VISTA ALEGRE PRESENTA O BURELA FS MASCULINO ANTE O ESTEO FS (XOVES 30, 21.00 HORAS)
O templo laranxa, Vista Alegre, presentará sobre a pista o novo proxecto do Burela FS Pescados Rubén que saltará á Primeira División en 2012-13. O cadro de Julio Delgado darase a coñecer ante a bancada da bomboneira fronte ao Esteo FS As Pontes, a partir das 21.00 horas.
Tui, próximo destino
O equipo laranxa pechará a semana en Tui, o sábado, no segundo encontro da pretempada ante o Santiago Futsal, co que competirá en Primeira (Novo Pavillón Municipal, 20.30 horas). O VIII Memorial Celso Currás de Trabada xa reuniu a composteláns e burelaos a fin de semana pasada, duelo no que os de Julio Delgado se fixeron co título tras vencer por 3-1.
Vitoria ante La Junquera (5-3)
Os mariñáns saíron vitoriosos do envite ante Automoción La Junquera (5-3), de Segunda B, onte no pavillón da Veiga, en San Cibrao. O Burela FS marcou os tempos dun encontro no que volveron ter moita presenza os xuvenís Antón e Fabio, coma no memorial, e no que se estrearon Enrique Cánovas, inmerso no Mundial Universitario de Braga ata o domingo pasado, e Nacho Pedraza, despois dun pequeno golpe nos adestramentos. Tras a vantaxe de 3-1, na segunda parte a escuadra laranxa viuse condicionda por certos desaxustes defensivos que conduciron á igualada do rival, aínda que sen perigar o encontro.
Ficha técnica
Burela FS Pescados Rubén: Iago Barro, Mimi, Juanma, Christian e Iago Míguez, no cinco inicial; tamén xogaron André, Enrique, Nacho Pedraza, Dani Martín, Antón, Fabio, Hugo e Edu
Automoción La Junquera: Marques, Víctor Méndez, Lozano, Sesar e Turero, no cinco inicial; tamén xogaron Santomé, Gómez, Toni, Vijande, Xoel, Míguez e Lorenzo
Goles: 1-0, Dani Martín; 2-0, Mimi; 3-0, Antón; 3-1, Víctor Méndez; 3-2, Fabio (pp); 3-3, Lorenzo; 4-3, Mimi; 5-3, Iago Míguez
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
