A Xunta de Goberno aprobou este venres a subvención que a Consellería de Traballo concedeu á Deputación de Lugo para a prórroga do contrato dun traballador que desenvolve a súa actividade no departamento provincial de Fondos Europeos. O voceiro provincial socialista, Manuel Martínez, informou que é a única subvención que concedeu a Xunta de Galicia á institución luguesa para a contratación de axentes de emprego e desenvolvemento local. Esta axuda ascende a 15.300 euros, supoñendo só o 30% do custe total polo que a institución luguesa asume o 70% restante con fondos propios co fin de contribuír á xestión dos 25 millóns de euros que captou da Unión Europea, converténdose na quinta administración local en España que máis cartos comunitarios captou.
Martínez subliñou que “esta única subvención que nos outorga o Goberno galego é mostra dos continuos recortes que está a aplicar Feijóo ás políticas activas de xeración de emprego na Comunidade”. Segundo datos oficiais, no caso deste programa para a contratación de axentes de emprego e desenvolvemento local, a Xunta recortou o seu orzamento en máis dun 60% dende 2009, pasando dos 6 millóns de euros ós 2 millóns de euros. Nembargantes, a partida total que adica o Goberno galego á promoción de emprego rebaixouse en máis de 400 millóns de euros nos últimos catro anos. “Isto supuxo que a taxa do paro se incrementase nun 40% dende 2009, pasando dos 17.000 parados que deixou o anterior Executivo autonómico ós 28.000 que acadou o Partido Popular”, denunciou o voceiro tras comparar os datos ofrecidos polo Servizo Público de Emprego.
As políticas do “austérico Feijóo”
O Deputado informou que, segundo constata o Orzamento da Xunta para 2013, a partida para a promoción de emprego volta a sufrir un novo recorte este ano superior ó 40%, con 137 millóns de euros menos que no 2012, mentres que os fondos para benestar, sanidade e educación se reducen en 160 millóns de euros. “Os expertos xa aseguran que as políticas do austérico Feijóo suporán que Galicia bata o récord do desemprego no primeiro trimestre do ano con 300.000 galegos no paro. É dicir, o home que no 2009 se proclamou como o defensor do paro, asegurando ter a fórmula para rematar con esta lacra en 100 días, convertese no destructor do emprego na Comunidade. As políticas do austérico Feijóo están a contribuír, ademais, á constante perda de poboación en Galicia onde Lugo xa baixou dos 350.000 habitantes por primeira vez dende que existen datos oficiais do padrón”.
A Deputación tenta “contrarrestar” estes recortes
Martínez destacou que “dentro das nosas posibilidades”, tendo en conta que o Orzamento da Deputación para 2013 é de 89,4 millóns de euros fronte ós case 8.500 millóns da Xunta de Galicia, “tentamos contrarrestar estes recortes na provincia, marcando como prioridades do noso Presuposto para este ano a creación de emprego e o benestar social co obxectivo de fixar poboación”. O voceiro subliñou que a Deputación incrementou este ano nun 63% as políticas activas de emprego, con proxecto dotados de 7,5 millóns de euros, e aumentou os fondos para benestar social nun 12%, cunha partida de 2,2 millóns de euros, que se engaden ós 15 millóns de euros para a rede de residencias e centros de día públicos na provincia.
Este venres, 14 de agosto ás 20.00 horas, terá lugar a presentación do libro "Espiritualidad", unha longa reflexión sobre a dimensión espiritual do ser humano, levada a cabo por 8 autores de diferences orientacións relixiosas, no Local Social do Parque Concepción Arenal (antigo matadoiro) de Ferreira do Valadouro. Estará presente o autor-coordinador da obra Pepe Peinó.
Estiveron acompañados polas dúas técnicas de Xuventude, para gozar dunha mañá nas distintas actividades que ofrece este parque de trampolíns. Pola tarde, o grupo parou a xantar no Lago das Pontes, onde puido coñecer a historia da súa creación e desfrutar dun baño. A viaxe estivo organizada polas Concellerías de Xuventude e Deporte e pola Oficina de Información Xuvenil dentro do programa “Verán a Tope en Xove 2026”.
Evaristo Calvo, Rebeca Montero e Vítor Mosqueira interpretaron o pasaxe que recrea os últimos momentos do Mariscal Pardo de Cela e da súa muller, Isabel de Castro, antes da traizón da Frouseira. A acción cultural, coordinada por Carme Varela e promovida pola Vicepresidencia da Deputación de Lugo, rende homenaxe ao gran dramaturgo do Valadouro no seu primeiro cabodano. 
O 112 Galicia tivo constancia do accidente arredor das 13:20 horas deste martes. Segundo varios particulares, dous turismos colidiran no quilómetro 79 da LU-862. Nun vehículo había un ferido, mentres que no outro unha persoa estaba atrapada, aínda que se atopaba en bo estado trala colisión. Desde o CIAE 112 Galicia informouse ao Servizo de Urxencias Sanitarias de Galicia-061, aos Bombeiros de Viveiro, á Garda Civil de Tráfico e á Agrupación de Voluntarios de Protección Civil do Vicedo. Unha vez no punto, a dotación de bombeiros puido liberar á persoa atrapada.
A Orquesta Mondragón con Javier Gurruchaga á cabeza e Fórmula V con Paco Pastor encheron de lembranzas e de ritmo a noite ribadense. Desde o Concello fan un balance moi positivo do concerto "xa que contribuíu á dinamización económica da nosa vila".
O Campo de Fútbol de As Valgas acolleu as actuacións de Netos de Bandim, chegados desde Guinea Bissau; da Philippine Performing Arts Company, das Filipinas; e do grupo anfitrión O Arco da Vella. Un encontro único de culturas, ritmos e emocións que pechou unha noite inesquecible.
Alí salientou o papel que desenvolve este evento no impulso dos produtos agroalimentarios de proximidade, ao tempo que favorece as canles curtas de comercialización. Destacou tamén a importancia deste mercado, considerado como un dos máis antigos da provincia de Lugo, xa que ofrece unha ampla mostra dos principais oficios de artesáns da Idade Media. Ademais, permite aos asistentes gozar de actividades variadas e degustar produtos agroalimentarios diversos.
