Dende a comisión executiva do PSdeG-PSOE de Burela asistimos atónitos á aparición nos medios de comunicación fai uns días dunha noticia que daba o goberno municipal de Burela, comandado polo Sr. Barcia e a concelleira de turno, chufando a súa labor no bo estado dos areais de Burela, non deixa de sorprendernos que se diga que o estado dos areais é excelente cando, según se pode comprobar pola foto que adxuntamos á nota de prensa, os datos que o propio concello expón nos tablóns que se colocan nos areais non din que a situación sexa precisamente excelente, segundo a foto sacada o día 15 de agosto, temos polo menos dous areais que de excelentes nada, por non falar do mal funcionamento de duchas e lavapés . Queremos instar ó goberno municipal a que se poña a traballar e se deixe de actos de propaganda barata na que toma ós vecinos de Burela por parvos, calquera que pase polos tablóns ou use algunha das duchas con deficiencias pode ver o que estamos a criticar, e non vaia a ser que se esté a poñer en risco a saúde dos veciños e veciñas, así como a dos nosos visitantes, máis tendo en conta que moitos nenos usan os nosos areais sendo máis vulnerables a estas deficiencias.
Noutro orde de cousas pedir tamén que se poña solución ós cheiros que teñen que soportar os veciños da zona do porto e os usuarios da Moncloa e da Cruz Roxa, do que tamén enviamos foto de situación, que fan que o transitar pola mencionada zona se faga cando menos incómodo, e que a imaxe desa zona do pobo non sexa a mellor que se pode dar e máis tendo en conta que a escasos metros se atopa a oficina de información turística, así como contedores de basura que desprenden un cheiro insoportable en algunhas rúas do noso pobo.
Pedimos ó equipo de goberno que anden polo pobo para poder comprobar estas deficiencias e que lle poñan unha solución real á maior brevidade xa que os veciños e veciñas de Burela non merecen soportar estas situacións pola inoperancia dun goberno que parece que está instaurado na oposición e que non se deu aínda conta de que os veciños os elexiron para gobernar e non para facer oposición, esa función de momento, é a que debe de exercer o noso partido e así o seguiremos a facer en todas aqueles temas que entendamos que non se están a facer como os veciños e veciñas de Burela se merecen.
Baixo o título “A guerra en Oriente Medio. Do xenocidio en Palestina á agresión a Irán”, o analista internacional Duarte Correa ofrecerá unha intervención centrada na evolución do conflito, o impacto humanitario e as implicacións xeopolíticas da escalada bélica na rexión.
A proba, organizada polo CP Altrúan, reunirá 137palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García achegouse esta tarde a Ribadeo para presentar a proba, que comezará ás 15.30 coa saída dos prebenxamíns e benxamíns. A continuación e de forma escalonada, desenvolveranse as probas das categorías infantil, alevín e cadete e xuvenil.
A partir das 19:45 horas abrirán a xornada o Cuarteto Illa Pancha e Tradigalu, mentres que desde as 20:00 horas se poderán degustar hamburguesas á parrilla, bocadillos de panceta e chourizos asados. Xa pola noite, ás 21:30, tomarán o relevo Mi Rollo es el Rock, antes da tradicional fogueira de San Xoán, prevista para as 00:00 horas. A celebración, organizada por A Rebolaxe coa colaboración do Concello de Cervo e a Deputación de Lugo, inclúe tamén o sorteo dunha paleta de cocho e contará con aparcamento habilitado no Estanco da Praia do Torno.
A Garda Civil de Burela tomou declaración este 10 de xuño a unha representante do departamento en liña de Porcelana de Sargadelos, que denunciou unha estafa na que se emprega a imaxe da empresa para enganar clientes. Segundo explicou, desde finais de abril están a aparecer páxinas web falsas con descontos do 80% e perfís fraudulentos en redes sociais como Instagram, TikTok e Facebook, a través dos que varios usuarios xa foron estafados. A compañía presentou denuncias contra distintos dominios e contas, das que só unha continúa activa, e achegou tamén os rexistros da marca e as comunicacións realizadas ante Meta. A denuncia foi formalizada no cuartel da Garda Civil de Burela, onde quedou incorporada ás dilixencias abertas polo corpo.
O deputado galego Francisco Millán Mon explicoulles o día a día da súa actividade nesta cámara e a importancia da Unión Europea para Galicia e viceversa. Desde a dirección do centro agradecen “a súa exposición e o trato dispensado ao alumnado e profesorado desprazado a Bruxelas”. Neste 2026 cúmprense 40 anos da adhesión de España á Comunidade Económica Europea, así se denominaba naquel momento. O IES de Ribadeo é Escola Mentora do Programa Escolas Embaixadoras do Parlamento Europeo.
Foi unha xornada máxica na que a música e a convivencia se deron a man nunha contorna única. Os instrumentos de corda encheron de melodías os xardíns do centro, creando unha atmosfera especial que emocionou ao público asistente e puxo en valor o talento e a ilusión da mocidade. A alcaldesa de Cervo, Dolores García Caramés, non quixo perderse esta cita tan especial e desfrutou da tarde xunto ás persoas usuarias, e o persoal do centro. Durante o encontro, agradeceu o convite e felicitou á organización por promover actividades que fomentan a cultura, a inclusión e os espazos de encontro entre a veciñanza.
A mostra, aberta na sala de exposicións do Auditorio Municipal de luns a venres entre as 18:00 e as 22:00 horas, reúne preto de 30 obras de artistas emerxentes e consolidados, ofrecendo diversas miradas sobre a paisaxe, a identidade, a memoria e a realidade contemporánea. A alcaldesa, Marta Rouco, destacou o valor de que Vilalba forme parte desta programación compartida e o impacto positivo que supón para a actividade cultural local.
