O VICEPRESIDENTE DA DEPUTACIÓN VISITA O OBRADOIRO DO PROGRAMA ‘TEMPOS’ IMPARTIDO NA PARROQUIA DE OIRÁN (MONDOÑEDO)
“A posta en marcha deste proxecto supón un investimento de 200.000 euros, algo que contrasta coa política de recortes que está a levar o Partido Popular dende a Xunta de Galiza e o Goberno do Estado”
Un total de 24 asociacións mariñás, 7 de persoas con capacidades diferentes e 17 de persoas maiores, participan neste programa
Mondoñedo, 15 de xaneiro de 2013. O vicepresidente da Deputación de Lugo e responsable das Áreas de Benestar Social e Deporte, o nacionalista Antonio Veiga, visitou, esta tarde, no local social de Oirán, aos 15 veciños e veciñas desta parroquia de Mondoñedo, que logo de inscribirse no programa “Tempos”, están a acudir semanalmente á actividade de ximnasia xerontolóxica de envellecemento activo para persoas maiores que lles imparte un monitor da Fundación Balogal.
Co programa Tempos, no que participan un total de 24 asociacións mariñás, 17 delas de persoas maiores, dende a Vicepresidencia do ente provincial preténdese mellorar o benestar das persoas con capacidades diferentes e dos maiores dos concellos con menos de 5.000 habitantes, como é o caso de Mondoñedo, a través da realización de actividades físicas de intensidade baixa ou moderada, mediante xogos que contribúen a mellorar as capacidades motrices e cognitivas dos usuarios.
“Levar a cabo este tipo de accións na poboación do noso medio rural ten, ademais, unha importante compoñente cultural e de cohesión social, posto que permite ás persoas entrar en contacto, compartir experiencias e socializar, polo que tamén resultan moi importantes para evitar a inactividade e o despoboamento rural, reducíndose así, a fenda existente entre este medio e o urbano”, puntualizou o vicepresidente.
O colectivo das persoas maiores, que representa un alto porcentaxe da poboación da provincia de Lugo, é un dos que máis está a sufrir a política de recortes levada a cabo polos gobernos de Feijóo e Rajoy, posto que “a Xunta de Galiza eliminou a súa aportación ao Servizo de Aduda no Fogar Básico para os concellos con menos de 20.000 habitantes, que no caso da provincia de Lugo son todos menos a capital, e ao Servizo de Teleasistencia Domiciliaria, ao que hai que engadir o copago farmacéutico e o recorte nas prestacións de dependencia”.
Veiga insiste en que “fronte a estes recortes en políticas sociais, dende a Vicepresidencia da Deputación, coa posta en marcha do programa tempos, que supón un investimento de 200.000 euros, estamos demostrando que, aínda en tempos de crise, é posíbel levar a cabo unha política que aposta polos servizos sociais e, en definitiva, polo benestar dos cidadáns”.
“Este obradoiro impartido en Oirán é só un exemplo dunha das catro liñas de actuación do programa Tempos, posto que ademais das actividades dirixidas a maiores, o proxecto tamén contempla unha liña dirixida a persoas con capacidades diferentes, outra a mulleres, e unha máis de apoio ás tarefas administrativas das asociacións, traballando todas elas cara un obxectivo común: fomentar a calidade de vida e a igualdade de condicións con independencia da idade, a discapacidade ou o lugar de residencia”, concluíu o vicepresidente.
O venres descubrirase a placa que oficializa o nomeamento da Biblioteca Municipal co seu nome, dentro da iniciativa “Miradas sobre Agustín 2026-2027”, que busca divulgar o legado do escritor e apoiar a súa candidatura ás Letras Galegas de 2028. O programa inclúe unha exposición, a lectura dun manifesto e unha conferencia. O sábado entregarase no Auditorio o IX Premio Agustín Fernández Paz de narrativa infantil e xuvenil pola Igualdade. Rouco destacou a importancia de visibilizar a figura do autor e convidou a veciñanza a participar nos actos.
As nenas e nenos coñeceron o proceso de moenda e levaron unha mostra de fariña. García destacou a importancia de achegar a realidade do rural á infancia e agradeceu a colaboración das granxas, ANPAS e centros educativos. O Muíño de Coea é unha das novas incorporacións a un programa que este ano inclúe 210 actividades e chega a máis de 6.000 escolares de 74 centros da provincia.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
