O CONCELLO E ECOVIDRIO PROMOVEN A RECICLAXE DE VIDRO NO SECTOR HOSTALEIRO DE BURELA. NA PRIMEIRA FASE DA CAMPAÑA PRESENTADA HOXE PARTICIPAN 25 LOCAIS, QUE CONTARÁN CON CUBOS ESPECIAIS PARA DEPOSITAR OS RESIDUOS ALMACENADOS NOS 10 COLECTORES INSTALADOS NA VILA.
Burela, 17 de outubro de 2012. Concello de Burela e Ecovidrio promoven a reciclaxe de vidro no sector hostaleiro da vila. Na primeira fase da campaña presentada esta mañá participan 25 locais. A concelleira de Medio Ambiente, Patricia López Eijo, dixo que o obxectivo é facilitar a recollida e a reciclaxe do vidro nos establecementos hostaleiros da localidade e concienciar un pouco máis á cidadanía. En Burela recicláronse no 2011 un total de 135.000 quilos de vidro, o que supón unha media de 14 quilos por persoa.
Na presentación da campaña que tivo lugar esta mañá no Concello a edil popular dixo que “hoxe presentamos en Burela o novo sistema de recollida de envases de vidro para os locais de hostalería e tamén hoxe xa comezaron a colocarse os dez colectores novos de vidro, que teñen una boca máis ancha e un sistema de elevación hidráulica para facilitar o vaciado do cubos cos que contan os establecementos hostaleiros participantes. E tamén se empezaron a repartir entre os hostaleiros incluídos nesta campaña 25 cubos de grande capacidade con rodas e que están adaptados para facilitar a reciclaxe do vidro”.
López Eijo lembrou que “esta campaña iniciouse xa hai un par de meses cunha primeira fase, a partir da cal se fixo un traballo de campo no que se realizaron unhas enquisas que levou a cabo a técnica de medio ambiente do Concello aproximadamente a 30 establecementos de hostalería. O obxectivo era informar da iniciativa e detectar as necesidades dos hostaleiros para facilitarlles o reciclado dos envases de vidro”.
A concelleira de Medio Ambiente subliñou que “a campaña foi acollida con éxito no sector e benefícianse dela nesta primeira fase uns 25 locais de hostalería”. O equipo de goberno agarda que “esta campaña serva para seguir mellorando a reciclaxe de vidro en Burela, onde, segundo os últimos datos, no 2011 reciclamos uns 135.000 quilos de vidro, o que supón que cada veciño reciclou de media 14 quilos”.
No acto desenvolvido esta mañá participaron ademáis de Patricia López Eijo, o alcalde de Burela, José Mª González Barcia, o xerente de zona de Ecovidrio, Germán Fernández, e o responsable de Ascan, a empresa concesionaria do servizo de recollida de vidro en Burela, Pablo Rouco.
Xunto coa alcaldesa e a concelleira de Infancia, confirmouse tamén a renovación, por terceiro ano, da colaboración co Grupo Entrepinares, que patrocinará estas xornadas e apoiará actividades do Samaín e do Nadal. As dúas xornadas incluirán actividades gratuítas en horario de mañá e tarde, con inchables, xogos, propostas acuáticas e catro funcións do espectáculo do Mago Antón. Entrepinares ofrecerá ademais merendas gratuítas para todos os nenos e nenas. O Concello destaca que esta alianza permite reforzar unha programación infantil de referencia e ampliar as propostas de lecer para as familias ao longo do ano.
No encontro mantido na sede da delegación territorial da Xunta en Lugo, no que tamén estivo o director territorial da Consellería, Marco Antonio Fernández Piñeiro. abordáronse liñas de cooperación para a mellora de Infraestruturas e de seguridade viaria, de interese para este municipio. O departamento que dirixe M. Allegue segue prestando apoio aos municipios para executar actuacións que contribúan a mellorar a calidade de vida da veciñanza e a reforzar a competitividade económica.
Xa se poden ver auténticas "artistadas", todas coas serea como protagonista, enchendo o ambiente desa creatividade tan propia da celebración.
O corte estará vixente entre as 00:00 e as 05:00 horas da madrugada do venres 7 ao sábado 8 de agosto, co obxectivo de garantir a seguridade das persoas asistentes e o correcto desenvolvemento do evento, que terá lugar nos Xardíns Noriega Varela. Desde o Concello de Viveiro solicítase a colaboración da veciñanza e das persoas condutoras, recomendando planificar os desprazamentos con antelación e utilizar itinerarios alternativos durante o tempo que permaneza vixente esta restrición.
Os deslizadores acuáticos enchen de diversión a praia dos Bloques. Onte, martes, estiveron operativos pola tarde e hoxe, mañá e o venres estarán dispoñibles de 11:30 a 14:00 horas e de 16:00 a 19:30 horas. O concelleiro de Deportes, Francisco José Silvent, anima á rapazada “a achegarse á praia dos Bloques a gozar das actividades de verán que deseñamos desde o Concello. Hóuboas para todos os gustos e idades tanto na pista multideporte como na praia dos Bloques. Agardamos que disfruten estes días cos deslizadores acuáticos, xogando e pasando un mes de agosto o máis divertido posible”.
A mostra sobre Mimina, que repasa a súa traxectoria vital e artística e o seu papel esencial na creación de Sargadelos como empresa cultural, amplía o seu período de apertura até o 12 de agosto grazas á cesión das instalacións por parte do Concello de Cervo. A exposición poderá visitarse todos os días de 12:00 a 14:00 e de 17:00 a 20:00, e tamén se poden concertar visitas noutros horarios ou para grupos chamando ao 636020514 (Lucía).
No Campo de Fútbol de As Valgas poderanse ver desde as 21.30 horas as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que promete unha noite inesquecible.
