– As obras consisten no arranxo, ampliación da calzada e limpeza de cunetas da estrada que une a ponte medieval coa igrexa, moi utilizada polos 300 veciños deste núcleo viveirense.
– O organismo lucense aforrou o pasado ano 5 millóns de euros ós Concellos da provincia asumindo actuacións en 534 quilómetros de vías municipais coas máquinas do Parque Móbil.
A Deputación de Lugo acomete melloras en vías municipais da parroquia viveirense de Landrove con medios do Parque Móbil, aforrándolle deste xeito importantes custes ó Concello ó evitarlle a contratación dunha empresa externa. As actuacións, iniciadas este luns, consisten no acondicionamento e ampliación da calzada, e na limpeza de cunetas da estrada que une a ponte medieval de Landrove e a igrexa parroquial.
Esta vía, deteriorada dende hai dous anos, é moi utilizado polos veciños da localidade porque é o enlace natural entre o templo e o centro de Landrove, unha parroquia que conta con máis de 300 habitantes. Ademais desta actuación, o Concello prevé, se as condicións meteorolóxicas o permiten, arranxar nas próximas semanas a pista de Tras Viveiro, tamén na parroquia de Landrove.
Para acometer estes traballos, o organismo provincial ten desprazado no municipio mariñano un equipo de rego, composto por 3 vehículos (cisterna, gravilladora e compactadora), así como tres maquinistas, cos que colabora persoal municipal.
Máxima cooperación cos Concellos
Dentro da súa aposta pola optimización de recursos e a máxima cooperación cos Concellos, a Deputación reorientou o servizo do Parque Móbil hai 6 anos, poñendo a disposición de todos os municipios da provincia os medios técnicos e o persoal deste departamento para o acondicionamento de estradas locais co fin de reducir as súas cargas económicas e mellorar os servizos públicos ós cidadáns. Actualmente, as máquinas actúan durante todo o ano e segundo as necesidades en vías locais coa colaboración de traballadores municipais. Por este motivo, vanse desprazando por toda a provincia.
Balance de 2012
Estas actuacións acometidas con recursos propios supuxeron un aforro de case 5 millóns de euros durante o pasado ós Concellos de toda a provincia. En 2012, as máquinas do Parque Móbil actuaron en vías locais de 20 municipios de todas as cores políticas, nas que se arranxaron un total de 534 quilómetros: creáronse 36 quilómetros de obra nova; rexeneráronse 343; bacheáronse 129 e reparáronse accesos en máis de 26 quilómetros. Para elo, a institución luguesa puxo a disposición dos Concellos 20 operarios e 18 máquinas do Parque Móbil. Isto supuxo, segundo datos dos técnicos provinciais, que a Deputación aforrase ós Concellos preto de 5 millóns de euros, que sería o orzamento que terían que investir os municipios no caso realizar contratacións externas para levar a cabo estas actuacións, executadas e asumidas na súa totalidade pola institución.
De 12:30 14:00 horas no CEIP Juan Rey farán actividades e demostracións. E de 18:00 a 21:00 horas na Praza do Concello haberá unha exposición estática e mini relevos. O Concello de Lourenzá destaca que é “unha oportunidade única para coñecer de preto o labor da Garda Real. Animámosvos a participar!”.
Nesta edición, a programación céntrase na Idade Moderna en Galicia, combinando sesións teóricas no Real Seminario Conciliar de Santa Catalina con visitas guiadas por Mondoñedo e a súa comarca. O Concello destaca a excelente acollida desta iniciativa e anima a seguir promovendo actividades culturais deste nivel, posibles grazas ao compromiso da USC e ao apoio da Xunta de Galicia.
“A nosa provincia será un dos mellores lugares do mundo para ver este fenómeno e estamos a traballar para estar á altura”, valorou a mandataria provincial.
Categoría Infantil: 1º premio, Celia Blanco. 2º, Mara Blanco. 3º, Nuno Villares. Categoría Primaria: 1º premio, Laia Rodríguez. 2º, Paula Martínez. 3º, Jesús López e Samuel Riera (empate). Categoría Adultos: 1º premio, Unha receita para a felicidade, de Sonia Corral. 2º, O merodeador da néboa, de Manuel Fernández. 3º, Ou lobo ou o can, de Xolo. O Concello felicita a todas as persoas premiadas e agradece a participación de todas e todos os que fixeron deste certame unha auténtica celebración da lectura e da creación literaria.
10:00 h: Apertura do mercado e Andaina histórica por Vilaronte con Moncho Ermida (dificultade baixa). 11:00–14:00 h: Experiencia a cabalo para nen@s (de balde). 12:00 h: Actuación da Charanga Os Sureños. 14:00 h: Sesión vermú con Super Glu. 16:30 h: Contacontos “Contamos contos de lobos” – Ghazafelhos. 18:00 h: Concerto de Tapa D’Orella. Durante a mañá haberá demostración de coiro. Pulpería Suso servirá churrasco, polbo e xamón. Organiza: O Atrio Colaboran: Concello de Foz, Xunta de Galicia, Área de Cultura da Deputación, Centro AD e Fiore Tondo.
Será o sábado 9 de maio ás 20 horas na Casa da Cultura. Homenaxeado: Xesús do Breogán, pola súa contribución á cultura e ao concello. Organiza: Son’s Varadero Foz. Colabora: Concello de Foz
A artista Catuxa Salom presentará o seu espectáculo o sábado 30 de maio, ás 22:30 horas. O concerto forma parte da programación cultural apoiada pola Xunta de Galicia, Xacobeo 2027, Artye e Urdime. As entradas están dispoñibles de maneira anticipada por 12 euros, mentres que na billeteira do recinto terán un prezo de 15 euros. A venda anticipada realízase a través da plataforma Woutick.
