O EQUIPO DE GOBERNO AFIRMA QUE OS RESULTADOS DAS ANALÍTICAS DA AUGA DIN QUE TODAS AS PRAIAS SON APTAS PARA O BAÑO E QUE NON HAI RISCO PARA OS USUARIOS DAS MESMAS. OS POPULARES SINALAN QUE “OS CONTEDORES LAVÁRONSE A PRINCIPIOS DE VERÁN E LAVARÁNSE A FINAIS DO VERÁN, COMA SEMPRE”.
Burela, 20 de agosto de 2012. O equipo de goberno do Concello de Burela saíu hoxe ao paso do manifestado polo PSOE local sobre o estado da auga das praias e outras cuestións de carácter medioambiental. Os populares aseguran que “os socialistas son irresponsables, tapan as súas carencias tentando sementar dúbidas entre a cidadanía”.
“Dos seis controis que se levan feito ata o momento no que vai de verán, A Marosa, Ril e O Cantiño deron sempre un resultado excelente (óptimo para o baño); Portelo deu en cinco ocasións excelente e un bo (apto para o baño); e no caso de Penoural deu unha vez excelente e cinco bo. Estes datos son públicos e os socialistas poden coñecelos, por exemplo, asistindo ao comité de xestión de praias, como o que se celebrou o pasado luns día trece de agosto, reunión á que non acudiu ningún representante do PSOE, o que demostra o interese que teñen por este asunto”, indican desde o Grupo Municipal do PP.
O equipo de goberno burelés afirma que “segundo eses resultados, no que vai de verán todas as praias foron aptas para o baño, e polo tanto non hai risco para a saúde das persoas. Dicir outra cousa ademais dunha irresponsabilidade, é unha mentira, e iso é o que fai o PSOE, que só pretende tapar as súas carencias de traballo e de adicación ao Concello sementando dúbidas entre a cidadanía, e que por tratarse de asuntos vencellados coa saúde demostran que a calidade humana e política dos socialistas é igual a cero. Con tal de desgastar ao PP, son capaces de dicir que as persoas que se bañan nas praias do noso concello están en situación de risco”.
Os populares no concello burelés tamén fan mención ao estado do porto, concretamente na antiga praia, e afirman que “a limpeza da mesma é competencia de Portos de Galicia, que xa é coñecedora da situación e agardamos que a empresa que fai a limpeza do recinto portuario actúe en consecuencia. De todas formas, o PSOE non se pode chufar, porque con bipartitos na Xunta e no Concello o estado da limpeza portuaria era ostensiblemente peor”.
En canto á limpeza dos contedores de lixo, desde o goberno municipal burelés afirman que, “seguindo o estipulado no contrato asinado entre o Concello e a empresa, e tal e como se fixo sempre, incluso durante os anos do bipartito, os contedores limpáronse pasadas as festas de Burela e limparanse cando se remate o verán, en setembro”. Sobre o funcionamento das duchas e lavapés das praias “os populares din que cando se detectaron problemas de funcionamento hai unhas semanas procedeuse á substitución ou reparacións dos pulsadores das duchas e lavapés dos areais do Portelo e A Marosa”.
Segundo o Grupo Municipal Popular, “nós non imos calar a boca ante as críticas do PSOE, porque aínda que somos goberno non está de máis recordarlle ós cidadáns os fiascos destes señores. E neste caso os socialistas non poden dar exemplo nin en xestión de praias nin noutros aspectos medio ambientais: chega con lembrar que perderon a bandeira azul de Ril á primeira de cambio, que houbo problemas serios de contaminación ambiental na Praia de Portelo durante o seu mandato, e que nos deixaron de herdanza un emisario roto que houbo que arranxar en xullo do ano pasado cun custo para todos os cidadáns de trinta mil euros. Ademais de irresponsables, pretenden facernos tontos e quedar eles de bos, e iso non o permitiremos”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
