias e vivencias dos emigrantes da comarca, ilustrando o fenómeno migratorio que marcou a vida de moitas familias ao longo do século XX. O evento inclúe tamén unha imaxe histórica de mariñáns retornados de América nos anos 30, que serve de fío visual para contextualizar esta realidade.
O prólogo é da profesora de Debuxo Camino Casabella Pumares, artista con raíces no Alfoz do Castrodouro, que participará na presentación xunto ao presidente do colectivo. Cinco dos pintores estarán presentes no acto, xa que Alaxe faleceu hai tres anos. A portada do caderno é obra do ilustrador Xosé Blanco. O evento celebrarase o sábado 8 de agosto ás 20:00 horas no castelo do Castrodouro, en Alfoz do Castrodouro.
En total foron ofertadas preto de 80 prazas de surf, piragüismo e vela, destinadas a nenas e nenos con idades comprendidas entre os 9 e os 15 anos. As escolas desenvolvéronse en diferentes quendas nos meses de xuño e xullo. O concelleiro de Deportes, Francisco José Silvent, subliñou “a importante participación da rapazada ribadense nas escolas deportivas de verán, que organizamos desde o Concello de Ribadeo coa axuda dos clubs que as impartiron. Queremos agradecer ás familias a confianza depositada nas nosas actividades, que lles serviron aos asistentes para practicar deporte na auga e para pasar uns días aprendendo e perfeccionando técnicas”.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
