O Concello axudará ás entidades educativas de Cervo con ata 7.500 euros
-O prazo para presentar as solicitudes ábrese mañá xoves día 18 de outubro e pecharase o 10 de novembro
-Hoxe comeza o prazo para solicitar a subvención para o transporte escolar
Cervo, 17 de outubro de 2012-O Concello destinará ata 7.500 euros ás axudas municipais destinadas a entidades educativas de centros de infantil, primaria e secundaria de Cervo, cun máximo de 1.250 euros por entidade. As bases desta convocatoria, correspondente ao exercicio de 2012, saíron hoxe publicadas no Boletín Oficial da Provincia. O prazo para presentar as solicitudes no Rexistro Xeral do Concello abrirase mañá xoves día 18 de outubro, e pecharase 20 días hábiles despois, é dicir, o 10 de novembro.
Os beneficiarios da subvención son os colexios e institutos do municipio así como ANPAS deses centros, e está dirixida a colaborar cos gastos derivados de actividades educativas, recreativas, culturais ou doutro tipo, sempre que redunden en beneficio da comunidade escolar. Tamén se poderán subvencionar gastos xerais de funcionamento, conservación, mantemento e reparacións menores que non sexan investimentos.
Axudas ao transporte
O Concello informa tamén de que hoxe se abriu o prazo para presentar as solicitudes de axuda ao transporte escolar para o alumnado cervense que se despraza a outros concellos para estudar ensinanzas que non se imparten no municipio. Neste caso, o Concello destina un total de 3.000 euros a esta liña de subvención municipal. Esta convocatoria é a correspondente ao curso 2011-2012. O prazo rematará o 31 deste mes.
En canto aos detalles da convocatoria, pode optar á subvención o alumnado que cursara formación profesional, ensinanzas profesionais de artes plásticas e deseño, ou ensinanzas deportivas, todas elas tanto de grao medio como superior así como estudos universitarios, Bacharelato, ensinanzas artísticas superiores e estudos musicais impartidos en conservatorios e escolas de música.
“En conxunto, o Concello ten reservados 10.500 euros para estas dúas liñas de axuda” explica a edil de Educación, Pilar Armada, “unha contía importante coa que o goberno local busca contribuír tanto coas entidades educativas, dinamizando o ensino e fomentando a actividade, como axudar ás familias a afrontar gastos”. Deste xeito, son dúas liñas de subvencións sufragadas con fondos municipais destinadas a actividades e gastos en materia de educación, “un dos piares básicos da sociedade polo que é necesario facer esforzos, especialmente en tempos difíciles”.
Para máis información, poden acudir ás oficinas municipais ou consultar as convocatorias na seguinte ligazón: http://www.deputacionlugo.org/portal_localweb_ag/RecursosWeb/DOCUMENTOS/1/0_7193_1.pdf#PAGE=1
O Campionato de Tute Concello de Cervo chega á súa edición número 18
-Os equipos pódense inscribir ata o día 22 deste mes e as partidas comezará o día 30
Cervo, 17 de outubro de 2012-O Concello de Cervo vén de anunciar unha nova edición do Campionato de Tute, que se adoita celebrar nos meses de outono como unha cita tradicional e fixada no calendario. A edil de Deportes, Yolanda Pedreira e o colaborador da organización, Félix Fernández, presentaron o cartel desta competición, que comezará o día 30 deste mes coas primeiras partidas. Pero antes, será necesario que os xogadores se inscriban, e o prazo xa está aberto ata o día 22 deste mes.
Poderán participar as asociacións, clubs, bares ou calquera persoa, sempre que se configuren equipos de catro parellas cada un e que dispoñan dun local para os enfrontamentos. Para realizar a inscrición poden achegarse ata a Casa do Concello, a Casa da Cultura de San Ciprián ou chamar ao teléfono 686 970 388.
Ao mesmo tempo, o Concello informa de que o día 22 ás 19:00 horas terá lugar unha xuntanza informativa na Casa da Cultura na que tamén se elaborará o calendario de enfrontamentos. Como todos os anos, haberá trofeos para os tres primeiros equipos clasificados así como para a parella con máis puntuación.
A edil de Deportes destaca que o Campionato de Tute “é un acontecemento moi agardado en Cervo e que adoita ter moi boa aceptación”. A concelleira lembra que na edición pasada participaran unhas 60 persoas e nesta ocasión “agardamos que se manteña o nivel de resposta”. Pedreira fixo fincapé ademais en que este é un “evento de socialización, no que os xogadores se reúnen, falan, divírtense e comparten bos momentos mentres participan nunha competición na que todos queren gañar”. A delegada de Deportes convida a todas as persoas que practican tute a que se apunten e participen neste campionato “que está máis que consolidado”.
Esta cita, xa consolidada dentro da programación estable do centro, permitirá ao público gozar dunha mostra do traballo artístico e formativo desenvolvido ao longo do curso polo alumnado da especialidade. A actividade constitúe unha oportunidade para achegar a danza á cidadanía e poñer en valor o esforzo, a dedicación e a evolución das alumnas e alumnos participantes.
O Concello destaca que este novo éxito é froito do compromiso, do esforzo e da dedicación constante do deportista, cualidades que lle permiten seguir acadando resultados destacados a nivel estatal. Desde a entidade municipal transmítense os parabéns a González Villares por este subcampionato de España.
A proba, organizada polo CP Altrúan, reuniu máis de 130 palistas dos seis clubs lucenses de augas tranquilas que participan na competición: o propio Altruán, o CD San Ciprián, o Club Kayak Foz, o CP Viveiro Urban Hotel, o Cidade de Lugo e o Club Fluvial de Lugo. O deputado de Mocidade Daniel García entregou os premios da proba, na que Club Fluvial de Lugo, Cidade de Lugo e Altruán coparon o podio por equipos. A Copa Deputación de Piraguismo, que conta de 6 regatas, organízase no marco da colaboración que a Vicepresidencia da Deputación de Lugo mantén coa Federación Galega de Piragüismo para a promoción deste deporte, ofrecendo aos clubs a posibilidade de participar en competicións federadas nas súas comarcas e contribuíndo así á consolidación de equipos de base.
Malia a intensa calor, o pavillón encheuse de público para gozar das actuacións das numerosas alumnas, que ofreceron exercicios individuais, por parellas e en grupo, destacando pola súa beleza e dificultade técnica ao ritmo da música escollida. Ao remate, a concelleira Ana Rubal entregou medallas ás participantes, que tamén agradeceron o traballo e os valores transmitidos pola súa monitora, Lorena Fernández. Lémbrase que a festa de clausura das Escolas Deportivas terá lugar o luns 29 ás 19:00 horas, nun acto conxunto co Concello de Alfoz, no que haberá diversas actividades de celebración e a entrega de diplomas.
A cantante e instrumentista asturiana Mónica Acevedo actuará en formato solista, mentres que o equipo do local ofrecerá un menú especial con pratos como o tartar de xarda, gañador do “Ribadeo Sabe”, gazpachuelo de tempada, lomo de sardiña con berenxena afumada, cóctel de lagostinos, bonito de Burela con melocotón asado e sopa de cebola, e solombo de porco celta con xudías tenras. A cita comeza ás 21:15, con prazas limitadas e reserva imprescindible.
A xornada incluíu tamén o IV Torneo de Pádel, que continuará durante a fin de semana. O evento, organizado polo Concello xunto con ASAPA e Miño Vivo e coa colaboración da Xunta, recupera unha iniciativa nacida hai catro anos a petición da mocidade, coa intención de consolidala no tempo. O tenente de alcalde, Marcos García Lombardero, destacou a alta participación —catro veces maior ca na primeira edición— e agradeceu a implicación de entidades, colaboradores e asistentes, así como a presenza de representantes da Xunta, do Parlamento e da Deputación.
Adultos, nenos, familias, grupos de amizades fixeron o percorrido nun día espectacular de sol e cunha temperatura de 26º á hora da saída. Acudiron á cita o presidente provincial da AECC, José Manuel Rozas, o alcalde de Ribadeo, Dani Vega, as concelleiras e concelleiro ribadenses, Marta Saiz, Begoña Sanjurjo, Elena Sierra e Francisco José Silvent, a presidenta e o xerente de Acisa, Carmen Cruzado e Jesús Pérez, así como representantes da AECC de Ribadeo coa súa presidenta, Tea Martínez, á cabeza. A II Andaina Ribadeo en marcha contra o cancro contou co patrocinio de Solán e Acisa Ribadeo e coa colaboración do Concello de Ribadeo, Eroski e 2M.
