– Profesores, alumnos e exalumnos da EIS desprazaranse a partir de maio ós centros de ensino secundario para explicar ós estudantes de 2º de BAC as saídas profesionais dos ciclos de Realización e Produción.
– Álvaro Santos, Deputado e Patrono da TIC, fixo este anuncio durante a celebración do II Concurso Lucus Intercentros, que foi difundido en directo a través da web da TIC grazas ó traballo dos alumnos de 2º da Escola de Imaxe e Son.
O Deputado de Cooperación cos Concellos e Patrono da Fundación TIC, Álvaro Santos Ramos, anunciou este venres que no mes de maio a TIC iniciará un programa de xornadas de orientación en institutos de toda a provincia. Estarán destinadas especialmente a estudantes de 2º de BAC, “co obxectivo de que os alumnos que deben decidir ó remate deste curso que estudos seguirán, coñezan mellor a Escola de Imaxe e Son, o único centro da provincia que imparte ensinanzas da rama audiovisual. Explicaráselles que formación necesitan para ser realizadores e produtores e, sobre todo e máis importante, que saídas laborais teñen estas profesións”.
Para isto, desprazarase ata os centros de secundaria un profesor da EIS acompañado de alumnos e exalumnos que contarán as súas experiencias na Escola e resolverán todas as dúbidas que poidan xurdir. Neste senso, o Patrono da TIC dixo que “esta iniciativa forma parte da política de achegamento da Fundación á sociedade lucense que iniciamos á nosa chegada ó Goberno Provincial, e que inclúe outros proxectos como as xornadas de portas abertas na propia Escola ou a elaboración dun informativo por parte dos alumnos dos centros educativos que visitan as nosas instalacións”.
En directo na web da TIC
Álvaro Santos realizou este anuncio durante a visita que fixo ó IES Muralla Romana de Lugo para seguir a evolución do II Concurso Lucus Intercentros, que foi transmitido en directo a través da web da Fundación, www.fundaciontic.org. A transmisión foi posible grazas ó traballo dos alumnos de 2º de Realización e Produción da Escola que, baixo a supervisión de docentes e técnicos auxiliares docentes, fixeron posible que o evento puidese verse a tempo real en calquera dispositivo móbil. Empregaron unha unidade móbil con cinco cámaras e todo o material necesario para o streaming, un sistema que cada vez está a ter máis demanda.
O Deputado dixo que “dentro da nosa prioridade de garantir unha formación de calidade que contribúa á inserción laboral dos nosos alumnos, as prácticas en escenarios reais son fundamentais. A nosa colaboración co II Concurso Lucus Intercentros é un claro exemplo delo. Ademais, no noso caso, esta é unha oportunidade inmellorable para que os rapaces e rapazas dos institutos lucenses coñezan o labor educativo que desenvolvemos na nosa Escola”.
Un concurso para coñecerse
O II Concurso Lucus Intercentros, organizado polos alumnos do ciclo de Secretariado do Muralla Romana, forma parte das actividades incluídas dentro das X Xornadas de Interrelación Curricular que teñen como obxectivo poñer en contacto ós alumnos e docentes dos 7 institutos de educación secundaria públicos da capital. Ademais da TIC, colaboran a Escola de Arte e Superior de Deseño Ramón Falcón e o CIFP Politécnico de Lugo.
Cada un dos institutos participantes presentou un equipo formado por 3 alumnos de primeiro de bacharelato. O concurso desenvolveuse en oito fases eliminatorias e rematou coa entrega de premios ós estudantes que amosen un maior nivel de coñecemento. O equipo vencedor recibirá unha tablet de 8 Gb para cada un dos seus membros; unha tablet de 4 Gb para os da segunda posición; unha memoria USB de 32 G para os terceiros; unha memoria USB de 16 G para os cuartos, e unha memoria de 8 G para cada un dos membros dos outros equipos participantes.
Colaboración moi estreita
A participación da TIC inclúese dentro do convenio de colaboración co IES Muralla Romana. Álvaro Santos indicou que “entre as numerosas colaboracións da Fundación TIC con diversas entidades públicas e privadas, quero destacar a que mantemos co IES Muralla Romana de Lugo, xa que repercute positivamente na formación práctica dos alumnos dos dous centros”.
O venres descubrirase a placa que oficializa o nomeamento da Biblioteca Municipal co seu nome, dentro da iniciativa “Miradas sobre Agustín 2026-2027”, que busca divulgar o legado do escritor e apoiar a súa candidatura ás Letras Galegas de 2028. O programa inclúe unha exposición, a lectura dun manifesto e unha conferencia. O sábado entregarase no Auditorio o IX Premio Agustín Fernández Paz de narrativa infantil e xuvenil pola Igualdade. Rouco destacou a importancia de visibilizar a figura do autor e convidou a veciñanza a participar nos actos.
As nenas e nenos coñeceron o proceso de moenda e levaron unha mostra de fariña. García destacou a importancia de achegar a realidade do rural á infancia e agradeceu a colaboración das granxas, ANPAS e centros educativos. O Muíño de Coea é unha das novas incorporacións a un programa que este ano inclúe 210 actividades e chega a máis de 6.000 escolares de 74 centros da provincia.
O domingo 20 de decembro a Praza César Chavarría acollerá de 11:00 a 20:00 horas unha nova edición do Mercadiño de Nadal organizado polo Concello de Lourenzá, “unha cita para desfrutar do ambiente destas datas e compartir unha xornada especial na nosa vila”, anuncia a alcaldesa, Rocío López. O prazo de inscrición para instalar cun posto xa está aberto e a participación é totalmente gratuíta. As solicitudes poden facerse ata o 16 de decembro nas oficinas do Concello de Lourenzá ou a través do teléfono 982.121.006.
Para participar, só é preciso realizar unha compra igual ou superior a 10 euros e rexistrar o tícket na web 
Trátasde dunha adaptación da novela de Neira Vilas no décimo aniversario da súa morte, dirixida por Cándido Pazó. 20.30 horas.
Ao remate creouse un pequeno xardín de plantas de tempada de cor rosa na contorna do parque Reina Sofía, como símbolo da loita e da visibilidade desta causa. O Concello agradeceu a participación de todas as persoas asistentes e destacou especialmente o labor da Asociación de Mulleres de San Ciprián, que decorou a cafetaría da Casa do Mar en tons rosas para acoller a merenda final, contribuíndo a crear un espazo cálido e significativo para pechar a xornada.
Recoñecéronse as ganderías con máis participación na baixada tradicional e na feira, así como os mellores exemplares das distintas razas e categorías equinas. García destacou o valor das San Lucas como espazo de recoñecemento ao gando cabalar e ao labor dos gandeiros, fundamental para o coidado dos montes e a preservación das paisaxes tradicionais. A xornada incluíu unha homenaxe a Luciano García, falecido en xullo, impulsor da baixada dos cabalos e fundador de Puraga.
