Cervo traballa na posta en marcha dunha Mesa de Coordinación para a atención ás vítimas de violencia de xénero
-A edil de Servizos Sociais, Pilar Armada, reuniuse coa xefa de unidade contra a violencia sobre a muller da Subdelegación do Goberno, Ana Belén Pacio, para avanzar no seu desenvolvemento
Cervo, 28 de agosto de 2012-O Concello de Cervo ten a intención de constituír unha Mesa local de Coordinación para a mellora da atención ás vítimas de violencia de xénero. Esta iniciativa ten o obxectivo de garantir, fomentar e desenvolver accións preventivas e unha atención de calidade ás vítimas a través dun organismo que contará con representantes de todos os colectivos implicados. Deste xeito, a mesa estará formada por representantes da Concellería de Servizos Sociais, da Subdelegación do Goberno, do centro de saúde, dos centros educativos, da Policía Local e Garda Civil e do Xulgado así como por un secretario.
A Concellería de Servizos Sociais xa comezou a dar os primeiros pasos para a posta en marcha desta Mesa de Coordinación. Onte mesmo a edil desa área, Pilar Armada reuniuse coa xefa da Unidade contra a violencia sobre a muller da Subdelegación do Goberno en Lugo, Ana Belén Pacio, co obxectivo de perfilar os detalles desta iniciativa. Unha vez rematados os contactos coa Subdelegación, que é a promotora desta actuación a nivel provincial, a Concellería de Servizos Sociais iniciará todos os trámites previstos para a constitución da Mesa.
Nun primeiro lugar, a edil Pilar Armada porase en contacto con cada un dos colectivos e corpos implicados para informalos da creación da Mesa, así como das súas funcións e obxectivos, solicitando ao mesmo tempo un representante de cada un deles. Unha vez elixidas as persoas que representarán a cada organismo, aprobarase a creación da Mesa de Coordinación por parte do goberno local. Superado ese trámite, poderase convocar a primeira reunión da Mesa, que terá como mínimo unha periodicidade cuadrimestral na súa convocatoria ordinaria, podendo convocarse tamén de forma extraordinaria cando se considere oportuno.
A edil de Servizos Sociais asegura que esta iniciativa “pretende organizar a resposta ou a solución que se presta ante unha situación identificada como violencia de xénero” e engade que “pode contribuír a mellorar a calidade da axuda institucional ás mulleres que sofren unha situación de violencia”. Polo momento, só dous concellos da Mariña teñen activada a Mesa de Coordinación “e dende o Concello de Cervo estamos moi interesados en que esta iniciativa sexa de utilidade, dende a análise dos casos que se poidan rexistrar no concello, a avaliación da efectividade das intervencións efectuadas ata realizar e aprobar propostas de actuación conxunta entre os colectivos implicados” remata Armada.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
