AS PROBAS DE SELECCIÓN DO GRUMIR EN BURELA FIXÉRONSE SEGUINDO A NORMATIVA VIXENTE, SEGUNDO APUNTAN DESDE O EQUIPO DE GOBERNO. PARA OS POPULARES O PSOE NON É QUEN DE DAR LECCIÓNS SOBRE ESTE TIPO DE PROCESOS.
Burela, 30 de xuño de 2012. O Concello levou adiante as probas de selección do persoal do Grumir seguindo a normativa vixente da Xunta, que foi modificada hai pouco tempo. Deste xeito o equipo de goberno rexeita as críticas vertidas nas últimas horas desde o PSOE.
Os populares explican que “a orde pola que se convocou o plan de cooperación da Xunta cos Concellos para a contratación de xente desempregada modificouse posteriormente só para o Grumir. Levantaba unha penalización que había antes que non permitía contratar a persoal que o ano anterior xa estivese traballando no Grumir e establecía a posibilidade de que os Concellos usasen o que se denomina vinculación nominal, é dicir envíaselle ao Inem unha relación de xente, e é o Inem o que despois manda á xente, sempre e cando cumpran cos requisitos establecidos”. Desde o equipo de goberno insisten en que “o Concello de Burela fixo o que contempla a norma, outra cousa é que lle guste máis ou menos ao portavoz do PSOE, pero o Concello fixo o que establece a normativa vixente e nada máis”.
Desde o Grupo Municipal Popular consideran que “o PSOE ten que ser un pouco máis discreto nesto das contratacións, porque todos lembramos que Alfredo Llano, sendo alcalde, foi presidente dunha comisión onde se seleccionou a unha concelleira do seu equipo de goberno. Pensamos que é mellor que non falen disto, porque na etapa do PSOE no Concello de Burela houbo procesos de selección de persoal que deron bastante que falar, sobre todo cando se fixo un para peóns e oficiais de albanelería fixos e montouse un bó número nese momento”. Os populares recoméndanlle aos socialistas que “que non digan nada porque nós fixemos este proceso seguindo a normativa vixente da Xunta de Galicia, lles guste ou non lles guste, e que non se preocupen porque esta xente está facendo o que ten que facer”.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
